ਪਟਿਆਲਾ: ਪੰਜਾਬੀ ਯੂਨੀਵਰਸਿਟੀ ਦਾ ਇਥੋਪੀਅਨ ਵਿਦਿਆਰਥੀ ਡੋਲ ਪਾਲ ਬੋਥ ਕੁੱਝ ਦਿਨ ਪਹਿਲਾਂ ਲਾਪਤਾ ਹੋ ਗਿਆ ਸੀ। ਪੁਲਿਸ ਉਸ ਦੀ ਭਾਲ ਵੀ ਕਰ ਰਹੀ ਸੀ। ਸ਼ੱਕ ਜ਼ਾਹਿਰ ਕੀਤਾ ਗਿਆ ਸੀ ਕਿ ਸ਼ਾਇਦ ਉਸ ਨੂੰ ਅਗਵਾ ਕਰ ਲਿਆ ਗਿਆ ਹੈ ਪਰ ਸਨਿੱਚਰਵਾਰ ਨੂੰ ਅਚਾਨਕ ਉਸ ਦਾ ਨੰਬਰ ਲੱਗਿਆ ਤਾਂ ਪੁਲਿਸ ਨੇ ਗੱਲ ਕੀਤੀ ਜਿਸ ਤੋਂ ਬਾਅਦ ਪਤਾ ਲੱਗਿਆ ਕਿ ਡੋਲ ਪਾਲ ਬੋਥ ਅਗਵਾ ਨਹੀਂ ਹੋਇਆ ਸੀ ਬਲਕਿ ਉਹ ਕਿਸੇ ਧਾਰਮਕ ਸਮਾਗਮ ਦਾ ਅਧਿਐਨ ਕਰਨ ਗਿਆ ਹੋਇਆ ਸੀ।
ਲਾਪਤਾ ਵਿਦਿਆਰਥੀ ਲੱਭਿਆ
ਡੋਲ ਪਾਲ ਬੋਥ ਪੀਐੱਚਡੀ ਦਾ ਵਿਦਿਆਰਥੀ ਹੈ। ਪੁਲਿਸ ਨਾਲ ਸੰਪਰਕ ਹੋਣ ਤੋਂ ਬਾਅਦ ਡੋਲ ਪਾਲ ਬੋਥ ਨੇ ਦੱਸਿਆ ਕਿ ਉਹ ਐਤਵਾਰ ਨੂੰ ਯੂਨੀਵਰਸਿਟੀ ਪਰਤੇਗਾ।
