ਗੁਰਦਾਸਪੁਰ :ਬਟਾਲਾ ਦੀ ਜਲ ਘਰ ਮਾਰਕੀਟ ਵਿਚ ਅੱਜ ਸਵੇਰੇ ਕਰੀਬ 7 ਵਜੇ ਕਿਤਾਬਾਂ ਦੀ ਦੁਕਾਨ ਅਤੇ ਦੋ ਵੱਡੇ ਗੋਦਾਮਾਂ ਵਿੱਚ ਅਚਾਨਕ ਅੱਗ ਲੱਗ ਗਈ ਜਿਸ ਤੇ ਕਾਬੂ ਪਾਉਣ ਲਈ ਕਰੀਬ 3 ਘੰਟੇ ਦੀ ਮੁਸ਼ੱਕਤ ਕਰਨੀ ਪਾਈ। ਸਥਾਨਕ ਲੋਕਾਂ ਅਤੇ ਫਾਇਰ ਬ੍ਰਿਗੇਡ ਦੀਆਂ ਗੱਡੀਆਂ ਨੇ ਮੌਕੇ ਤੇ ਪਹੁੰਚ ਅੱਗ ਤੇ ਕਾਬੂ ਪਾਇਆ।
ਬਟਾਲਾ 'ਚ ਕਿਤਾਬਾਂ ਦੇ ਗੋਦਾਮ ਅਤੇ ਦੁਕਾਨਾਂ ਲੱਗੀ ਭਿਆਨਕ ਅੱਗ, ਲੱਖਾਂ ਦਾ ਨੁਕਸਾਨ
ਬਟਾਲਾ ਦੀ ਜਲ ਘਰ ਮਾਰਕੀਟ ਚ ਸਥਿਤ ਮਹਿਰਾ ਬੁੱਕ ਸਟੋਰ ਦੇ ਮਾਲਕ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਕਿਸੇ ਦਾ ਫੋਨ ਆਇਆ ਕਿ ਤੁਹਾਡੀ ਦੁਕਾਨ ਵਿੱਚੋਂ ਧੂੰਆਂ ਨਿਕਲ ਰਿਹਾ ਹੈ ਅਤੇ ਜਦ ਉਹ ਮੌਕੇ 'ਤੇ ਪਹੁੰਚੇ ਤਾਂ ਦੁਕਾਨਾਂ ਦੇ ਉਪਰ ਬਣੇ ਗੋਦਾਮਾਂ 'ਚ ਅੱਗ ਪੂਰੀ ਤਰ੍ਹਾਂ ਭਖ ਰਹੀ ਸੀ। ਪੁਲਿਸ ਵੀ ਮੌਕੇ ਤੇ ਪਹੁੰਚੀ ਅਤੇ ਫਾਇਰ ਬ੍ਰਿਗੇਡ ਨੂੰ ਵੀ ਸੂਚਿਤ ਕੀਤਾ ਗਿਆ। ਜਿਨ੍ਹਾਂ ਵਲੋਂ ਇਸ ਅੱਗ 'ਤੇ ਕਾਬੂ ਪਇਆ ਗਿਆ। ਦੁਕਾਨ ਮਾਲਕ ਮੁਤਾਬਕ ਉਨ੍ਹਾਂ ਦੇ ਗੋਦਾਮ ਅਤੇ ਦੁਕਾਨ ਸਭ ਸੜ ਕੇ ਸਵਾਹ ਹੋ ਗਏ ਹਨ ਅਤੇ ਕਰੀਬ 70 - 80 ਲੱਖ ਰੁਪਏ ਦਾ ਨੁਕਸਾਨ ਹੋਇਆ ਹੈ। ਅੱਗ ਦੇ ਕਾਰਨਾਂ ਦਾ ਪਤਾ ਨਹੀਂ ਲੱਗ ਸਕਿਆ।
