ਨਵੀਂ ਦਿੱਲੀ: ਖੋਜਕਾਰਾਂ ਨੇ ਪਾਇਆ ਹੈ ਕਿ ਕੋਵਿਡ -19 ਤੋਂ ਪੀੜਤ ਦਿਲ ਦੀ ਬਿਮਾਰੀ ਦੇ ਮਰੀਜ਼ਾਂ ਦੀਆਂ ਧਮਨੀਆਂ ਵਿੱਚ ਕਾਫ਼ੀ ਮਾਤਰਾ ਵਿੱਚ ਗਤਲੇ ਜਮ੍ਹਾਂ ਹੋ ਜਾਂਦੇ ਹਨ। ਦ ਨਾਰਥ ਅਮੈਰੀਕਨ ਕੋਵਿਡ ਦੇ ਵਿਸ਼ਲੇਸ਼ਣ ਦੇ ਅਨੁਸਾਰ, 30 ਫੀਸਦੀ ਦੇ ਕਰੀਬ ਮਰੀਜ਼ਾਂ ਵਿੱਚ ਕਈ ਧਮਨੀਆਂ ਵਿੱਚ ਗਤਲੇ ਦੇਖੇ ਗਏ ਹਨ। ਦਿਲ ਦੇ ਦੌਰੇ ਵਾਲੇ ਪੰਜ ਫੀਸਦੀ ਤੋਂ ਘੱਟ ਮਰੀਜ਼ਾਂ ਵਿੱਚ ਇੱਹ ਘਟਨਾ ਦੇਖੀ ਗਈ, ਜਿਨ੍ਹਾਂ ਨੂੰ COVID-19 ਨਹੀਂ ਹੈ। ਇਸ 'ਤੇ ਵਿਗਿਆਨੀ ਲਗਾਤਾਰ ਖੋਜ ਕਰ ਰਹੇ ਹਨ।
ST-ਐਲੀਵੇਟਿਡ ਮਾਇਓਕਾਰਡਿਅਲ ਇਨਫਾਰਕਸ਼ਨ ਕੀ ਹੈ?: ST-ਐਲੀਵੇਟਿਡ ਮਾਇਓਕਾਰਡਿਅਲ ਇਨਫਾਰਕਸ਼ਨ ਜਾਂ STEMI ਕਿਸਮ ਦਾ ਦਿਲ ਦਾ ਦੌਰਾ ਕੋਰੋਨਰੀ ਧਮਨੀ ਵਿੱਚ ਅਚਾਨਕ ਰੁਕਾਵਟ ਦੇ ਕਾਰਨ ਹੁੰਦਾ ਹੈ। NACMI ਦੁਆਰਾ ਪਿਛਲੀ ਖੋਜ ਨੇ ਦਿਖਾਇਆ ਹੈ ਕਿ ਕੋਵਿਡ -19 ਅਤੇ ਦਿਲ ਦੇ ਦੌਰੇ ਵਾਲੇ ਮਰੀਜ਼ਾਂ ਵਿੱਚ ਮੌਤ ਦਰ 20 ਤੋਂ 25 ਫ਼ੀਸਦ ਤੱਕ ਵੱਧ ਜਾਂਦੀ ਹੈ।
ਨਵੀਂ ਖੋਜ ਇਸ ਖਤਰੇ ਨੂੰ ਘੱਟ ਕਰਨ ਵੱਲ ਕਰਦੀ ਇਸ਼ਾਰਾ: ਪ੍ਰੇਰੀ ਵੈਸਕੁਲਰ ਰਿਸਰਚ ਇੰਕ ਦੇ ਸਹਿ-ਨਿਰਦੇਸ਼ਕ ਅਤੇ ਕਨੇਡਾ ਦੀ ਸਸਕੈਚਵਨ ਯੂਨੀਵਰਸਿਟੀ ਦੇ ਐਸੋਸੀਏਟ ਪ੍ਰੋਫੈਸਰ ਪੇਅਮ ਦੇਹਘਾਨੀ ਨੇ ਕਿਹਾ ਕਿ ਕੋਵਿਡ -19 ਇੱਕ ਗਤਲਾ ਬਣਾਉਣ ਵਾਲੀ ਬਿਮਾਰੀ ਹੈ ਅਤੇ ਹੁਣ ਅਸੀਂ ਕੋਰੋਨਰੀ ਧਮਨੀਆਂ ਵਿੱਚ ਇਸਦਾ ਪ੍ਰਭਾਵ ਦੇਖਦੇ ਹਾਂ। ਦੇਹਘਾਨੀ ਨੇ ਕਿਹਾ ਕਿ ਨਵੀਂ ਖੋਜ ਖੂਨ ਪਤਲਾ ਕਰਨ ਦੀਆਂ ਰਣਨੀਤੀਆਂ, ਸ਼ੁਰੂਆਤੀ ਦਖਲਅੰਦਾਜ਼ੀ ਅਤੇ ਫਾਲੋ-ਅਪ ਕਾਰਵਾਈ ਦੀ ਜ਼ਰੂਰਤ ਵੱਲ ਇਸ਼ਾਰਾ ਕਰਦੀ ਹੈ, ਤਾਂਕਿ ਇਸਦੇ ਖਤਰੇ ਨੂੰ ਘੱਟ ਕੀਤਾ ਜਾ ਸਕੇ।
- Boiled Rice Benefits: ਮਜ਼ਬੂਤ ਵਾਲਾਂ ਲਈ ਹੀ ਨਹੀਂ, ਸਗੋਂ ਹੋਰ ਵੀ ਕਈ ਬਿਮਾਰੀਆਂ ਲਈ ਫ਼ਾਇਦੇਮੰਦ ਹਨ ਉਬਲੇ ਹੋਏ ਚੌਲ, ਇੱਥੇ ਜਾਣੋ ਇਸਦੇ ਹੋਰ ਫ਼ਾਇਦੇ
- Skin Cancer: ਜ਼ਿਆਦਾ ਮੱਛੀ ਖਾਣਾ ਇਸ ਬਿਮਾਰੀ ਦਾ ਬਣ ਸਕਦੈ ਕਾਰਨ, ਜਾਣੋ ਅਧਿਐਨ 'ਚ ਕੀ ਹੋਇਆ ਖੁਲਾਸਾ
- Tea Benefits: ਚਾਹ ਪੀਣ ਨਾਲ ਇਨ੍ਹਾਂ ਬਿਮਾਰੀਆਂ ਦੇ ਖਤਰਿਆਂ ਨੂੰ ਕੀਤਾ ਜਾ ਸਕਦੈ ਘੱਟ, ਪਰ ਗਰਮ ਚਾਹ ਪੀਣ ਤੋਂ ਕਰੋ ਪਰਹੇਜ਼, ਜਾਣੋ ਕਿਉ
ਕੋਵਿਡ-19 ਦੇ ਪ੍ਰਭਾਵਾਂ ਅਤੇ ਦਿਲ ਦੇ ਦੌਰੇ ਦੇ ਨਤੀਜਿਆਂ ਨੂੰ ਬਿਹਤਰ ਤਰੀਕੇ ਨਾਲ ਸਮਝਣ ਲਈ ਹੋਰ ਜਾਂਚ ਦੀ ਲੋੜ: ਅਧਿਐਨ ਲਈ 17 ਜਗ੍ਹਾਂ (12 US, 5 ਕੈਨੇਡਾ) ਦੇ 234 ਮਰੀਜ਼ਾਂ ਦੇ ਐਂਜੀਓਗ੍ਰਾਮਾਂ ਦਾ ਵਿਸ਼ਲੇਸ਼ਣ ਕੀਤਾ ਗਿਆ। ਖੋਜਕਾਰਾਂ ਨੇ ਨੋਟ ਕੀਤਾ ਕਿ ਕੋਵਿਡ-19 ਦੇ ਪ੍ਰਭਾਵਾਂ ਅਤੇ ਦਿਲ ਦੇ ਦੌਰੇ ਨਾਲ ਸਬੰਧਤ ਟੀਕਿਆਂ ਦੇ ਨਾਲ-ਨਾਲ ਲੰਬੇ ਸਮੇਂ ਦੇ ਨਤੀਜਿਆਂ ਨੂੰ ਬਿਹਤਰ ਤਰੀਕੇ ਨਾਲ ਸਮਝਣ ਲਈ ਹੋਰ ਜਾਂਚ ਦੀ ਲੋੜ ਹੈ। ਖੋਜਾਂ ਨੂੰ ਸੋਸਾਇਟੀ ਫਾਰ ਕਾਰਡੀਓਵੈਸਕੁਲਰ ਐਂਜੀਓਗ੍ਰਾਫੀ ਐਂਡ ਇੰਟਰਵੈਂਸ਼ਨਜ਼ 2023 ਵਿਗਿਆਨਕ ਸੈਸ਼ਨਾਂ ਵਿੱਚ ਪੇਸ਼ ਕੀਤਾ ਗਿਆ ਸੀ।
