ਚੰਡੀਗੜ੍ਹ ਦੇ ਸ਼ਖ਼ਸ ਨੇ ਬਣਾਈ ਉਲਟ ਦਿਸ਼ਾ 'ਚ ਚੱਲਣ ਵਾਲੀ ਘੜੀ, ਉਲਟ ਦਿਸ਼ਾ 'ਚ ਚੱਲਣ ਦੇ ਬਾਵਜੂਦ ਵਿਖਾਉਂਦੀ ਹੈ ਸਹੀ ਸਮਾਂ

ਚੰਡੀਗੜ੍ਹ ਦੇ ਰਹਿਣ ਵਾਲੇ ਬਲਵਿੰਦਰ ਸਿੰਘ ਨੇ ਅਜਿਹੀ ਘੜੀ ਬਣਾਈ ਹੈ, ਜੋ ਉਲਟ ਦਿਸ਼ਾ 'ਚ ਚੱਲਦੀ ਹੈ, ਫਿਰ ਵੀ ਸਹੀ ਸਮਾਂ ਦੱਸਦੀ ਹੈ। ਬਲਵਿੰਦਰ ਸਿੰਘ ਇੰਜੀਨੀਅਰਿੰਗ ਵਿੱਚ ਦਿਲਚਸਪੀ ਰੱਖਦਾ ਹੈ। ਇਸ ਘੜੀ ਨੂੰ ਬਣਾਉਣ 'ਚ ਉਨ੍ਹਾਂ ਨੂੰ ਤਿੰਨ ਸਾਲ ਲੱਗੇ। ਬਲਵਿੰਦਰ ਸਿੰਘ ਨੇ ਦੱਸਿਆ ਕਿ ਉਸ ਦਾ ਇੱਕ ਦੋਸਤ ਰਾਜਸਥਾਨ ਗਿਆ ਹੋਇਆ ਸੀ, ਜਿੱਥੇ ਉਸ ਨੇ ਇੱਕ ਕਿਲ੍ਹੇ ਵਿੱਚ ਇੱਕ ਘੜੀ ਉਲਟੀ ਦਿਸ਼ਾ ਵਿੱਚ ਚਲਦੀ ਦੇਖੀ, ਪਰ ਸਹੀ ਸਮਾਂ ਦੱਸ ਰਹੀ ਸੀ। ਇਸ ਤੋਂ ਬਾਅਦ ਉਸ ਨੇ ਇਹ ਵੀ ਸੋਚਿਆ ਕਿ ਉਲਟ ਦਿਸ਼ਾ ਵਿੱਚ ਚੱਲਣ ਵਾਲੀ ਘੜੀ  ਬਣਾਈ ਜਾਵੇ। ਬਲਵਿੰਦਰ ਚਾਹੁੰਦਾ ਸੀ ਕਿ ਘੜੀ ਦੀ ਖਾਸ ਦਿੱਖ ਹੋਵੇ। ਇਸੇ ਲਈ ਉਸ ਨੇ ਘੜੀ ਨੂੰ ਪੰਜਾਬੀ ਵਿੱਚ ਡਿਜ਼ਾਈਨ ਕੀਤਾ ਹੈ। ਬਲਵਿੰਦਰ ਸਿੰਘ ਨੂੰ ਉਮੀਦ ਹੈ ਕਿ ਘੜੀ ਦੀ ਉਲਟ ਦਿਸ਼ਾ ਲੋਕਾਂ ਨੂੰ ਰਿਵਾਇਤੀ ਬੁੱਧੀ ਨੂੰ ਚੁਣੌਤੀ ਦੇਣ ਅਤੇ ਨਵੇਂ ਤਰੀਕਿਆਂ ਨਾਲ ਸੋਚਣ ਲਈ ਮਜ਼ਬੂਰ ਕਰੇਗੀ।