ਹੈਦਰਾਬਾਦ: ਲੂਪਸ ਇੱਕ ਆਟੋਇਮਿਊਨ ਬਿਮਾਰੀ ਹੈ। ਇਹ ਬਿਮਾਰੀ ਉਦੋਂ ਹੁੰਦੀ ਹੈ ਜਦੋਂ ਸਰੀਰ ਨੂੰ ਕਈ ਬਿਮਾਰੀਆਂ ਤੋਂ ਬਚਾਉਣ ਵਾਲਾ ਇਮਿਊਨ ਸਿਸਟਮ ਸਰੀਰ ਨੂੰ ਨੁਕਸਾਨ ਪਹੁੰਚਾਉਣਾ ਸ਼ੁਰੂ ਕਰ ਦਿੰਦਾ ਹੈ ਅਤੇ ਇਸ 'ਤੇ ਹਮਲਾ ਕਰਨਾ ਸ਼ੁਰੂ ਕਰ ਦਿੰਦੀ ਹੈ। ਇਹ ਬਿਮਾਰੀ ਸਰੀਰ ਦੇ ਕਈ ਹਿੱਸਿਆਂ ਨੂੰ ਪ੍ਰਭਾਵਿਤ ਕਰਦੀ ਹੈ, ਜਿਵੇਂ ਕਿ ਚਮੜੀ, ਗੁਰਦੇ, ਜੋੜਾਂ, ਖੂਨ ਦੇ ਸੈੱਲ, ਦਿਮਾਗ, ਦਿਲ ਅਤੇ ਫੇਫੜੇ। 10 ਮਈ ਨੂੰ ਵਿਸ਼ਵ ਭਰ ਵਿੱਚ ਵਿਸ਼ਵ ਲੂਪਸ ਦਿਵਸ ਮਨਾਇਆ ਜਾਂਦਾ ਹੈ, ਕਿਉਂਕਿ ਲੂਪਸ ਕੌਮੀ, ਨਸਲਾਂ, ਉਮਰਾਂ ਅਤੇ ਲਿੰਗਾਂ ਵਿੱਚ ਭੇਦਭਾਵ ਕੀਤੇ ਬਿਨਾਂ ਸਾਰਿਆਂ ਨੂੰ ਪ੍ਰਭਾਵਿਤ ਕਰਦਾ ਹੈ। ਹਾਲਾਂਕਿ ਇਸ ਸਥਿਤੀ ਦੀ ਕੋਈ ਸੀਮਾ ਨਹੀਂ ਹੈ। ਇਸ ਬਾਰੇ ਜਾਣੂ ਕਰਵਾਉਣਾ ਇਸਦੇ ਪ੍ਰਭਾਵ ਨੂੰ ਕੰਟਰੋਲ ਕਰਨ ਵਿੱਚ ਮਦਦ ਕਰ ਸਕਦਾ ਹੈ।
ਲੂਪਸ ਬਿਮਾਰੀ ਦੇ ਲੱਛਣ: ਲੂਪਸ ਦਾ ਨਿਦਾਨ ਅਕਸਰ ਇਸਦੇ ਲੱਛਣਾਂ ਕਾਰਨ ਮੁਸ਼ਕਲ ਹੁੰਦਾ ਹੈ ਜੋ ਲੱਛਣ ਅਕਸਰ ਹੋਰ ਆਮ ਬਿਮਾਰੀਆਂ ਦੀ ਨਕਲ ਕਰਦੇ ਹਨ। ਪਰ, ਇਸ ਬਿਮਾਰੀ ਦਾ ਇੱਕ ਮੁੱਖ ਲੱਛਣ ਚਿਹਰੇ ਦੇ ਧੱਫੜ ਹਨ। ਇਸਦੇ ਹੋਰ ਲੱਛਣ ਹੇਠ ਲਿਖੇ ਅਨੁਸਾਰ ਹਨ:
- ਸਾਹ ਦੀ ਕਮੀ।
- ਛਾਤੀ ਵਿੱਚ ਲਗਾਤਾਰ ਦਰਦ।
- ਜੋੜਾਂ ਵਿੱਚ ਸੋਜ, ਕਠੋਰਤਾ ਅਤੇ ਦਰਦ।
- ਥਕਾਵਟ ਅਤੇ ਬੁਖਾਰ।
- ਠੰਡ ਦੇ ਸੰਪਰਕ ਵਿੱਚ ਆਉਣ ਨਾਲ ਤੁਹਾਡੀਆਂ ਉਂਗਲਾਂ ਅਤੇ ਪੈਰਾਂ ਦੀਆਂ ਉਂਗਲਾਂ ਨੀਲੀਆਂ ਹੋ ਜਾਂਦੀਆਂ ਹਨ।
- ਸਿਰਦਰਦ, ਉਲਝਣ ਅਤੇ ਕਈ ਵਾਰ ਯਾਦਦਾਸ਼ਤ ਦੀ ਕਮੀ।
ਲੋਕ ਇੱਕ ਪ੍ਰਮੁੱਖ ਅੰਗ ਨਾਲ ਹੁੰਦੇ ਪ੍ਰਭਾਵਿਤ: ਵਰਲਡ ਲੂਪਸ ਫੈਡਰੇਸ਼ਨ ਦੁਆਰਾ ਕਰਵਾਏ ਗਏ ਲੂਪਸ ਨਾਲ ਪੀੜਿਤ ਲੋਕਾਂ ਦੇ ਇੱਕ ਤਾਜ਼ਾ ਗਲੋਬਲ ਸਰਵੇਖਣ ਦੇ ਅਨੁਸਾਰ, ਇਸ ਸਥਿਤੀ ਨਾਲ ਪੀੜਿਤ 87 ਫ਼ੀਸਦੀ ਲੋਕ ਘੱਟੋ ਘੱਟ ਇੱਕ ਪ੍ਰਮੁੱਖ ਅੰਗ ਬਿਮਾਰੀ ਨਾਲ ਪ੍ਰਭਾਵਿਤ ਹੁੰਦੇ ਹਨ। ਇਹ ਸਰਵੇਖਣ 100 ਤੋਂ ਵੱਧ ਦੇਸ਼ਾਂ ਦੇ ਲੂਪਸ ਵਾਲੇ 6,700 ਤੋਂ ਵੱਧ ਲੋਕਾਂ ਵਿੱਚ ਕੀਤਾ ਗਿਆ ਸੀ।
- World Thalassemia Day: ਜਾਣੋ ਕੀ ਹੈ ਥੈਲੇਸੀਮੀਆ ਬਿਮਾਰੀ ਅਤੇ ਇਸਨੂੰ ਮਨਾਉਣ ਦਾ ਉਦੇਸ਼
- World Asthma Day: ਅੱਜ ਦੇ ਦਿਨ ਮਨਾਇਆ ਜਾ ਰਿਹਾ ਵਿਸ਼ਵ ਦਮਾ ਦਿਵਸ, ਜਾਣੋ ਇਸਦੇ ਲੱਛਣ ਅਤੇ ਸਾਵਧਾਨੀਆਂ
- world immunization week 2023: ਬੱਚੇ ਹੋਣ ਜਾਂ ਵੱਡੇ ਹਰ ਕਿਸੇ ਲਈ ਟੀਕਾਕਰਨ ਹੈ ਮਹੱਤਵਪੂਰਨ, ਜਾਣੋ ਕਿਉਂ
ਲੋਕਾਂ ਨੇ ਕੀਤੀ ਰਿਪੋਰਟ: ਲਗਭਗ ਤਿੰਨ-ਚੌਥਾਈ ਭਾਗੀਦਾਰਾਂ ਨੇ ਕਈ ਅੰਗਾਂ ਦੇ ਪ੍ਰਭਾਵਿਤ ਹੋਣ ਦੀ ਰਿਪੋਰਟ ਕੀਤੀ ਅਤੇ ਉਨ੍ਹਾਂ ਦੇ ਔਸਤਨ ਤਿੰਨ ਅੰਗ ਪ੍ਰਭਾਵਿਤ ਹੋਏ। ਲੋਕਾਂ ਨੇ ਰਿਪੋਰਟ ਕੀਤੀ ਕਿ ਚਮੜੀ ਅਤੇ ਹੱਡੀਆਂ ਲੂਪਸ ਦੁਆਰਾ ਸਭ ਤੋਂ ਵੱਧ ਪ੍ਰਭਾਵਿਤ ਹੋਣ ਵਾਲੇ ਅੰਗ ਸਨ ਅਤੇ ਗੁਰਦੇ, ਪਾਚਨ ਪ੍ਰਣਾਲੀ, ਅੱਖਾਂ ਅਤੇ ਕੇਂਦਰੀ ਨਸ ਪ੍ਰਣਾਲੀ ਦੂਜੇ ਪ੍ਰਮੁੱਖ ਪ੍ਰਭਾਵਿਤ ਅੰਗਾਂ ਪ੍ਰਣਾਲੀਆਂ ਵਿੱਚੋਂ ਇੱਕ ਸਨ। ਇਸ ਸਥਿਤੀ ਤੋਂ ਪੀੜਤ ਅੱਧੇ ਤੋਂ ਵੱਧ ਲੋਕਾਂ ਨੂੰ ਅੰਗਾਂ ਦੇ ਨੁਕਸਾਨ ਕਾਰਨ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਸੀ ਅਤੇ ਕਈਆਂ ਦੇ ਅੰਗਾਂ ਨੂੰ ਨਾ ਪੂਰਾ ਹੋਣ ਵਾਲਾ ਨੁਕਸਾਨ ਹੋਣ ਦੀ ਰਿਪੋਰਟ ਕੀਤੀ ਗਈ ਸੀ।
ਲੂਪਸ ਬਿਮਾਰੀ ਤੋਂ ਪੀੜਿਤ ਲੋਕਾਂ ਨੇ ਇਨ੍ਹਾਂ ਸਮੱਸਿਆਵਾਂ ਦੀ ਵਧੇਰੇ ਕੀਤੀ ਰਿਪੋਰਟ:
- ਸਮਾਜਿਕ ਗਤੀਵਿਧੀਆਂ ਵਿੱਚ ਭਾਗੀਦਾਰੀ ਦੀ ਘਾਟ।
- ਮਾਨਸਿਕ ਸਿਹਤ ਸਮੱਸਿਆਵਾਂ।
- ਕੰਮ ਕਰਨ ਤੋਂ ਅਸਮਰੱਥਾ ਕਾਰਨ ਪੈਦਾ ਹੋਈ ਬੇਰੁਜ਼ਗਾਰੀ।
- ਵਿੱਤੀ ਅਸਥਿਰਤਾ।
- ਗਤੀਸ਼ੀਲਤਾ ਜਾਂ ਆਵਾਜਾਈ ਵਿੱਚ ਚੁਣੌਤੀਆਂ।
ਲੂਪਸ ਬਿਮਾਰੀ ਸਰੀਰ ਦੇ ਕਿਸੇ ਵੀ ਅੰਗ 'ਤੇ ਹਮਲਾ ਕਰ ਸਕਦੀ: ਲੂਪਸ ਤੋਂ ਪੀੜਤ ਲੋਕਾਂ ਨੂੰ ਅਕਸਰ ਕਿਹਾ ਜਾਂਦਾ ਹੈ ਕਿ ਉਹ ਬਿਮਾਰ ਨਹੀਂ ਲੱਗਦੇ, ਜਦਕਿ ਅਸਲ ਵਿੱਚ ਉਹ ਇੱਕ ਘਾਤਕ ਬਿਮਾਰੀ ਨਾਲ ਜੂਝ ਰਹੇ ਹੁੰਦੇ ਹਨ। ਇਹ ਬਿਮਾਰੀ ਉਹਨਾਂ ਦੇ ਸਰੀਰ ਦੇ ਕਿਸੇ ਵੀ ਅੰਗ 'ਤੇ ਹਮਲਾ ਕਰ ਸਕਦੀ ਹੈ ਅਤੇ ਅਣਗਿਣਤ ਲੱਛਣਾਂ ਅਤੇ ਗੰਭੀਰ ਸਿਹਤ ਸਮੱਸਿਆਵਾਂ ਦਾ ਕਾਰਨ ਬਣ ਸਕਦੀ ਹੈ। ਵਿਸ਼ਵ ਲੂਪਸ ਦਿਵਸ ਲੂਪਸ ਬਿਮਾਰੀ ਨਾਲ ਪੀੜਿਤ ਲੋਕਾਂ ਨੂੰ ਹਰ ਰੋਜ਼ ਚੁਣੌਤੀਆਂ ਦਾ ਸਾਹਮਣਾ ਕਰਨ ਲਈ ਜਾਗਰੂਕਤਾ ਪੈਦਾ ਕਰਨ ਵਿੱਚ ਮਦਦ ਕਰਦਾ ਹੈ ਅਤੇ ਵਿਸ਼ਵ ਭਰ ਵਿੱਚ ਵਧੇਰੇ ਸਹਾਇਤਾ ਦੀ ਲੋੜ ਵੱਲ ਧਿਆਨ ਦਿਵਾਉਂਦਾ ਹੈ। ਇਹ ਦਿਨ ਨਾਜ਼ੁਕ ਖੋਜ, ਸਿੱਖਿਆ ਅਤੇ ਸਹਾਇਤਾ ਸੇਵਾਵਾਂ ਨੂੰ ਫੰਡ ਦੇਣ ਵਿੱਚ ਮਦਦ ਕਰਨ ਲਈ ਲੋਕਾਂ ਅਤੇ ਵੱਖ-ਵੱਖ ਸਰਕਾਰੀ ਸੰਸਥਾਵਾਂ ਤੋਂ ਸਮਰਥਨ ਇਕੱਠਾ ਕਰਨ ਵਿੱਚ ਮਦਦ ਕਰਦਾ ਹੈ, ਜੋ ਲੂਪਸ ਤੋਂ ਪ੍ਰਭਾਵਿਤ ਲੋਕਾਂ ਦੇ ਜੀਵਨ ਦੀ ਗੁਣਵੱਤਾ ਵਿੱਚ ਸੁਧਾਰ ਕਰਨ ਵਿੱਚ ਮਦਦ ਕਰਦਾ ਹੈ।
