ਜਲੰਧਰ: ਪੰਜਾਬ ਵਿੱਚ ਲੱਗੇ ਕਰਫਿਊ ਤੋਂ ਬਾਅਦ ਹੁਣ ਪੰਜਾਬ ਸਰਕਾਰ ਨੇ ਪੰਜਾਬ ਦੀਆਂ ਤਹਿਸੀਲਾਂ ਨੂੰ ਖੋਲ੍ਹਣ ਦੇ ਹੁਕਮ ਦੇ ਦਿੱਤੇ ਹਨ, ਇਸੇ ਦੇ ਚੱਲਦੇ ਅੱਜ ਪੰਜਾਬ ਵਿੱਚ ਤਹਿਸੀਲ ਕੰਪਲੈਕਸ ਵਿੱਚ ਕੰਮ ਕਾਰ ਸ਼ੁਰੂ ਕੀਤੇ ਗਏ।
ਜਲੰਧਰ ਵਿੱਚ ਵੀ ਅੱਜ ਤਹਿਸੀਲ ਵਿਖੇ ਤਹਿਸੀਲਦਾਰ ਮਨਿੰਦਰ ਸਿੰਘ ਸਿੱਧੂ ਵੱਲੋਂ ਇੱਥੇ ਆਈਆਂ ਆਨਲਾਈਨ ਐਪਲੀਕੇਸ਼ਨਾਂ ਉਪਰ ਕੰਮ ਕਰਦੇ ਹੋਏ ਰਜਿਸਟਰੀਆਂ ਕਰਵਾਈਆਂ ਗਈਆਂ।
ਤਹਿਸੀਲ ਵਿੱਚ ਕੰਮ ਸ਼ੁਰੂ ਹੋਣ ਤੋਂ ਪਹਿਲਾ ਹਰ ਵਿਅਕਤੀ ਨੂੰ ਸੈਨੇਟਾਈਜ਼ ਕੀਤਾ ਜਾ ਰਿਹਾ ਹੈ ਅਤੇ ਨਾਲ ਹੀ ਸਮਾਜਿਕ ਦੂਰੀ ਦਾ ਖਾਸ ਧਿਆਨ ਰੱਖਿਆ ਜਾ ਰਿਹਾ ਹੈ। ਫਿਲਹਾਲ ਜੋ ਵੀ ਰਜਿਸਟਰੀ ਕਰਵਾਉਣ ਲਈ ਆ ਰਿਹਾ ਹੈ, ਉਸ ਦੇ ਵਿੱਚੋਂ ਸਿਰਫ਼ ਵੇਚਣ ਵਾਲੇ ਨੂੰ ਹੀ ਕੰਪਿਊਟਰ ਰਾਹੀਂ ਫੋਟੋ ਖਿਚਾਉਣ ਦੀ ਇਜਾਜ਼ਤ ਹੈ, ਜਦ ਕਿ ਖ਼ਰੀਦਦਾਰ ਅਤੇ ਗਵਾਹ ਨੂੰ ਤਹਿਸੀਲਦਾਰ ਦੇ ਨਾਲ ਫੋਟੋ ਨਹੀਂ ਖਿਚਾਉਣੀ ਪੈ ਰਹੀ। ਰਜਿਸਟਰੀ ਵੇਲੇ ਖਰੀਦਦਾਰ ਤਹਿਸੀਲਦਾਰ ਅਤੇ ਪ੍ਰਾਪਰਟੀ ਵੇਚਣ ਵਾਲੇ ਨੂੰ ਬਾਹਰ ਖੜ੍ਹਾ ਕਰਕੇ ਉਨ੍ਹਾਂ ਦੀ ਮੈਨੂਅਲ ਤਸਵੀਰ ਖਿੱਚੀ ਜਾ ਰਹੀ ਹੈ।
ਇਹ ਵੀ ਪੜੋ:ਵੰਦੇ ਭਾਰਤ ਮਿਸ਼ਨ: ਅਮਰੀਕਾ 'ਚ ਫਸੇ 225 ਭਾਰਤੀ ਨਾਗਰਿਕ ਦੇਸ਼ ਵਾਪਸ ਪਰਤੇ
ਅੱਜ ਸ਼ੁਰੂ ਹੋਏ ਇਸ ਕੰਮ ਤੋਂ ਹੁਣ ਲੋਕਾਂ ਨੂੰ ਜਿੱਥੇ ਇੱਕ ਪਾਸੇ ਰਜਿਸਟਰੀਆਂ ਕਰਾਉਣ ਵਿੱਚ ਸੌਖ ਹੋਏਗੀ, ਉਹਦੇ ਦੂਸਰੇ ਪਾਸੇ ਉਹ ਤਹਿਸੀਲ ਵਿੱਚ ਹੋਣ ਵਾਲੇ ਹੋਰ ਕੰਮਾਂ ਨੂੰ ਵੀ ਕਰਵਾ ਸਕਣਗੇ।
