ਹੁਸ਼ਿਆਰਪੁਰ: ਅਯੂਸ਼ਮਾਨ ਭਾਰਤ ਜਾਗਰੂਕਤਾ, ਪੰਦਰਾਵਾੜੇ ਦੇ ਸਬੰਧ ਵਿੱਚ ਇੱਕ ਜਾਗਰੂਕਤਾ ਰੈਲੀ ਕੱਢੀ ਗਈ। ਇਸ ਦਾ ਆਯੋਜਨ ਦਫ਼ਤਰ ਸਿਵਲ ਸਰਜਨ ਤੋ ਕੀਤਾ ਗਿਆ। ਇਸ ਰੈਲੀ ਨੂੰ ਡਾ. ਪਵਨ ਕੁਮਾਰ ਸਹਾਇਕ ਸਿਵਲ ਸਰਜਨ ਅਤੇ ਡਾ ਡਿਪਟੀ ਮੈਡੀਕਲ ਕਮਿਸ਼ਨਰ ਡਾ ਸਤਪਾਲ ਗੋਜਾਰਾਂ ਨੇ ਹਰੀ ਝੰਡੀ ਦੇ ਕੇ ਰਵਾਨਾ ਕੀਤਾ ਗਿਆ। ਇਹ ਰੈਲੀ ਸਿਵਲ ਹਸਪਤਾਲ ਤੋ ਹੁੰਦਿਆਂ ਕਮਮਾਲਪੁਰ ਚੌਕ ਤੋਂ ਹੋ ਕੇ ਵਾਪਸ ਦਫ਼ਤਰ ਸਿਵਲ ਸਰਜਨ ਵਿਖੇ ਖ਼ਤਮ ਹੋਈ।
ਇਸ ਮੌਕੇ ਉਨਾਂ ਦੇ ਨਾਲ ਡਾ ਰਜਿੰਦਰ ਰਾਜ ਜ਼ਿਲ੍ਹਾਂ ਪਰਿਵਾਰ ਭਲਾਈ ਅਫਸਰ, ਐਸਐਮਓ ਡਾ. ਵਿਨੋਦ ਸਰੀਨ, ਐਸਐਮਓ ਡਾ. ਬਲਦੇਵ ਸਿੰਘ, ਪ੍ਰਿੰਸੀਪਲ ਪਰਮਜੀਤ ਕੌਰ ਅਤੇ ਹੋਰ ਅਧਿਕਾਰੀ ਹਾਜ਼ਿਰ ਸਨ। ਵਿਦਿਆਰਥੀਆਂ ਵੱਲੋ ਅਯੂਸ਼ਮਾਨ ਭਾਰਤ ਸਰਬੱਤ ਸਿਹਤ ਬੀਮਾਂ ਯੋਜਨਾਂ ਨਾਲ ਸਬੰਧਿਤ ਤਖ਼ਤੀਆਂ ਅਤੇ ਬੈਨਰ ਰਾਹੀ ਲੋਕਾਂ ਨੂੰ ਇਸ ਸਕੀਮ ਰਾਹੀ ਜਾਣਕਾਰੀ ਦੇਣ ਦਾ ਉਪਰਾਲਾ ਕੀਤਾ।
ਹੋਰ ਜਾਣਕਾਰੀ ਦਿੰਦੇ ਹੋਏ ਡਿਪਟੀ ਮੈਡੀਕਲ ਕਮਿਸ਼ਨਰ ਨੇ ਦੱਸਿਆ ਕਿ ਪੰਜਾਬ ਦੇ 43 ਲੱਖ ਤੋ ਜ਼ਿਆਦਾ ਪਰਿਵਾਰਾਂ ਲਈ ਮੁੱਫਤ ਸਿਹਤ ਸੁਰੱਖਿਆਂ ਬੀਮਾਂ ਯੋਜਨਾ ਜ਼ਿਲ੍ਹੇ ਦੇ ਸਰਕਾਰੀ ਅਤੇ ਸੂਚੀਬੱਧ ਨਿਜੀ ਹਸਪਤਾਲਾਂ ਵਿੱਚ 20 ਅਗਸਤ 2019 ਤੋਂ ਸ਼ੁਰੂ ਹੋ ਚੁੱਕੀ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਯੋਜਨਾ ਅਧੀਨ ਐਸਈਸੀਸੀ (ਸੈਕ) ਡੈਟਾ, ਨੀਲੇ ਕਾਰਡ ਧਾਰਕ ਪਰਿਵਾਰ, ਛੋਟੇ ਵਪਾਰੀ, ਕਿਸਾਨ, ਪਰਿਵਾਰ, ਜੇ ਫਾਰਮ ਹੋਲਡਰ, ਕਿਰਤ ਵਿਭਾਗ ਪੰਜਾਬ ਪੰਜੀਕ੍ਰਤ ਉਸਾਰੀ ਕਾਮੇ ਸ਼ਾਮਲ ਹਨ।
ਇਹ ਵੀ ਪੜ੍ਹੋ: ਅਮਰੀਕਾ 'ਚ ਸਿੱਖ ਪੁਲਿਸ ਅਫ਼ਸਰ ਦਾ ਗੋਲੀਆਂ ਮਾਰ ਕੇ ਕਤਲ
ਡਿਪਟੀ ਮੈਡੀਕਲ ਕਮਿਸ਼ਨਰ ਨੇ ਦੱਸਿਆ ਕਿ ਜ਼ਿਲ੍ਹਾਂ ਹੁਸ਼ਿਆਰਪੁਰ ਵਿੱਚ 2 ਲੱਖ, 15 ਹਜ਼ਾਰ, 632 ਪਰਿਵਾਰ ਇਸ ਯੋਜਨਾ ਨਾਲ ਸਬੰਧਿਤ ਹਨ ਜਿਸ ਵਿੱਚ( ਸੈਕ ) ਐਸੀਸੀਸੀ ਦੇ 67, 832 ਨੀਲੇ ਕਾਰਡ ਹੋਲਡਰ, 1, 29, 493 ਛੋਟੇ ਵਪਾਰੀ, 727 ਬਿੰਲਡਿੰਗ ਉਸਾਰੀ ਕਾਮੇ, 3, 373 ਕਿਸਾਨ 14, 207 ਪਰਿਵਾਰ ਸ਼ਾਮਲ ਹਨ । ਉਨ੍ਹਾਂ ਕਿਹਾ ਕਿ ਉਪਰੋਕਤ ਡੈਟਾਂ ਨਾਲ ਸਬੰਧਿਤ ਵਿਅਕਤੀ ਆਪਣਾ ਆਧਾਰ ਕਾਰਡ ਲੈ ਕੇ ਕਾਮਨ ਸਰਵਿਸ ਸੈਂਟਰ ਜਾਂ ਸਰਕਾਰੀ, ਸੂਚੀ ਬੱਧ ਹਸਪਤਾਲ ਵਿੱਖੇ ਜਾ ਕੇ 30 ਰੁਪਏ ਪ੍ਰਤੀ ਵਿਅਕਤੀ ਦੇ ਹਿਸਾਬ ਨਾਲ ਆਪਣਾ ਇਸ ਯੋਜਨਾ ਅਧੀਨ ਗੋਲਡਨ ਕਾਰਡ ਬਣਾ ਸਕਦੇ ਹਨ।
ਇਹ ਸਕੀਮ ਕੈਸ਼ ਲੈਸ ਹੈ ਅਤੇ ਇਸ ਵਿੱਚ ਇਕ ਪਰਿਵਾਰ ਦੀ ਸਲਾਨਾ 5 ਲੱਖ ਰੁਪਏ ਦਾ ਸਿਹਤ ਬੀਮਾ ਹੋਵੇਗਾ। ਇਸ ਸਕੀਮ ਤਹਿਤ ਮਰੀਜ ਅਪਣਾ ਇਲਾਜ ਟਰਸਰੀ ਪੱਧਰ ਦੇ ਹਸਪਤਾਲਾਂ ਵਿੱਚ ਕਰਵਾ ਸਕਦੇ ਹਨ।
