ਦੁਕਾਨ ਦੀ ਛੱਤ ਪਾੜ ਕੇ ਚੋਰਾਂ ਨੇ ਕੀਤੀ ਚੋਰੀ

ਫਾਜ਼ਿਲਕਾ: ਫਾਜ਼ਿਲਕਾ ਦੇ ਘੰਟਾਘਰ ਚੌਂਕ ਵਿੱਚ ਸ਼ਾਮੂ ਬਾਣੀਏ ਦੀ ਕਰਿਆਨੇ ਦੀ ਦੁਕਾਨ ਵਿੱਚ ਚੋਰਾਂ ਨੇ ਛੱਤ ਪਾੜ ਕੇ ਸਮਾਨ ਚੋਰੀ ਕਰ ਲਈ। ਸ਼ਾਮ ਲਾਲ ਨੇ ਸਵੇਰੇ ਆ ਕੇ ਦੇਖਿਆ ਕਿ ਕਰਿਆਨੇ ਦਾ ਸਮਾਨ ਇਧਰ ਉਧਰ ਬਿਖਰਿਆ ਪਿਆ ਸੀ ਅਤੇ ਨਗਦੀ ਵਾਲੇ ਗੱਲੇ ਵੀ ਗਾਇਬ ਸੀ। ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਦੁਕਾਨਦਾਰ ਸ਼ਾਮ ਲਾਲ ਨੇ ਦੱਸਿਆ ਕਿ ਰਾਤ ਨੂੰ ਉਹ ਦੁਕਾਨ ਨੂੰ ਤਾਲੇ ਲਾ ਕੇ ਗਏ ਸਨ, ਸਵੇਰੇ ਆ ਕੇ ਜਦੋਂ ਦੁਕਾਨ ਦਾ ਤਾਲਾ ਖੋਲਿਆ ਤਾਂ ਦੇਖਿਆ ਕਿ ਕੱਚੀ ਛੱਤ ਵਿਚ ਪਾੜ ਪਾ ਕੇ ਚੋਰਾਂ ਵੱਲੋਂ ਚੋਰੀ ਨੂੰ ਅੰਜਾਮ ਦਿੱਤਾ ਗਿਆ ਹੈ, ਨਗਦੀ ਵਾਲਾ ਗੱਲਾ ਗਾਇਬ ਸੀ ਅਤੇ ਦੁਕਾਨ ਵਿੱਚ ਪਿਆ ਸਮਾਨ ਖੁਰਦ-ਬਰਦ ਕੀਤਾ ਗਿਆ ਸੀ, ਹੁਣ ਗਿਣਤੀ ਕਰਕੇ ਦੇਖਾਂਗੇ ਕਿ ਕਿੰਨਾ ਨੁਕਸਾਨ ਹੋਇਆ ਹੈ।