Hugging Benefits: ਕਿਸੇ ਨੂੰ ਜੱਫੀ ਪਾਉਣ ਨਾਲ ਵੀ ਕਈ ਸਿਹਤ ਸਮੱਸਿਆਵਾਂ ਨੂੰ ਦਿੱਤੀ ਜਾ ਸਕਦੀ ਮਾਤ

ਕਿਸੇ ਨੂੰ ਜੱਫੀ ਪਾ ਕੇ ਨਾ ਸਿਰਫ ਤੁਸੀਂ ਉਸ ਵਿਅਕਤੀ ਨਾਲ ਚੰਗਾ ਰਿਸ਼ਤਾ ਸਾਂਝਾ ਕਰਦੇ ਹੋ, ਸਗੋਂ ਗਲੇ ਮਿਲਣ ਨਾਲ ਕਈ ਖੁਸ਼ੀ ਵਾਲੇ ਹਾਰਮੋਨਸ ਵੀ ਜਾਰੀ ਹੁੰਦੇ ਹਨ। ਖਾਸ ਤੌਰ 'ਤੇ ਦੁੱਖਾਂ ਦੇ ਵਿਚਕਾਰ ਕਿਸੇ ਨੂੰ ਜੱਫੀ ਪਾਉਣ ਨਾਲ ਸਾਡੀ ਮਾਨਸਿਕ ਸਿਹਤ 'ਤੇ ਸਕਾਰਾਤਮਕ ਪ੍ਰਭਾਵ ਪੈਂਦਾ ਹੈ।

ਹੈਦਰਾਬਾਦ: ਜਦੋਂ ਅਸੀਂ ਬਹੁਤ ਉਦਾਸ ਅਤੇ ਖੁਸ਼ ਹੁੰਦੇ ਹਾਂ, ਤਾਂ ਅਸੀਂ ਆਪਣੇ ਮਨਪਸੰਦ ਵਿਅਕਤੀ ਨੂੰ ਗਲੇ ਲਗਾਉਣਾ ਪਸੰਦ ਕਰਦੇ ਹਾਂ। ਉਹ ਪਸੰਦੀਦਾ ਵਿਅਕਤੀ ਕੋਈ ਵੀ ਹੋ ਸਕਦਾ ਹੈ। ਤੁਹਾਡੀ ਮਾਂ ਹੋ ਸਕਦੀ ਹੈ। ਤੁਹਾਡਾ ਪਿਤਾ ਹੋ ਸਕਦਾ ਹੈ। ਤੁਹਾਡਾ ਭਰਾ ਹੋ ਸਕਦਾ ਹੈ ਜਾਂ ਤੁਹਾਡਾ ਬੁਆਏਫ੍ਰੈਂਡ ਹੋ ਸਕਦਾ ਹੈ। ਕਿਹਾ ਜਾਂਦਾ ਹੈ ਕਿ ਜੱਫੀ ਪਾਉਣ ਨਾਲ ਮਨ ਦਾ ਦਰਦ ਘੱਟ ਹੁੰਦਾ ਹੈ ਅਤੇ ਬਹੁਤ ਰਾਹਤ ਮਿਲਦੀ ਹੈ। ਕਿਸੇ ਨੂੰ ਜੱਫੀ ਪਾ ਕੇ ਨਾ ਸਿਰਫ ਤੁਸੀਂ ਉਸ ਵਿਅਕਤੀ ਨਾਲ ਚੰਗਾ ਰਿਸ਼ਤਾ ਸਾਂਝਾ ਕਰਦੇ ਹੋ, ਸਗੋਂ ਗਲੇ ਮਿਲਣ ਨਾਲ ਕਈ ਖੁਸ਼ੀ ਵਾਲੇ ਹਾਰਮੋਨਸ ਵੀ ਜਾਰੀ ਹੁੰਦੇ ਹਨ। ਖਾਸ ਤੌਰ 'ਤੇ ਦੁੱਖਾਂ ਦੇ ਵਿਚਕਾਰ ਕਿਸੇ ਨੂੰ ਜੱਫੀ ਪਾਉਣ ਨਾਲ ਸਾਡੀ ਮਾਨਸਿਕ ਸਿਹਤ 'ਤੇ ਸਕਾਰਾਤਮਕ ਪ੍ਰਭਾਵ ਪੈਂਦਾ ਹੈ।

ਖੋਜ ਦੇ ਅਨੁਸਾਰ ਜੱਫੀ ਪਾਉਣ ਨਾਲ ਹੋ ਸਕਦੈ ਫਾਇਦੇ: ਇਕ ਖੋਜ ਦੇ ਅਨੁਸਾਰ, ਗਲੇ ਲਗਾਉਣ ਨਾਲ ਨਾ ਸਿਰਫ ਇਕੱਲੇਪਣ ਦੀ ਭਾਵਨਾ ਨੂੰ ਦੂਰ ਕੀਤਾ ਜਾ ਸਕਦਾ ਹੈ, ਸਗੋਂ ਤਣਾਅ ਕਾਰਨ ਸਰੀਰ 'ਤੇ ਹੋਣ ਵਾਲੇ ਨੁਕਸਾਨਦੇਹ ਪ੍ਰਭਾਵਾਂ ਨੂੰ ਵੀ ਘੱਟ ਕੀਤਾ ਜਾ ਸਕਦਾ ਹੈ। ਕਿਸੇ ਨੂੰ ਗਲੇ ਲਗਾਉਣ ਨਾਲ ਸਾਨੂੰ ਖੁਸ਼ੀ ਮਿਲਦੀ ਹੈ, ਜੋ ਕਿ ਸਿਹਤਮੰਦ ਰਹਿਣ ਲਈ ਬਹੁਤ ਜ਼ਰੂਰੀ ਹੈ। ‘ਹੱਗ’ ਕਰਨ ਨਾਲ ਤਨ ਤੇ ਮਨ ਨੂੰ ਅਰਾਮ ਮਿਲਦਾ ਹੈ। ਚੰਗਾ ਮਹਿਸੂਸ ਕਰਨ ਵਾਲੇ ਹਾਰਮੋਨਸ ਨੂੰ ਵਧਾਉਣ ਵਿੱਚ ਮਦਦ ਮਿਲਦੀ ਹੈ।

ਜੱਫੀ ਪਾਉਣ ਦੇ ਲਾਭ:

1. ਜੱਫੀ ਪਾਉਣ ਨਾਲ ਸੁਰੱਖਿਆ ਅਤੇ ਭਰੋਸੇ ਦੀ ਭਾਵਨਾ ਪੈਦਾ ਹੁੰਦੀ ਹੈ।
2. 'ਹੱਗ' ਕਰਨ ਨਾਲ ਆਕਸੀਟੋਸਿਨ ਦਾ ਪੱਧਰ ਤੇਜ਼ੀ ਨਾਲ ਵਧਦਾ ਹੈ। ਇਕੱਲਤਾ ਅਤੇ ਗੁੱਸੇ ਦੀਆਂ ਭਾਵਨਾਵਾਂ ਨੂੰ ਘਟਾਇਆ ਜਾ ਸਕਦਾ ਹੈ।
3. ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਜੱਫੀ ਪਾਉਣ ਨਾਲ ਇਮਿਊਨ ਸਿਸਟਮ ਵੀ ਮਜ਼ਬੂਤ ​​ਹੁੰਦਾ ਹੈ। ਇਹ ਸਰੀਰ ਵਿੱਚ ਚਿੱਟੇ ਰਕਤਾਣੂਆਂ ਦੇ ਉਤਪਾਦਨ ਨੂੰ ਕੰਟਰੋਲ ਕਰਨ ਵਿੱਚ ਮਦਦ ਕਰਦਾ ਹੈ। ਵਿਅਕਤੀ ਤੰਦਰੁਸਤ ਅਤੇ ਬਿਮਾਰੀਆਂ ਤੋਂ ਮੁਕਤ ਰਹਿੰਦਾ ਹੈ।
4. ਜੱਫੀ ਪਾਉਣ ਨਾਲ ਆਤਮ-ਵਿਸ਼ਵਾਸ ਵੀ ਵਧਦਾ ਹੈ। ਸਰੀਰ ਦਾ ਤਣਾਅ ਦੂਰ ਹੁੰਦਾ ਹੈ ਅਤੇ ਮਾਸਪੇਸ਼ੀਆਂ ਨੂੰ ਆਰਾਮ ਮਿਲਦਾ ਹੈ।
5. ਜੱਫੀ ਪਾਉਣ ਨਾਲ ਨਰਮ ਟਿਸ਼ੂਆਂ ਵਿੱਚ ਖੂਨ ਦਾ ਸੰਚਾਰ ਵਧਦਾ ਹੈ ਅਤੇ ਦਰਦ ਤੋਂ ਰਾਹਤ ਮਿਲਦੀ ਹੈ।
6. 'ਹੱਗ' ਕਰਨ ਨਾਲ ਹਾਈ ਬਲੱਡ ਪ੍ਰੈਸ਼ਰ ਦੀ ਸਮੱਸਿਆ ਦਾ ਵੀ ਇਲਾਜ ਹੋ ਜਾਂਦਾ ਹੈ। ਕਿਸੇ ਨੂੰ ਜੱਫੀ ਪਾਉਣ ਨਾਲ ਸਰੀਰ ਵਿੱਚੋਂ ਆਕਸੀਟੋਸਿਨ ਨਿਕਲਦਾ ਹੈ, ਜਿਸ ਨੂੰ ਵਿਗਿਆਨ ਦੀ ਭਾਸ਼ਾ ਵਿੱਚ ‘ਕਡਲ ਹਾਰਮੋਨ’ ਕਿਹਾ ਜਾਂਦਾ ਹੈ। ਕਡਲ ਹਾਰਮੋਨ ਚਿੰਤਾ ਅਤੇ ਤਣਾਅ ਨੂੰ ਦੂਰ ਕਰਨ ਅਤੇ ਰਾਹਤ ਦੇਣ ਦਾ ਕੰਮ ਕਰਦਾ ਹੈ।
7. ਗਲੇ ਲਗਾਉਣਾ ਦਿਲ ਦੀ ਸਿਹਤ ਨੂੰ ਵਧਾਉਣ ਵਿਚ ਵੀ ਮਦਦ ਕਰਦਾ ਹੈ। ਤੁਸੀਂ ਖੁਸ਼ ਅਤੇ ਸੁਰੱਖਿਅਤ ਮਹਿਸੂਸ ਕਰਦੇ ਹੋ।
8. ਜੱਫੀ ਪਾਉਣਾ ਇੱਕ ਧਿਆਨ ਦੀ ਤਰ੍ਹਾਂ ਹੈ, ਜੋ ਤੁਹਾਡੇ ਮਨ ਨੂੰ ਸ਼ਾਂਤੀ ਅਤੇ ਆਰਾਮ ਦਿੰਦਾ ਹੈ।
9. ਜੱਫੀ ਪਾਉਣ ਨਾਲ ਹੈਪੀ ਹਾਰਮੋਨ ਆਕਸੀਟੌਸਿਨ ਨਿਕਲਦਾ ਹੈ, ਜੋ ਬਲੱਡ ਪ੍ਰੈਸ਼ਰ ਨੂੰ ਘੱਟ ਕਰਦਾ ਹੈ ਅਤੇ ਦਿਲ ਦੀ ਧੜਕਣ ਨੂੰ ਆਮ ਬਣਾਉਂਦਾ ਹੈ। ਇਹ ਮੂਡ ਨੂੰ ਬਦਲਦਾ ਹੈ ਅਤੇ ਝਗੜੇ ਤੋਂ ਬਾਅਦ ਜਲਦੀ ਹੀ ਗੁੱਸੇ ਨੂੰ ਦੂਰ ਕਰਨ ਵਿੱਚ ਵੀ ਮਦਦ ਕਰਦਾ ਹੈ।
10. ਤਣਾਅ ਕਾਰਨ ਬਿਮਾਰੀਆਂ ਦਾ ਖਤਰਾ ਵੱਧ ਜਾਂਦਾ ਹੈ। ਅਜਿਹੇ 'ਚ ਤਣਾਅ ਨੂੰ ਘੱਟ ਕਰਕੇ ਕਈ ਤਰ੍ਹਾਂ ਦੀਆਂ ਬੀਮਾਰੀਆਂ ਤੋਂ ਬਚਿਆ ਜਾ ਸਕਦਾ ਹੈ। ਜੋ ਲੋਕ ਆਪਣੇ ਪਿਆਰਿਆਂ ਨੂੰ ਜ਼ਿਆਦਾ ਜੱਫੀ ਪਾਉਂਦੇ ਹਨ, ਉਨ੍ਹਾਂ ਨੂੰ ਵਧੇਰੇ ਮਾਨਸਿਕ ਸਹਾਰਾ ਮਿਲਦਾ ਹੈ ਅਤੇ ਬਿਮਾਰੀਆਂ ਹੋਣ ਦੀ ਸੰਭਾਵਨਾ ਘੱਟ ਹੁੰਦੀ ਹੈ। ਇਸ ਦੇ ਨਾਲ ਹੀ ਬਿਮਾਰ ਹੋਣ 'ਤੇ ਇਹ ਸਹਾਰਾ ਜਲਦੀ ਠੀਕ ਹੋਣ 'ਚ ਵੀ ਮਦਦ ਕਰਦਾ ਹੈ।