ਇੱਕ ਨਵੇਂ ਅਧਿਐਨ ਅਨੁਸਾਰ 64 ਫੀਸਦੀ ਤੋਂ ਵੱਧ ਔਰਤਾਂ ਹੁਣ ਮਾਹਵਾਰੀ ਤੋਂ ਪਹਿਲਾਂ ਦੇ ਮੂਡ ਸਵਿੰਗ ਅਤੇ ਚਿੰਤਾ ਦਾ ਅਨੁਭਵ ਕਰਦੀਆਂ ਹਨ ਜੋ "ਵਿਸ਼ਵ ਪੱਧਰ ਉਤੇ ਇੱਕ ਮੁੱਖ ਜਨਤਕ ਸਿਹਤ ਸਮੱਸਿਆ" ਨੂੰ ਦਰਸਾਉਂਦੀਆਂ ਹਨ। ਜ਼ਿਆਦਾਤਰ ਔਰਤਾਂ ਨੂੰ ਹਰ ਮਾਹਵਾਰੀ ਚੱਕਰ ਵਿੱਚ ਮਾਹਵਾਰੀ ਤੋਂ ਪਹਿਲਾਂ ਦੇ ਲੱਛਣਾਂ ਦਾ ਅਨੁਭਵ ਹੁੰਦਾ ਹੈ। ਹਰ ਉਮਰ ਸਮੂਹ ਵਿੱਚ ਘੱਟੋ-ਘੱਟ 61 ਪ੍ਰਤੀਸ਼ਤ ਔਰਤਾਂ ਹਰ ਮਾਹਵਾਰੀ ਚੱਕਰ ਵਿੱਚ ਮੂਡ ਨਾਲ ਸਬੰਧਤ ਲੱਛਣਾਂ ਦੀ ਰਿਪੋਰਟ ਕਰਦੀਆਂ ਹਨ। ਖੋਜਕਰਤਾਵਾਂ ਨੇ ਸੁਝਾਅ ਦਿੱਤਾ ਹੈ ਕਿ "ਮਾਹਵਾਰੀ ਤੋਂ ਪਹਿਲਾਂ ਦੇ ਮੂਡ ਦੇ ਲੱਛਣ ਵਿਸ਼ਵ ਪੱਧਰ 'ਤੇ ਇੱਕ ਮੁੱਖ ਜਨਤਕ ਸਿਹਤ ਸਮੱਸਿਆ ਹਨ"।
"ਸਾਡਾ ਅਧਿਐਨ ਦਰਸਾਉਂਦਾ ਹੈ ਕਿ ਮਾਹਵਾਰੀ ਤੋਂ ਪਹਿਲਾਂ ਦੇ ਮੂਡ ਦੇ ਲੱਛਣ ਵਿਸ਼ਵ ਭਰ ਵਿੱਚ ਬਹੁਤ ਆਮ ਹਨ "ਜੈਨੀਫਰ ਐਲ ਪੇਨ ਵਰਜੀਨੀਆ ਯੂਨੀਵਰਸਿਟੀ ਸਕੂਲ ਆਫ਼ ਮੈਡੀਸਨ ਵਿੱਚ ਪ੍ਰਜਨਨ ਮਨੋਵਿਗਿਆਨ ਖੋਜ ਪ੍ਰੋਗਰਾਮ ਦੇ ਨਿਰਦੇਸ਼ਕ ਨੇ ਕਿਹਾ ਕਿ "ਜ਼ਿਆਦਾ ਮਹੱਤਵਪੂਰਨ ਗੱਲ ਇਹ ਹੈ ਕਿ ਜ਼ਿਆਦਾਤਰ ਔਰਤਾਂ ਨੇ ਦੱਸਿਆ ਕਿ ਉਨ੍ਹਾਂ ਦੇ ਮਾਹਵਾਰੀ ਤੋਂ ਪਹਿਲਾਂ ਦੇ ਲੱਛਣਾਂ ਨੇ ਘੱਟੋ-ਘੱਟ ਕੁਝ ਸਮੇਂ ਲਈ ਉਨ੍ਹਾਂ ਦੀ ਰੋਜ਼ਾਨਾ ਜ਼ਿੰਦਗੀ ਵਿੱਚ ਦਖਲ ਦਿੱਤਾ ਹੈ ਭਾਵ ਕਿ ਉਹਨਾਂ ਦਾ ਸੁਭਾਅ ਵਿੱਚ ਬਦਲਾ ਆਉਣਾ ਸ਼ੁਰੂ ਆ ਜਾਂਦਾ ਹੈ।
ਆਰਕਾਈਵਜ਼ ਆਫ਼ ਵੂਮੈਨਜ਼ ਮੈਂਟਲ ਹੈਲਥ ਵਿੱਚ ਪ੍ਰਕਾਸ਼ਿਤ ਅਧਿਐਨ ਨੇ ਫਲੋ ਐਪ 'ਤੇ 140 ਦੇਸ਼ਾਂ ਦੀਆਂ 18-55 ਸਾਲ ਦੀ ਉਮਰ ਦੀਆਂ ਔਰਤਾਂ ਦੇ 238,000 ਤੋਂ ਵੱਧ ਸਰਵੇਖਣ ਜਵਾਬਾਂ ਦਾ ਵਿਸ਼ਲੇਸ਼ਣ ਕੀਤਾ ਅਤੇ ਜੋ ਔਰਤਾਂ ਨੂੰ ਉਨ੍ਹਾਂ ਦੇ ਮਾਹਵਾਰੀ ਚੱਕਰ ਨੂੰ ਟਰੈਕ ਕਰਨ ਜਾਂ ਗਰਭ ਅਵਸਥਾ ਦੌਰਾਨ ਅਤੇ ਬਾਅਦ ਵਿੱਚ ਉਨ੍ਹਾਂ ਦੇ ਮੂਡ ਜਾਂ ਸਰੀਰਕ ਲੱਛਣਾਂ ਨੂੰ ਟਰੈਕ ਕਰਨ ਵਿੱਚ ਮਦਦ ਕਰਦਾ ਹੈ।
ਖੋਜਕਰਤਾਵਾਂ ਨੇ ਕਿਹਾ ਕਿ ਸਭ ਤੋਂ ਆਮ ਲੱਛਣ ਭੋਜਨ ਦੀ ਲਾਲਸਾ (85.28 ਪ੍ਰਤੀਸ਼ਤ) ਸਨ, ਜਿਸ ਤੋਂ ਬਾਅਦ ਮੂਡ ਬਦਲਣਾ ਜਾਂ ਚਿੰਤਾ (64.18 ਪ੍ਰਤੀਸ਼ਤ) ਅਤੇ ਥਕਾਵਟ (57.3 ਪ੍ਰਤੀਸ਼ਤ) ਸਨ ਅਤੇ ਨਾਲ ਹੀ 28.61 ਪ੍ਰਤੀਸ਼ਤ ਨੇ ਕਿਹਾ ਕਿ ਉਨ੍ਹਾਂ ਦੇ ਮਾਹਵਾਰੀ ਤੋਂ ਪਹਿਲਾਂ ਦੇ ਲੱਛਣ ਹਰ ਮਾਹਵਾਰੀ ਚੱਕਰ ਦੌਰਾਨ ਉਨ੍ਹਾਂ ਦੀ ਰੋਜ਼ਾਨਾ ਜ਼ਿੰਦਗੀ ਵਿੱਚ ਦਖਲ ਦਿੰਦੇ ਹਨ, ਜਦੋਂ ਕਿ ਇੱਕ ਵਾਧੂ 34.84 ਪ੍ਰਤੀਸ਼ਤ ਨੇ ਕਿਹਾ ਕਿ ਉਨ੍ਹਾਂ ਦੇ ਮਾਹਵਾਰੀ ਤੋਂ ਪਹਿਲਾਂ ਦੇ ਲੱਛਣ ਕਈ ਵਾਰ ਉਨ੍ਹਾਂ ਦੀ ਰੋਜ਼ਾਨਾ ਜ਼ਿੰਦਗੀ ਵਿੱਚ ਦਖਲ ਦਿੰਦੇ ਹਨ।
ਪੇਨੇ ਨੇ ਕਿਹਾ "ਮਾਹਵਾਰੀ ਤੋਂ ਪਹਿਲਾਂ ਦੇ ਮੂਡ ਅਤੇ ਚਿੰਤਾ ਦੇ ਲੱਛਣਾਂ ਦੀ ਰਿਪੋਰਟ ਕੀਤੀ ਗਈ ਅਤੇ ਸਥਿਤੀ ਹਰ ਦੇਸ਼ ਵੱਖੋ-ਵੱਖਰੀ ਹੈ"। ਖੋਜਕਰਤਾਵਾਂ ਨੂੰ ਉਮੀਦ ਹੈ ਕਿ ਇਹ ਡੇਟਾ ਸਿਹਤ ਸੰਭਾਲ ਪ੍ਰਦਾਤਾਵਾਂ ਨੂੰ ਇਹ ਲੱਛਣ ਖਾਸ ਤੌਰ 'ਤੇ ਚਿੰਤਾ ਅਤੇ ਮੂਡ ਨਾਲ ਸਬੰਧਤ ਲੱਛਣਾਂ ਬਾਰੇ ਵਧੇਰੇ ਜਾਣੂ ਕਰਵਾ ਕੇ ਔਰਤਾਂ ਨੂੰ ਬਿਹਤਰ ਦੇਖਭਾਲ ਪ੍ਰਾਪਤ ਕਰਨ ਵਿੱਚ ਮਦਦ ਕਰੇਗਾ।
"ਇੱਥੇ ਕਈ ਇਲਾਜ ਰਣਨੀਤੀਆਂ ਹਨ ਜੋ ਮਾਹਵਾਰੀ ਤੋਂ ਪਹਿਲਾਂ ਦੇ ਲੱਛਣਾਂ ਦਾ ਇਲਾਜ ਕਰਨ ਲਈ ਉਪਲਬਧ ਹਨ ਜੋ ਇੱਕ ਔਰਤ ਦੇ ਰੋਜ਼ਾਨਾ ਦੇ ਕੰਮਕਾਜ ਵਿੱਚ ਦਖਲ ਦਿੰਦੀਆਂ ਹਨ"। ਖੋਜਕਰਤਾ ਨੇ ਅੱਗੇ ਕਿਹਾ "ਇਹ ਲੱਛਣ ਕਿੰਨੇ ਆਮ ਹਨ, ਇਸ ਬਾਰੇ ਜਾਗਰੂਕਤਾ ਵਧਾਉਣਾ ਜ਼ਰੂਰੀ ਹੈ। ਜੇਕਰ ਉਹ ਕੰਮਕਾਜ ਨੂੰ ਪ੍ਰਭਾਵਿਤ ਕਰਦੇ ਹਨ ਤਾਂ ਇੱਥੇ ਇਲਾਜ ਉਪਲਬਧ ਹਨ ਤਾਂ ਔਰਤਾਂ ਨੂੰ ਉਹਨਾਂ ਦੇ ਜੀਵਨ ਦੀ ਗੁਣਵੱਤਾ ਵਿੱਚ ਸੁਧਾਰ ਕਰਨ ਵਿੱਚ ਮਦਦ ਮਿਲੇਗੀ।
ਇਹ ਵੀ ਪੜ੍ਹੋ:NATIONAL NUTRITION WEEK 2022, ਚੰਗੀ ਸਿਹਤ ਲਈ ਖਾਓ ਇਹ ਚੀਜ਼ਾਂ, ਇਸ ਤਰ੍ਹਾਂ ਰੱਖੋ ਸਿਹਤ ਦਾ ਖਿਆਲ
