ਮੋਹਾਲੀ: ਰਿਆਤ ਬਾਹਾਰ ਯੂਨੀਵਰਸਿਟੀ ਦੇ ਕੈਮਿਸਟਰੀ ਵਿਭਾਗ ਵੱਲੋਂ ਪ੍ਰੋਟੀਨ ਦੀ ਬਾਇਓਕੈਮਿਸਟਰੀ ਵਿਸ਼ੇ 'ਤੇ ਐਕਸਪਰਟ ਲੈਕਚਰ ਕਰਵਾਇਆ ਗਿਆ। ਇਸ ਲੈਕਚਰ 'ਚ ਅੰਡਰ ਗ੍ਰੈਜੂਏਟ ਅਤੇ ਪੋਸਟ ਗ੍ਰੈਜੂਏਟ ਦੇ ਵਿਦਿਆਰਥੀਆਂ ਨੇ ਹਿੱਸਾ ਲਿਆ। ਇਸ ਪ੍ਰੋਗਰਾਮ ਦੌਰਾਨ ਪੀਜੀਆਈ ਐਮਈਆਰ ਦੇ ਮਾਹਿਰ ਡਾ. ਵਿਸ਼ਾਲ ਸ਼ਰਮਾ ਨੇ ਭਾਸ਼ਣ ਦਿੱਤਾ।
ਇਹ ਐਕਸਪਰਟ ਲੈਕਚਰ 'ਚ ਪ੍ਰੋਟੀਨ ਦੇ ਢਾਂਚੇ, ਪ੍ਰੋਟੀਨ ਦੀ ਤਰਤੀਬ ਅਤੇ ਨਿਯਮ ‘ਤੇ ਆਧਾਰਿਤ ਸੀ। ਇਸ 'ਚ ਵਿਦਿਆਰਥੀਆਂ ਨੂੰ ਪ੍ਰੋਟੀਨ ਸ਼ੁੱਧਤਾ, ਪ੍ਰੋਟੀਨ ਸਮੀਕਰਨ ਅਤੇ ਖੋਜ ਬਾਰੇ ਵੀ ਜਾਣਕਾਰੀ ਦਿੱਤੀ ਗਈ।
ਪ੍ਰੋਟੀਨ ਦੇ ਢਾਂਚੇ ਦੀ ਵਿਆਖਿਆ ਲਈ ਵੱਖ-ਵੱਖ ਸਾਧਨਾਂ ਦੀ ਵਰਤੋਂ ਕਰਦਿਆਂ ਕੇਸ ਅਧਿਐਨ ਜਿਵੇਂ ਕਿ ਮਾਸਸਪੈਕਟਰੋਮੀਟਰ, ਜੈੱਲ ਇਲੈਕਟ੍ਰੋ ਫੋਰੇਸਿਸ ਅਤੇ ਕ੍ਰੋਮੈਟੋਗ੍ਰਾਫਿਕ ਤਕਨੀਕਾਂ 'ਤੇ ਵਿਚਾਰ ਵਟਾਂਦਰਾ ਕੀਤਾ। ਉਨ੍ਹਾਂ ਚਿਕਿਤਸਕ ਐਪਲੀਕੇਸ਼ਨਾਂ ਨਾਲ ਨਾਵਲ ਪ੍ਰੋਟੀਨ ਡਿਜ਼ਾਈਨ ਕਰਨ ਵਿੱਚ ਬਾਇਓ ਇਨਫਾਰ ਮੈਟਿਕਸ ਦੀ ਭੂਮਿਕਾ 'ਤੇ ਵੀ ਚਰਚਾ ਕੀਤੀ।
ਇਸ ਮੌਕੇ ਕੈਮਿਸਟਰੀ ਵਿਭਾਗ ਦੇ ਮੁੱਖੀ ਡਾ.ਰਜਨੀ ਗਰਗ ਨੇ ਨਸ਼ੀਲੇ ਪਦਾਰਥਾਂ ਦੀ ਖੋਜ ਦੀ ਪ੍ਰਕਿਰਿਆ ਵਿੱਚ ਕੈਮੋ ਇਨਫਰਮੇਟਿਕਸ ਦੀ ਭੂਮਿਕਾ 'ਤੇ ਚਾਨਣਾ ਪਾਇਆ। ਵਿਦਿਆਰਥੀਆਂ ਨੂੰ ਵੱਖ ਵੱਖ ਅੰਤਰ-ਅਨੁਸ਼ਾਸਨੀ ਖੇਤਰਾਂ ਵਿੱਚ ਮੌਜੂਦਾ ਖੋਜ ਖੇਤਰਾਂ ਬਾਰੇ ਵੀ ਜਾਣਕਾਰੀ ਪ੍ਰਦਾਨ ਕੀਤੀ।
ਇਹ ਵੀ ਪੜ੍ਹੋ: ਅਸਲ ਮੁੱਦਿਆਂ ਤੋਂ ਧਿਆਨ ਭਟਕਾਉਣ ਲਈ ਭਾਜਪਾ ਨੇ ਚੁੱਕਿਆ ਐਨਆਰਸੀ ਦਾ ਮੁੱਦਾ: ਸੁਨੀਲ ਜਾਖੜ
ਇਸ ਮੌਕੇ ਡਾ. ਏ. ਸੀ.ਵੈਦਪ੍ਰੋ-ਵਾਈਸਚਾਂਸਲਰ ਰਿਆਤ ਬਾਹਰਾ ਯੂਨੀਵਰਸਿਟੀ ਨੇ ਵਿਦਿਆਰਥੀਆਂ ਨੂੰ ਆਪਣੇ ਵਿਦਿਅਕ ਤਜ਼ੁਰਬੇ ਨੂੰ ਵਧਾਉਣ ਅਤੇ ਉਨ੍ਹਾਂ ਦੇ ਆਪਣੇ ਖੇਤਰ ਵਿੱਚ ਮਜ਼ਬੂਤ ਪੈਰ ਪਸਾਰਨ ਲਈ ਅਜਿਹੇ ਮਾਹਿਰ ਭਾਸ਼ਣਾਂ ਵਿੱਚ ਹਿੱਸਾ ਲੈਣ ਲਈ ਪ੍ਰੇਰਿਤ ਕੀਤਾ।
