ਰੋਪੜ:ਪੰਜਾਬ ‘ਚ ਦਿਨੋ-ਦਿਨ ਵੱਧ ਰਹੇ ਨਸ਼ੇ ਨੂੰ ਲੈਕੇ ਪੰਜਾਬ ਪੁਲਿਸ ਵੱਲੋਂ ਨਸ਼ਾ ਤਸਕਰਾਂ (Drug Smugglers) ਖ਼ਿਲਾਫ਼ ਸਖ਼ਤ ਕਾਰਵਾਈ ਕਰਦੇ ਹੋਏ ਵਿਸ਼ੇਸ਼ ਐਂਟੀ ਡਰੱਗ ਮੁਹਿੰਮ(Anti Drug Drive) ਚਲਾਈ ਗਈ ਹੈ। ਇਸ ਮੁਹਿੰਮ ਅਧੀਨ ਪੰਜਾਬ ਪੁਲਿਸ ਹਰ ਰੋਜ ਵੱਡੀ ਗਿਣਤੀ ‘ਚ ਨਸ਼ਾ ਤਸਕਰਾਂ ਨੂੰ ਗ੍ਰਿਫ਼ਤਾਰ ਕਰ ਰਹੀ ਹੈ। ਰੋਪੜ ਪੁਲਿਸ ਨੇ ਪਿਛਲੇ ਇੱਕ ਹਫਤੇ ਦੌਰਾਨ 15 ਨਸ਼ਾ ਤਸਕਰਾਂ ਨੂੰ ਨਸ਼ੀਲੇ ਪਦਾਰਥਾਂ ਸਮੇਤ ਗ੍ਰਿਫ਼ਤਾਰ ਕੀਤਾ ਹੈ।
ਵਿਸ਼ੇਸ਼ ਐਂਟੀ ਡਰੱਗ ਮੁਹਿੰਮ (Anti Drug Drive) ਅਧੀਨ ਪਿਛਲੇ ਇੱਕ ਹਫਤੇ ‘ਚ ਕਾਬੂ ਕੀਤੇ ਨਸ਼ਾ ਤਸਕਰਾਂ ਦਾ ਰੋਪੜ ਪੁਲਿਸ ਦੇ ਆਈਪੀਐੱਸ ਅਖਿਲ ਚੌਧਰੀ ਨੇ ਇੱਕ ਪ੍ਰੈੱਸ ਨੋਟ ਜਾਰੀ ਕਰਕੇ ਨਸ਼ਾ ਤਸਕਰਾਂ ਤੋਂ ਬਰਾਮਦ ਕੀਤੇ ਨਸ਼ੇ ਦਾ ਵੇਰਵਾਂ ਦੱਸਿਆ ਹੈ। ਇਸ ਪ੍ਰੈੱਸ ਨੋਟ ਅਨੁਸਾਰ ਰੋਪੜ ਪੁਲਿਸ ਨੇ ਭੁੱਕੀ 70 ਕਿਲੋਗ੍ਰਾਮ 500 ਗ੍ਰਾਮ, ਨਸ਼ੀਲੀਆਂ ਗੋਲੀਆਂ 3590, ਚਰਸ 130 ਗ੍ਰਾਮ, ਨਸ਼ੀਲਾ ਪਾਉਡਰ 74 ਗ੍ਰਾਮ, ਗਾਂਜਾ 400 ਗ੍ਰਾਮ
ਪੁਲਿਸ ਨੇ ਇਨ੍ਹਾਂ ਤਸਕਰਾਂ ਤੋਂ 2 ਕਾਰਾਂ, 2 ਮੋਟਰਸਾਈਕਲ ਤੇ 3 ਐਕਟੀਵਾਂ ਬਰਾਮਦ ਕੀਤੀਆਂ ਹਨ। ਉਧਰ ਪੁਲਿਸ ਦਾ ਕਹਿਣਾ ਹੈ ਕਿ ਇਨ੍ਹਾਂ ਮੁਲਜ਼ਮਾਂ ਤੋਂ ਪੁੱਛਗਿੱਛ ਦੌਰਾਨ ਹੋਰ ਕਈ ਅਹਿਮ ਖੁਲਾਸੇ ਹੋਣ ਦੀ ਉਮੀਦ ਹੈ।
