ਹੈਦਰਾਬਾਦ: ਕਈ ਘਰਾਂ ਵਿੱਚ ਪੁਰਾਣੇ ਸਮੇਂ ਤੋਂ ਹੀ ਘਿਓ ਲਗਾ ਕੇ ਰੋਟੀ ਖਾਂਦੀ ਜਾਂਦੀ ਹੈ। ਲੋਕ ਰੋਟੀ 'ਤੇ ਘਿਓ ਲਗਾ ਕੇ ਖਾਣਾ ਜ਼ਿਆਦਾ ਪਸੰਦ ਕਰਦੇ ਹਨ। ਇਸ ਨਾਲ ਖਾਣੇ ਦਾ ਸਵਾਦ ਵੀ ਦੁੱਗਣਾ ਹੋ ਜਾਂਦਾ ਹੈ। ਪਰ ਅੱਜ ਦੇ ਸਮੇਂ 'ਚ ਬਹੁਤ ਸਾਰੇ ਲੋਕਾਂ ਨੂੰ ਬਿਨ੍ਹਾਂ ਘਿਓ ਦੇ ਰੋਟੀ ਖਾਣ ਦੀ ਆਦਤ ਪੈ ਗਈ ਹੈ। ਕੁਝ ਲੋਕ ਪਰਾਠਿਆਂ 'ਤੇ ਵੀ ਘਿਓ ਦੀ ਜਗ੍ਹਾਂ ਤੇਲ ਲਗਾਉਦੇ ਹਨ, ਜੋ ਕਿ ਸਿਹਤ ਲਈ ਖਤਰਨਾਕ ਹੋ ਸਕਦਾ ਹੈ। ਜੇਕਰ ਤੁਸੀਂ ਰੋਟੀ 'ਤੇ ਘਿਓ ਲਗਾ ਕੇ ਖਾਂਦੇ ਹੋ, ਤਾਂ ਇਸ ਨਾਲ ਤੁਹਾਡੇ ਸਰੀਰ ਨੂੰ ਤਾਕਤ ਮਿਲੇਗੀ। ਜੇਕਰ ਤੁਸੀਂ ਅਜੇ ਵੀ ਰੋਟੀ 'ਤੇ ਘਿਓ ਲਗਾ ਕੇ ਖਾਣ ਦੇ ਫਾਇਦਿਆਂ ਬਾਰੇ ਨਹੀਂ ਜਾਣਦੇ ਹੋ, ਤਾਂ ਪਹਿਲਾ ਇਸਦੇ ਫਾਇਦੇ ਜਰੂਰ ਜਾਣ ਲਓ।
ਰੋਟੀ 'ਤੇ ਘਿਓ ਲਗਾ ਕੇ ਖਾਣ ਦੇ ਫਾਇਦੇ: ਰੋਟੀ 'ਤੇ ਘਿਓ ਲਗਾ ਕੇ ਖਾਣਾ ਕਾਫ਼ੀ ਫਾਇਦੇਮੰਦ ਹੋ ਸਕਦਾ ਹੈ। ਜੇਕਰ ਘਿਓ ਨੂੰ ਸੀਮਿਤ ਮਾਤਰਾ ਵਿੱਚ ਖਾਂਦਾ ਜਾਵੇ, ਤਾਂ ਇਹ ਸਿਹਤਮੰਦ ਹੋ ਸਕਦਾ ਹੈ। ਕਈ ਲੋਕ ਭਾਰ ਘਟ ਕਰਨ ਲਈ ਬਿਨ੍ਹਾਂ ਘਿਓ ਦੇ ਰੋਟੀ ਖਾਂਦੇ ਹਨ, ਜੋ ਕਿ ਬਿਲਕੁਲ ਵੀ ਸਹੀ ਨਹੀਂ ਹੈ। ਭਾਰ ਘਟਾਉਣ ਲਈ ਘਿਓ ਖਾਣਾ ਫਾਇਦੇਮੰਦ ਹੈ। ਘਿਓ ਰੋਟੀ ਦੇ ਗਲਾਈਸੈਮਿਕ ਇੰਡੈਕਸ ਨੂੰ ਘਟ ਕਰਨ ਦਾ ਕੰਮ ਕਰਦਾ ਹੈ। ਗਲਾਈਸੈਮਿਕ ਇੰਡੈਕਸ ਕਾਰਬੋਹਾਈਡਰੇਟ ਅਮੀਰ ਭੋਜਨ ਲਈ ਇੱਕ ਰੇਟਿੰਗ ਹੈ, ਜੋ ਦੱਸਦਾ ਹੈ ਕਿ ਜੋ ਭੋਜਨ ਤੁਸੀਂ ਖਾ ਰਹੇ ਹੋ, ਉਹ ਗਲੂਕੋਜ਼ ਦੇ ਪੱਧਰ ਨੂੰ ਕਿੰਨੀ ਜਲਦੀ ਪ੍ਰਭਾਵਿਤ ਕਰਦਾ ਹੈ।
ਭਾਰ ਘਟਾਉਣ ਲਈ ਘਿਓ ਫਾਇਦੇਮੰਦ: ਘਿਓ ਖਾਣ ਨਾਲ ਢਿੱਡ ਭਰਿਆ ਰਹਿੰਦਾ ਹੈ। ਘਿਓ ਵਿੱਚ ਚਰਬੀ ਵਾਲੇ ਘੁਲਣਸ਼ੀਲ ਵਿਟਾਮਿਨ ਪਾਏ ਜਾਂਦੇ ਹਨ, ਜੋ ਭਾਰ ਘਟ ਕਰਨ 'ਚ ਮਦਦ ਕਰਦੇ ਹਨ ਅਤੇ ਹਾਰਮੋਨਸ ਨੂੰ ਸੰਤੁਲਿਤ ਕਰਕੇ ਸਿਹਤਮੰਦ ਕੋਲੇਸਟ੍ਰੋਲ ਬਣਾਏ ਰੱਖਦੇ ਹਨ। ਜੇਕਰ ਤੁਸੀਂ ਘਿਓ ਨੂੰ ਤੇਜ਼ ਗੈਸ 'ਤੇ ਗਰਮ ਕਰਦੇ ਹੋ, ਤਾਂ ਸੈੱਲਾਂ ਦੇ ਕੰਮ ਨੂੰ ਨੁਕਸਾਨ ਪਹੁੰਚਾਉਣ ਵਾਲੇ ਕਣ ਦਾ ਉਤਪਾਦਨ ਵੀ ਰੁਕ ਜਾਂਦਾ ਹੈ।
- Hair Care Tips: ਜੇਕਰ ਤੁਹਾਡੇ ਵਾਲ ਵੀ ਘਟ ਉਮਰ 'ਚ ਹੋ ਰਹੇ ਨੇ ਸਫੇਦ, ਤਾਂ ਅਪਣਾਓ ਇਹ ਆਸਾਨ ਤਰੀਕੇ, ਕੁਝ ਹੀ ਦਿਨਾਂ 'ਚ ਨਜ਼ਰ ਆਉਣਗੇ ਕਾਲੇ ਵਾਲ
- Hing For Skin: ਚਿਹਰੇ ਦੀਆਂ ਕਈ ਸਮੱਸਿਆਵਾਂ ਲਈ ਫਾਇਦੇਮੰਦ ਹੈ ਰਸੋਈ 'ਚ ਵਰਤਿਆਂ ਜਾਣ ਵਾਲਾ ਇਹ ਮਸਾਲਾ, ਜਾਣੋ ਇਸ ਤੋਂ ਫੇਸ ਪੈਕ ਬਣਾਉਣ ਦਾ ਤਰੀਕਾ
- Parenting Tips: ਮਾਪੇ ਹੋ ਜਾਣ ਸਾਵਧਾਨ! ਇਸ ਉਮਰ ਦੇ ਬੱਚਿਆਂ ਨੂੰ ਚਾਹ ਤੋਂ ਰੱਖੋ ਦੂਰ, ਨਹੀਂ ਤਾਂ ਲੱਗ ਸਕਦੀਆਂ ਨੇ ਕਈ ਬਿਮਾਰੀਆਂ
ਕਿੰਨਾ ਘਿਓ ਖਾਣਾ ਚਾਹੀਦਾ?: ਰੋਟੀ 'ਤੇ ਜ਼ਿਆਦਾ ਘਿਓ ਲਗਾਉਣਾ ਚੰਗਾ ਨਹੀਂ ਹੁੰਦਾ। ਚਮਚ ਨਾਲ ਘਿਓ ਨੂੰ ਰੋਟੀ 'ਤੇ ਚੰਗੀ ਤਰ੍ਹਾਂ ਲਗਾਓ। ਜ਼ਿਆਦਾ ਮਾਤਰਾ ਵਿੱਚ ਕਿਸੇ ਵੀ ਚੀਜ਼ ਨੂੰ ਖਾਣਾ ਸਿਹਤ ਨੂੰ ਨੁਕਸਾਨ ਪਹੁੰਚਾ ਸਕਦਾ ਹੈ। ਘਿਓ ਨੂੰ ਸਹੀ ਮਾਤਰਾ ਵਿੱਚ ਖਾਣ ਨਾਲ ਕਬਜ਼ ਦੀ ਸਮੱਸਿਆ ਤੋਂ ਛੁਟਕਾਰਾ ਮਿਲਦਾ ਹੈ ਅਤੇ ਇਸਦੇ ਨਾਲ ਹੀ ਭਾਰ ਘਟ ਕਰਨ 'ਚ ਵੀ ਮਦਦ ਮਿਲਦੀ ਹੈ।
