ਜਲੰਧਰ:ਥਾਣਾ ਮਹਿਤਪੁਰ ਪੁਲਿਸ ਨੇ 3 ਚੋਰੀ ਦੇ ਏ.ਸੀ. ਸਮੇਤ, ਇੱਕ ਵਿਅਕਤੀ ਨੂੰ ਕਾਬੂ ਕੀਤਾ ਗਿਆ ਹੈ। ਐੱਸ. ਐੱਚ. ਓ. ਲਖਵੀਰ ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਐਸਆਈ ਸਰਬਜੀਤ ਸਿੰਘ ਵੱਲੋਂ ਪੁਲਿਸ ਪਾਰਟੀ ਗਸ਼ਤ ਦੌਰਾਨ ਮਹੇੜੂ ਪੁਲੀ 'ਤੇ ਸਨ, ਜਿਥੇ ਕਿ ਖਾਸ ਮੁਖਬਰ ਵਲੋਂ ਜਾਣਕਾਰੀ ਮਿਲਣ 'ਤੇ ਸੰਜੀਵ ਅਰੋੜਾ ਉਰਫ ਚੇਤਨ ਪੁੱਤਰ ਸੁਭਾਸ ਚੰਦਰ ਵਾਸੀ ਭੱਲਿਆ ਮੁਹੱਲਾ ਵਾਸੀ ਨਕੋਦਰ ਨੂੰ 3 ਚੋਰੀ ਦੇ ਏ.ਸੀ. ਖਰੀਦ ਕੇ ਲਿਆ ਰਿਹਾ ਹੈ।
ਪੁਲਿਸ ਪਾਰਟੀ ਨੇ ਉਕਤ ਵਿਅਕਤੀ ਨੂੰ ਕਾਰ ਸਮੇਤ ਕਾਬੂ ਕਰ ਲਿਆ। ਥਾਣਾ ਮੁਖੀ ਲਖਵੀਰ ਸਿੰਘ ਨੇ ਦੱਸਿਆ ਕਿ ਦੋਸ਼ੀ ਸੰਜੀਵ ਅਰੋੜਾ ਨੇ ਮੰਨਿਆ ਕਿ ਇਹ 3 ਏ.ਸੀ. ਚੋਰੀ ਦੇ ਉਸ ਨੇ ਹਰਵਿੰਦਰ ਉਰਫ ਬੁੱਧੂ ਪੁਤਰ ਪਰਮਜੀਤ ਵਾਸੀ ਆਲੋਵਾਲ ਤੇ ਸੰਨੀ ਆਲੋਵਾਲ ਤੋਂ ਖਰੀਦੇ ਸਨ । ਪੁਲਿਸ ਨੇ ਉਨ੍ਹਾਂ ਦੋ ਵਿਅਕਤੀਆਂ 'ਤੇ ਪਰਚਾ ਦਰਜ ਕਰ ਲਿਆ ਹੈ ਅਤੇ ਭਾਲ ਜਾਰੀ ਹੈ ।
