ਗੁਰਦਾਸਪੁਰ: ਪਿੰਡ ਨੁਰੂਵਾਲ ਵਿੱਚ ਇਕ ਕਿਸਾਨ ਦੀ ਲਾਪਰਵਾਹੀ ਨੇ 8 ਸਾਲਾਂ ਬੱਚੇ ਦੀ ਜਾਣ ਲੈ ਲਈ। ਪਿੰਡ ਨੁਰੂਵਾਲ ਦੇ ਇਕ ਕਿਸਾਨ ਹਰਵਿੰਦਰ ਸਿੰਘ ਨੇ ਆਪਣੇ ਖੇਤਾਂ ਵਿੱਚ ਸੜਕ ਦੇ ਬਿਲਕੁੱਲ ਨਾਲ ਟੋਇਆ ਪੁਟਿਆ ਹੋਇਆ ਸੀ ਜਿਸ ਵਿੱਚ ਡਿੱਗਣ ਨਾਲ ਇਕ 8 ਸਾਲਾਂ ਬੱਚੇ ਵੰਸ਼ਦੀਪ ਦੀ ਮੌਤ ਹੋ ਗਈ।
ਪਰਿਵਾਰ ਨੇ ਦੋਸ਼ ਲਗਾਇਆ ਕਿ ਕਿਸਾਨ ਨੂੰ ਟੋਇਆ ਪੁੱਟਣ ਤੋਂ ਰੋਕਿਆ ਗਿਆ ਸੀ, ਪਰ ਉਸ ਨੇ ਫਿਰ ਵੀ ਟੋਇਆ ਪੁੱਟ ਦਿੱਤਾ ਸੀ। ਇਸ ਦਾ ਖਾਮਿਆਜਾ ਉਨ੍ਹਾਂ ਦੇ ਬੇਟੇ ਨੂੰ ਆਪਣੀ ਜਾਨ ਦੇ ਕੇ ਭੁਗਤਣਾ ਪਿਆ।
ਪਰਿਵਾਰ ਦੀ ਮੰਗ ਹੈ ਕਿ ਦੋਸ਼ੀ ਕਿਸਾਨ ਉੱਤੇ ਸਖ਼ਤ ਕਾਰਵਾਈ ਕੀਤੀ ਜਾਵੇ। ਫ਼ਿਲਹਾਲ ਪੁਲਿਸ ਮੌਕੇ 'ਤੇ ਪਹੁੰਚ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
ਇਹ ਵੀ ਪੜ੍ਹੋ:ਸਮਾਜ ਨਾਲ ਲੜ੍ਹ ਕੇ ਕੀਤੀ ਸੁਸ਼ਮਾ ਸਵਰਾਜ ਨੇ 'ਲਵ ਮੈਰਿਜ', ਪੜ੍ਹੋ 'ਲਵ ਸਟੋਰੀ'
ਇਸ ਮੌਕੇ ਪਹੁੰਚੇ ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਸੂਚਨਾ ਮਿਲੀ ਸੀ ਕਿ ਇਕ 8 ਸਾਲ ਦੀ ਬੱਚੇ ਦੀ ਪਾਣੀ ਵਾਲੇ ਟੋਏ ਵਿੱਚ ਡਿਗਣ ਨਾਲ ਮੌਤ ਹੋਈ ਹੈ। ਮ੍ਰਿਤਕ ਬੱਚੇ ਦੇ ਮਾਤਾ ਪਿਤਾ ਦੇ ਬਿਆਨ ਦਰਜ ਕਰਨ ਤੋਂ ਬਾਅਦ, ਜੋ ਬਣਦੀ ਕਾਰਵਾਈ ਹੈ ਉਹ ਕੀਤੀ ਜਾਵੇਗੀ।
