ਚੰਡੀਗੜ੍ਹ:ਟ੍ਰਾਈਸਿਟੀ ਦੇ ਪੰਚਕੂਲਾ ਵਿੱਚ ਅਕਾਲੀ ਆਗੂ ਜੀ ਐਸ ਬਾਲੀ ਦੇ ਘਰ ਵਿੱਚ ਚੋਰੀ ਦੀ ਵਾਰਦਾਤ ਸਾਹਮਣੇ ਆਈ ਹੈ। ਜੀ ਐਸ ਬਾਲੀ ਦੇ ਘਰ ਵਿਚੋਂ ਚੋਰਾਂ ਨੇ ਸੋਨਾ ਅਤੇ ਕੁਝ ਨਕਦੀ ਚੋਰੀ ਕੀਤੀ ਹੈ ਅਤੇ ਚੋਰਾਂ ਨੇ ਚੋਰੀ ਬਾਅਦ ਸੀਸੀਟੀਵੀ ਕੈਮਰਾ ਦੀ ਹਾਰਡ ਡਿਸਕ ਵੀ ਨਾਲ ਲੈ ਗਏ।
ਅਕਾਲੀ ਆਗੂ ਜੀ ਐਸ ਬਾਲੀ ਜੋ ਕਿ ਆਪਣੇ ਇੱਕ ਪਰਿਵਾਰਕ ਫੰਕਸ਼ਨ ਲਈ ਬਾਹਰ ਗਏ ਹੋਏ ਸਨ ਅਤੇ ਜਦੋ ਵਾਪਸ ਆਏ ਤਾਂ ਉਸ ਦੇ ਘਰ ਦਾ ਸਾਰਾ ਸਮਾਨ ਖਿਲਰਿਆ ਹੋਇਆ ਸੀ ਤਾਂ ਬਾਲੀ ਨੇ ਪੁਲਿਸ ਨੂੰ ਫ਼ੋਨ ਕਰ ਦਿੱਤਾ ਤੇ ਪੁਲਿਸ ਟੀਮ ਨੇ ਆ ਕੇ ਮੋਰਚਾ ਸੰਭਾਲਿਆ।
ਬਾਲੀ ਨੇ ਦੱਸਿਆ ਕਿ ਅੱਠ ਸੋਨੇ ਦੇ ਕੰਗਨ ਉਸ ਤੋਂ ਇਲਾਵਾ ਹੋਰ ਸੋਨੇ ਦੇ ਗਹਿਣੇ ਕੁੱਲ ਮਿਲਾ ਕੇ 10 ਲੱਖ ਦੇ ਕਰੀਬ ਦੀ ਚੋਰੀ ਹੋਈ ਹੈ ਜਿਸ ਵਿੱਚ ਕੁਝ ਨਕਦੀ ਵੀ ਸੀ।
ਇਹ ਵੀ ਪੜੋ: ਜੰਮੂ-ਕਸ਼ਮੀਰ: ਪਾਕਿ ਫ਼ੌਜ ਵਲੋਂ ਜੰਗਬੰਦੀ ਦੀ ਉਲੰਘਣਾ, ਭਾਰਤੀ ਫ਼ੌਜ ਵਲੋਂ ਜਵਾਬੀ ਕਾਰਵਾਈ
ਹੈਰਾਨੀ ਦੀ ਗੱਲ ਤਾਂ ਇਹ ਹੈ ਕਿ ਸੋਨੇ ਅਤੇ ਨਕਦੀ ਦਾ ਸਾਮਾਨ ਚੋਰੀ ਕਰਨ ਤੋਂ ਬਾਅਦ ਚੋਰਾਂ ਨੇ ਘਰ ਵਿਚ ਲੱਗੇ ਸੀਸੀਟੀਵੀ ਕੈਮਰੇ ਨੂੰ ਨੁਕਸਾਨ ਪਹੁੰਚਾਣ ਦੀ ਕੋਸ਼ਿਸ਼ ਕੀਤੀ ਅਤੇ ਸੀਸੀਟੀਵੀ ਦੀ ਹਾਰਡ ਡਿਸਕ ਨੂੰ ਵੀ ਚੋਰ ਨਾਲ ਹੀ ਲੈ ਗਏ। ਚੋਰੀ ਕਰਨ ਤੋਂ ਬਾਅਦ ਚੋਰਾਂ ਨੇ ਰਸੋਈ ਵਿੱਚ ਵੜ ਕੇ ਜੂਸ ਵੀ ਪੀਕੇ ਗਏ ਅਤੇ ਜਾਣ ਲੱਗਿਆਂ ਗੁਰੂ ਸਾਹਿਬ ਦੀ ਗੁੱਲਕ ਵਿਚੋਂ ਵੀ ਪੈਸੇ ਲੈ ਗਏ।
