ਸ੍ਰੀ ਮੁਕਤਸਰ ਸਾਹਿਬ: ਪੁਲਿਸ ਨੇ 22 ਨਵੰਬਰ, 2020 ਨੂੰ ਥਾਣਾ ਸਦਰ ਮਲੋਟ ਅਧੀਨ ਪੈਂਦੇ ਪਿੰਡ ਔਲਖ ਵਿਖੇ ਫਾਈਨੈਂਸਰ ਰਣਜੀਤ ਰਾਣਾ ਦੇ ਕਤਲ ਦੀ ਵਾਰਦਾਤ ਨੂੰ ਸੁਲਝਾ ਲਿਆ ਹੈ। ਰਾਣਾ ਨੂੰ ਗੈਂਗਸਟਰਾਂ ਨੇ ਅਣੇਵਾਹ ਗੋਲੀਆਂ ਮਾਰ ਕੇ ਕਤਲ ਮਾਰ ਦਿੱਤਾ ਸੀ। ਪੁਲਿਸ ਨੇ ਦੱਸਿਆ ਕਿ ਐਸ ਐਸ ਪੀ ਡੀ.ਸੁਡਰਵਿਲੀ ਨਿਗਰਾਣੀ ਹੇਠ ਮੁਕਤਸਰ ਪੁਲਿਸ ਨੇ ਐਸ ਪੀ (ਡੀ) ਰਾਜਪਾਲ ਸਿੰਘ ਹੁੰਦਲ ਅਤੇ ਡੀ ਐਸ ਪੀ (ਡੀ) ਜਸਮੀਤ ਸਿੰਘ ਦੀ ਅਗਵਾਈ 'ਚ ਵਿਸ਼ੇਸ਼ ਟੀਮ ਬਣਾਈ ਸੀ। ਜਿਸ ਦੇ ਇੰਨਚਾਰਜ CIA, ਇੰਸਪੈਕਟਰ ਸੁਖਜੀਤ ਸਿੰਘ, SHO ਮਲਕੀਤ ਸਿੰਘ ਸਮੇਤ ਟੈਕਨੀਕਲ ਥਿਊਰੀਜ਼ ਅਤੇ ਉੱਚ ਦਰਜੇ ਦੇ ਮੁੱਖ਼ਬਰ ਨੈੱਟਵਰਕ ਸਮੇਤ ਗੁਪਤਚਰਾਂ ਸ਼ਾਮਿਲ ਸਨ
ਐਸ ਐਸ ਪੀ ਡੀ.ਸੁਡਰਵਿਲੀ ਮੁਤਾਬਕ ਪਵਨ ਨਹਿਰਾ ਪੁੱਤਰ ਦਇਆ ਰਾਮ ਨਹਿਰਾ ਵਾਸੀ ਬੜੂਕਾ ਜਿਲ੍ਹਾ ਗੁਰੂ ਗਰਾਮ, ਹਰਿਆਣਾ ਨੂੰ ਪ੍ਰੋਟੈਕਸ਼ਨ ਵਰੰਟ 'ਤੇ ਹੁਸ਼ਿਆਰਪੁਰ ਤੋਂ ਲਿਆ ਕੇ ਕੀਤੀ ਪੜਤਾਲ ਦੌਰਾਨ 30 ਬੋਰ ਦੀ 2 ਪਿਸਤੌਲਾਂ ਬਰਾਮਦ ਹੋਇਆ ਹਨ।
ਇਸ ਮਾਮਲੇ 'ਚ ਦੋ ਸ਼ੂਟਰ ਮੋਨੂੰ ਉਰਫ਼ ਸੁੱਖਾ ਅਤੇ ਜਸਪਾਲ ਉਰਫ਼ ਸਰਪੰਚ ਜੋ ਹਰਿਆਣਾ ਨਾਲ ਸਬੰਧਤ ਹਨ, ਇਸ ਮਾਮਲੇ 'ਚ ਹੁਣ ਤੱਕ ਪੁਲਸ ਦੇ ਹੱਥ ਨਹੀਂ ਲੱਗੇ। ਜਿਨ੍ਹਾਂ ਦੇ ਨਾਂਅ ਪੁਲਿਸ ਵੱਲੋਂ ਜਨਤਕ ਨਹੀਂ ਕੀਤੇ ਗਏ।
ਦੱਸਣਯੋਗ ਇਹ ਵੀ ਹੈ ਕਿ 22 ਅਕਤੂਬਰ ਨੂੰ ਕਤਲ ਹੋਏ ਫਾਈਨਾਂਸਰ ਰਣਜੀਤ ਰਾਣਾ ਦੇ ਕਤਲ ਤੋਂ ਕੁਝ ਦਿਨ ਬਾਅਦ ਮੁਕਤਸਰ ਪੁਲਿਸ ਨੇ ਰਣਜੀਤ ਰਾਣਾ ਨੂੰ ਸੰਗਰੂਰ ਤੋਂ ਇੱਕ ਬਲੈਨੋ ਕਾਰ ਖੋਹਣ ਦੇ ਦੋਸ਼ ਵਿਚ ਮਿਤੀ 29 ਅਕਤੂਬਰ 2020 ਨੂੰ ਥਾਨਾ ਸਦਰ ਸ਼੍ਰੀ ਮੁਕਤਸਰ ਸਾਹਿਬ 'ਚ ਦਰਜ ਐਫ਼ ਆਈ ਆਰ ਨੰਬਰ 277 'ਚ ਨਾਮਜ਼ਦ ਕੀਤਾ ਸੀ।
ਮੀਡੀਆ ਪੜਤਾਲ 'ਚ ਸਾਹਮਣੇਂ ਆਇਆ ਹੈ ਕਿ ਮ੍ਰਿਤਕ ਫ਼ਾਈਨਾਂਸਰ ਰਣਜੀਤ ਰਾਣਾ 'ਤੇ ਮੁਕਤਸਰ ਪੁਲਿਸ ਨੇਂ ਕਥਿਤ ਰੂਪ 'ਚ ਇੱਕ ਠੇਕੇਦਾਰ ਨਾਲ ਸਾਜ-ਬਾਜ ਹੋ ਕੇ ਝੂਠਾ ਪਰਚਾ ਦਰਜ ਕੀਤਾ ਸੀ, ਜਿਸ 'ਚ ਮ੍ਰਿਤਕ ਰਣਜੀਤ ਰਾਣਾ ਨੇਂ ਬਾ-ਇੱਜ਼ਤ ਬਰੀ ਹੋਣ ਉਪਰੰਤ ਝੂਠਾ ਕੇਸ ਦਰਜ ਕਰਨ ਵਾਲਿਆਂ ਖਿਲਾਫ਼ ਮਾਨਯੋਗ ਅਦਾਲਤ 'ਚ ਪਹੁੰਚ ਕੀਤੀ ਹੋਈ ਸੀ।
