ਹੁਸ਼ਿਆਰਪੁਰ: ਸੂਬਾ ਸਰਕਾਰ ਨੇ ਬੇਟੀ ਬਚਾਓ, ਬੇਟੀ ਪੜਾਉ ਮੁਹਿੰਮ ਦੇ ਅਧੀਨ ਹੁਸ਼ਿਆਰਪੁਰ 'ਚ ਸਰਕਾਰੀ ਸਕੂਲ 'ਚ ਪੜ ਰਹੀਆਂ ਕੁੜੀਆਂ ਲਈ ਡਰਾਈਵਿੰਗ ਸਿਖਲਾਈ ਕੇਂਦਰ ਦੀ ਸ਼ਰੂਆਤ ਕੀਤੀ ਹੈ। ਜਿਸ ਦਾ ਉਦਘਾਟਨ ਕੈਬਿਨੇਟ ਮੰਤਰੀ ਸੁੰਦਰ ਸ਼ਾਮ ਅਰੋੜਾ ਨੇ ਕੀਤਾ। ਇਸ ਦੇ ਉਦਾਘਟਨ 'ਚ ਹਸ਼ਿਆਰਪੁਰ ਦੇ ਡੀਸੀ ਈਸ਼ਾ ਕਾਲੀਆ ਨੇ ਵੀ ਸ਼ਿਰਕਤ ਕੀਤੀ।
ਇਸ ਸਿਖਲਾਈ ਕੇਂਦਰ 'ਚ ਮੁਫ਼ਤ ਡਰਾਇਵਿੰਗ ਦੀ ਸਖਲਾਈ ਦਿੱਤੀ ਜਾਵੇਗੀ। ਜਿਸ 'ਚ ਉਨ੍ਹਾਂ ਨੂੰ ਡਰਾਇਵਿੰਗ ਦੀ ਸਿਖਲਾਈ ਦੇ ਕੇ ਸਵੈ-ਨਿਰਭਰ ਬਣਾਇਆ ਜਾਵੇਗਾ।
ਇਸ ਮੌਕੇ ਕੈਬਿਨੇਟ ਮੰਤਰੀ ਸੁੰਦਰ ਸ਼ਾਮ ਅਰੋੜਾ ਨੇ ਕਿਹਾ ਕਿ ਪੰਜਾਬ 'ਚ ਡਰਾਈਵਿੰਗ ਸਿਖਲਾਈ ਕੇਂਦਰ ਦੀ ਪਹਿਲੀ ਸ਼ੁਰੂਆਤ ਹੈ। ਜਿਸ 'ਚ ਮੁੰਡਿਆ ਨੂੰ ਕਾਰ ਚਲਾਉਣ ਦੀ ਸਿਖਾਲਈ ਤਾਂ ਦਿੱਤੀ ਜਾਂਦੀ ਸੀ ਸਾਥ ਹੀ ਕੁੜੀਆਂ ਨੂੰ ਵੀ ਮੁਫ਼ਤ ਸਿਖਲਾਈ ਦਿੱਤੀ ਜਾਵੇਗੀ।
ਉਨ੍ਹਾਂ ਨੇ ਕਿਹਾ ਡਰਾਈਵਿੰਗ ਸਿਖਲਾਈ ਦੇ ਦੌਰਾਨ ਕੁੜੀਆਂ ਨੂੰ ਡਰਾਇਵਿੰਗ ਲਾਇਸੈਂਸ ਵੀ ਦਿੱਤਾ ਜਾਵੇਗਾ। ਇਹ 20 ਕੁੜੀਆਂ ਦਾ ਪਹਿਲਾਂ ਬੈਚ ਹੈ। ਜੋ ਕਿ 20 ਦਿਨ ਤੱਕ ਇਸ ਦੀ ਸਿਖਲਾਈ ਦਿੱਤੀ ਜਾਵੇਗੀ। ਜਿਸ 'ਚ ਹਫਤੇ ਦੇ ਦੋ ਦਿਨ ਸਨਿੱਚਰਵਾਰ ਤੇ ਐਤਵਾਰ ਨੂੰ ਹੀ ਸਿਖਲਾਈ ਦਿੱਤੀ ਜਾਵੇਗੀ ਤਾਂਕਿ ਉਨ੍ਹਾਂ ਦੇ ਸਿੱਖਿਆ ਖੇਤਰ 'ਚ ਇਸ ਦਾ ਅਸਰ ਨਾ ਪਾਵੇ। ਉਨ੍ਹਾਂ ਨੇ ਕਿਹਾ ਕਿ ਇਕ ਮਹੀਨੇ ਬਾਅਦ ਉਨ੍ਹਾਂ ਨੂੰ ਲਾਇਸੈਂਸ ਵੀ ਦਿੱਤਾ ਜਾਵੇਗਾ।
ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਬਿਜਲੀ ਦੀ ਦਰਾਂ 'ਚ ਹੋਏ ਵਾਧੇ 'ਤੇ ਕਿਹਾ ਕਿ ਬਿਜਲੀ ਦਰਾਂ ਦੇ ਵੱਧਣ 'ਚ ਸਰਕਾਰ ਦਾ ਕੋਈ ਹੱਥ ਨਹੀਂ ਹੈ। ਉਨ੍ਹਾਂ ਨੇ ਕਿਹਾ ਕਿ ਫੈਕਟਰੀਆਂ ਨੂੰ 5 ਰੁਪਏ ਪ੍ਰਤੀ ਯੁਨੀਟ ਹੀ ਬਿਜਲੀ ਦਿੱਤੀ ਜਾ ਰਹੀ ਹੈ। ਇਹ 5 ਰੁਪਏ ਪ੍ਰਤੀ ਯੁਨੀਟ ਫੈਕਟਰੀ ਦੇ 24ਘੰਟੇ ਚੱਲਣ ਦੇ ਹਨ। ਹੁਣ ਕੰਪਨੀ 8 ਘੰਟੇ ਕੰਮ ਕਰਦੀ ਹੈ ਜਾਂ 24 ਘੰਟੇ ਕੰਮ ਕਰਦੀ ਹੈ ਉਸ ਨੂੰ ਬਿਜਲੀ 5 ਰੁਪਏ ਯੂਨੀਟ ਹੀ ਪੈਣੀ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਕਿਹਾ ਕਿ ਜਲਦ ਹੀ ਪੰਜਾਬ 'ਚ ਮੰਦੀ ਦਾ ਦੌਰ ਖ਼ਤਮ ਹੋਵੇਗਾ।
ਇਹ ਵੀ ਪੜ੍ਹੋ:ਬਿਜਲੀ ਦਰਾਂ 'ਚ ਵਾਧੇ 'ਤੇ ਵਿਰੋਧੀਆਂ ਦੀ ਕੈਪਟਨ ਨੂੰ ਘੇਰਨ ਦੀ ਤਿਆਰੀ
ਇਸ ਮੌਕੇ ਡੀ.ਸੀ ਈਸ਼ਾ ਕਾਲੀਆ ਨੇ ਕਿਹਾ ਕਿ ਪੰਜਾਬ ਸਰਕਾਰ ਦਾ ਇਹ ਬਹੁਤ ਹੀ ਚੰਗਾ ਉਪਰਾਲਾ ਹੈ। ਕਾਰ ਸਿਖਲਾਈ ਕੇਂਦਰ ਰਾਹੀਂ ਕੁੜੀਆਂ ਨੂੰ ਸਵੈ-ਨਿਰਭਰ ਬਣਾਇਆ ਜਾਵੇਗਾ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਕਿਹਾ ਇਸ ਡਰਾਈਵਿੰਗ ਦੀ ਸਿਖਲਾਈ ਲੈਣ ਨਾਲ ਕੁੜੀਆਂ ਕਾਫੀ ਜਿਆਦਾ ਫ਼ਾਇਦਾ ਹੋਵੇਗਾ।
ਵਿਦਿਆਰਥਣ ਨੇ ਕਿਹਾ ਕਿ ਸੂਬਾ ਸਰਕਾਰ ਦੀ ਇਹ ਬਹੁਤ ਹੀ ਸ਼ਲਾਘਾਯੋਗ ਪਹਿਲ ਹੈ। ਜੋ ਕਿ ਆਉਣ ਵਾਲੇ ਸਮੇਂ 'ਚ ਕੁੜੀਆਂ ਦੀ ਮਦਦ ਸਾਬਤ ਹੋਵੇਗਾ।
