ਫਰੀਦਕੋਟ: ਸੂਬੇ ਦੀ 'ਆਪ' ਸਰਕਾਰ ਵੱਲੋਂ ਆਬਕਾਰੀ ਨੀਤੀ 'ਚ ਬਦਲਾਅ ਕਰਨ ਤੋਂ ਬਾਅਦ ਸ਼ਰਾਬ ਦੇ ਰੇਟਾਂ 'ਚ ਭਾਰੀ ਕਮੀ ਆਈ ਜਿਸ ਤੋਂ ਬਾਅਦ ਸ਼ਰਾਬ ਪੀਣ ਵਾਲਿਆਂ ਨੂੰ ਤਾਂ ਖੁਸ਼ੀ ਹੋਣੀ ਹੀ ਸੀ ਨਾਲ ਹੀ ਆਪ ਦੇ ਵਿਧਾਇਕਾ ਦੀ ਵੀ ਖੁਸ਼ੀ ਸਾਂਭੀ ਨਹੀ ਜ਼ਾ ਰਹੀ। ਫ਼ਰੀਦਕੋਟ ਦੇ ਵਿਧਾਇਕ ਗੁਰਦਿੱਤ ਸਿੰਘ ਸੇਖੋਂ ਤਾਂ ਖੁਸ਼ੀ 'ਚ ਸ਼ਰਾਬ ਦੇ ਠੇਕੇ ਨਾਲ ਬਣੇ ਅਹਾਤੇ 'ਚ ਪੁਹੰਚ ਗਏ।
ਜਿਥੇ ਉਨ੍ਹਾਂ ਵੱਲੋਂ ਅਹਾਤੇ 'ਚ ਸ਼ਰਾਬ ਪੀਣ ਵਾਲਿਆਂ ਨਾਲ ਸਰਕਾਰ ਦੀ ਸ਼ਰਾਬ ਨੂੰ ਲੈ ਕੇ ਬਣੀ ਨਵੀਂ ਨੀਤੀ ਬਾਰੇ ਗੱਲਬਾਤ ਕਰ ਲੋਕਾਂ ਦੀ ਰਾਏ ਲਈ ਅਤੇ ਸੂਬੇ ਅੰਦਰ ਸ਼ਰਾਬ ਸਸਤੀ ਹੋਣ ਨੂੰ ਲੈ ਕੇ ਸ਼ਰਾਬੀ ਕਿੰਨਾ ਖੁਸ਼ ਹਨ ਇਹ ਜਾਨਣ ਦੀ ਕੋਸ਼ਿਸ ਕੀਤੀ ਗਈ। ਉਹ ਸ਼ਰਾਬ ਪੀਣ ਵਾਲਿਆਂ ਨੂੰ ਨਸੀਹਤ ਵੀ ਦਿੰਦੇ ਵੀ ਨਜ਼ਰ ਆਏ ਉਹ ਸ਼ਰਾਬ ਨਾ ਪੀਣ ਪਰ ਫਿਰ ਵੀ ਜੇ ਨਹੀਂ ਰਹਿ ਸਕਦੇ ਤਾਂ ਘੱਟ ਸ਼ਰਾਬ ਪੀਣੀ ਚਾਹੀਦੀ ਹੈ। ਸਰਕਾਰ ਨੇ ਸ਼ਰਾਬ ਸਸਤੀ ਕਰ ਦਿੱਤੀ ਹੈ ਤਾਂ ਜੋ ਪੈਸੇ ਬਚਦੇ ਹਨ ਉਸ ਦੀ ਸ਼ਰਾਬ ਜਿਆਦਾ ਨਹੀਂ ਪੀਣੀ ਚਾਹੀਦੀ ਹੈ। ਜੇਕਰ ਪੈਸੇ ਦਾ ਬਚਾਓ ਹੁੰਦਾ ਹੈ ਤਾਂ ਉਨ੍ਹਾਂ ਪੈਸਿਆ ਨਾਲ ਘਰ ਦਾ ਸਮਾਨ ਖਰੀਦ ਲੈਣਾ ਚਾਹੀਦਾ ਹੈ।
