ਜਲੰਧਰ: 1 ਦਸੰਬਰ ਨੂੰ ਕੌਮਾਂਤਰੀ ਕਬੱਡੀ ਕੱਪ ਦੇ ਟੂਰਨਾਮੈਂਟ ਦੀ ਸ਼ੁਰੂਆਤ ਹੋ ਗਈ ਹੈ। ਇਸ ਟੂਰਨਾਮੈਂਟ ਦੇ ਉਦਘਾਟਨ ਦੌਰਾਨ ਕਲੇਰ ਕੰਥ ਨੇ ਆਪਣਾ ਰੰਗਾ-ਰੰਗਾ ਪ੍ਰੋਗਰਾਮ ਪੇਸ਼ ਕੀਤਾ। ਇਸ ਦੌਰਾਨ ਕੌਮਾਂਤਰੀ ਕਬੱਡੀ ਕੱਪ ਦੇ ਮੈਚ ਨੂੰ ਸ਼ੁਰੂ ਕੀਤਾ। ਇਸ ਦੇ ਪਹਿਲੇ ਦਿਨ 3 ਟੀਮਾਂ ਦਾ ਮੈਚ ਹੋਇਆ। ਦੱਸ ਦੇਈਏ 3 ਦਸੰਬਰ ਨੂੰ ਅੰਮ੍ਰਿਤਸਰ 'ਚ ਮੈਚ ਹੋਣਗੇ। ਇਹ ਮੈਚ ਭਾਰਤ ਤੇ ਇੰਗਲੈਂਡ ਦਾ ਅਤੇ ਕੈਨੇਡਾ ਤੇ ਆਸਟ੍ਰੇਲਿਆ ਦਾ ਮੈਚ ਹੋਵੇਗਾ।
ਇਸ ਮੌਕੇ ਤਜਿੰਦਰ ਸਿੰਘ ਮਿਡੂਖੇੜਾ ਨੇ ਕਿਹਾ ਕਿ ਸਾਰੀਆਂ ਟੀਮਾਂ ਨੂੰ ਜਲੰਧਰ ਦੇ ਹੋਟਲ 'ਚ ਠਹਿਰਾਇਆ ਗਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਸ ਟੂਰਨਾਮੈਂਟ 'ਚ ਹਰ ਟੀਮ 'ਚ 16 ਖਿਡਾਰੀ ਹਨ। ਯਾਦਵਿੰਦਰ ਸਿੰਘ ਟੀਮ ਦਾ ਕਪਤਾਨ ਹੈ।
ਉਨ੍ਹਾਂ ਨੇ ਮੈਚ ਹੋਣ ਵਾਲੇ ਸਥਾਨਾਂ ਦਾ ਜ਼ਿਕਰ ਕਰਦੇ ਹੋਏ ਕਿਹਾ ਕਿ 4 ਦਸੰਬਰ ਨੂੰ ਗੁਰੂ ਰਾਮਦਾਸ ਸਟੇਡੀਅਮ 'ਚ ਮੈਚ ਹੋਵੇਗਾ, ਜਿੱਥੇ ਭਾਰਤ ਤੇ ਸ੍ਰੀ ਲੰਕਾ ਦਾ , ਇੰਗਲੈਡ ਤੇ ਆਸਟ੍ਰੇਲੀਆ ਅਤੇ ਕੈਨੇਡਾ ਤੇ ਨਿਯੂਜ਼ੀਲੈਂਡ ਦਾ ਮੈਚ ਹੋਵੇਗਾ।
ਇਹ ਵੀ ਪੜ੍ਹੋ: ਜੰਡਿਆਲਾ ਦੇ ਗੁਰੂ ਗੋਬਿੰਦ ਸਿੰਘ ਕਾਲਜ ਦਾ ਸੰਤੋਖ ਸਿੰਘ ਚੌਧਰੀ ਨੇ ਕੀਤਾ ਦੌਰਾ
ਉਨ੍ਹਾਂ ਨੇ ਕਿਹਾ ਕਿ 5 ਦਸੰਬਰ ਨੂੰ ਬਠਿੰਡਾ 'ਚ ਭਾਰਤ ਤੇ ਆਸਟ੍ਰੇਲੀਆ ਦਾ ਮੈਚ, ਯੂਐਸਏ ਤੇ ਕੀਨਿਆ ਦਾ ਮੈਚ ਹੋਵੇਗਾ। ਇਸ ਦੌਰਾਨ 6 ਦਸੰਬਰ ਨੂੰ ਪੋਲੋ ਗਰਾਉਂਡ ਪਟਿਆਲਾ 'ਚ ਦੋ ਮੈਚ ਖੇਡੇ ਜਾਣੇ ਹਨ ਜਿਸ 'ਚ ਸ੍ਰੀ ਲੰਕਾ ਤੇ ਆਸਟ੍ਰੇਲੀਆ ਦਾ ਅਤੇ ਨਿਯੂਜ਼ੀਲੈਂਡ ਤੇ ਕੀਨਿਆ ਦਾ ਮੈਚ ਹੋਵੇਗਾ।
ਉਨ੍ਹਾਂ ਨੇ ਕਿਹਾ ਕਿ 8 ਦਸੰਬਰ ਨੂੰ ਵਿਸ਼ਵ ਕਬੱਡੀ ਟੂਰਨਾਮੈਂਟ ਦਾ ਸੈਮੀਫਾਇਨਲ ਹੋਵੇਗਾ। ਇਸ 'ਚ ਏ ਪੂਲ ਚੋਂ ਪਹਿਲਾਂ ਦਰਜੇ 'ਤੇ ਆਉਣ ਵਾਲੀਆਂ ਟੀਮਾਂ ਦਾ ਬੀ ਪੂਲ ਦੇ ਦੁਜੇ ਦਰਜੇ ਦੀਆਂ ਟੀਮਾਂ ਨਾਲ ਮੈਚ ਹੋਵੇਗਾ। ਉਨ੍ਹਾਂ ਨੇ ਕਿਹਾ ਕਿ 10 ਦਸੰਬਰ ਨੂੰ ਬਾਬੇ ਨਾਨਕ ਦੀ ਧਰਤੀ ਸੁਲਤਾਨਪੁਰ ਲੋਧੀ ਵਿਖੇ ਫਾਇਨਲ ਮੈਚ ਹੋਵੇਗਾ।
ਜ਼ਿਕਰਯੋਗ ਹੈ ਕਿ ਗੈਂਗਸਟਰ ਜਗੂ ਭਗਵਾਨਪੁਰੀਆਂ ਨੇ ਕਬੱਡੀ ਦੇ ਖਿਡਾਰੀਆਂ ਨੂੰ ਦਿੱਤੀਆ ਜਾ ਰਹੀਆਂ ਧਮਕੀਆਂ ਬਾਰੇ ਗੱਲ ਕਰਦੇ ਹੋਏ ਉਨ੍ਹਾਂ ਨੇ ਕਿਹਾ ਕਿ ਕਿਸੇ ਵੀ ਤਰ੍ਹਾਂ ਦੀ ਧਮਕੀ ਨਾਲ ਖਿਡਾਰੀਆਂ ਦੇ ਮਨੋਬਲ 'ਤੇ ਕੋਈ ਅਸਰ ਨਹੀਂ ਹੋਵੇਗਾ।
