ਚੰਡੀਗੜ੍ਹ: ਪਾਲੀਵੁੱਡ ਦੇ ਮਿਊਜ਼ਿਕ ਡਾਇਰੈਕਟਰ ਮਿਸਟਰ ਵਾਓ ਨੇ ਅੱਜ ਆਪਣਾ ਨਾਂਅ ਸਾਰੀ ਦੁਨੀਆਂ ਵਿੱਚ ਕਮਾ ਲਿਆ ਹੈ। ਪੰਜਾਬੀ ਫ਼ਿਲਮ ਪ੍ਰਾਹੁਣਾ ਤੋਂ ਸਫ਼ਲਤਾ ਪ੍ਰਾਪਤ ਕਰਨ ਤੋਂ ਬਾਅਦ ਹੁਣ ਮਿਸਟਰ ਵਾਓ ਨੂੰ ਨਾ ਸਿਰਫ਼ ਪੰਜਾਬ ਸਗੋਂ ਬਾਲੀਵੁੱਡ ਫ਼ਿਲਮਾਂ ਵਿੱਚ ਵੀ ਮਿਊਜ਼ਿਕ ਦੇਣਾ ਸ਼ੁਰੂ ਕਰ ਦਿੱਤਾ ਹੈ।
ਹੋਰ ਪੜ੍ਹੋ: ਬਾਲੀਵੁੱਡ ਦੇ ਕਈ ਕਲਾਕਾਰਾਂ ਨੇ ਸੋਸ਼ਲ ਮੀਡੀਆ 'ਤੇ ਨਵੇਂ ਸਾਲ ਦੀ ਦਿੱਤੀ ਵਧਾਈ
ਇਸ ਮੌਕੇ ਮਿਸਟਰ ਵਾਓ ਨੇ ਈਟੀਵੀ ਭਾਰਤ ਨਾਲ ਖ਼ਾਸ ਗੱਲ ਕਰਦਿਆਂ ਆਪਣੀ ਨਵੀਂ ਹਿੰਦੀ ਫ਼ਿਲਮ ਗੈਂਗਜ਼ ਆਫ਼ ਇੰਡੀਆ ਬਾਰੇ ਜਾਣਕਾਰੀ ਦਿੱਤੀ ਅਤੇ ਇਸ ਦੇ ਨਾਲ ਹੀ ਫ਼ਿਲਮ ਦਾ ਪੋਸਟਰ ਵੀ ਲਾਂਚ ਕੀਤਾ ਮਿਸਟਰ ਵਾਓ ਨੇ ਇੰਟਰਵਿਊ ਦੌਰਾਨ ਦੱਸਿਆ ਕਿ ਜਲਦੀ ਹੀ ਉਹ ਇੱਕ ਬਾਲੀਵੁੱਡ ਪ੍ਰਾਜੈਕਟ ਕਰਨ ਜਾ ਰਹੇ ਹਨ।
ਜੋ ਕਿ ਬਾਲੀਵੁੱਡ ਫ਼ਿਲਮ ਗੈਂਗਜ਼ ਆਫ ਵਾਸੇਪੁਰ ਤੋਂ ਬਾਅਦ ਹੁਣ ਗੈਂਗਜ਼ ਆਫ਼ ਇੰਡੀਆ ਦੇ ਨਾਂਅ ਤੋਂ ਬਣਾਈ ਜਾ ਰਹੀ ਹੈ। ਇਹ ਫ਼ਿਲਮ ਇਸੇ ਸਾਲ ਰਿਲੀਜ਼ ਹੋਣ ਜਾ ਰਹੀ ਹੈ। ਇਸ ਫ਼ਿਲਮ ਨੂੰ ਹੇਮਾ-ਮਾਲਿਨੀ ਨੇ ਪ੍ਰੋਡਿਊਸ ਕੀਤਾ ਹੈ। ਇਸ ਫ਼ਿਲਮ ਦੀ ਕਹਾਣੀ ਅਮਰਿੰਦਰ ਗੋਰਾਇਆ ਵੱਲੋਂ ਲਿਖੀ ਗਈ ਹੈ।
ਹੋਰ ਪੜ੍ਹੋ: CAA ਅਤੇ NCR ਦੀ ਬਹਿਸ ਦੌਰਾਨ ਫ਼ਿਲਮ ਨਿਰਮਾਤਾ ਰੌਨੀ ਸੇਨ ਉੱਤੇ ਇੱਕ ਵਿਅਕਤੀ ਨੇ ਕੀਤਾ ਹਮਲਾ
ਇਸ ਦੇ ਨਾਲ ਹੀ ਮਿਸਤਰ ਵਾਓ ਨੇ ਕਿਹਾ ਕਿ ਆਪਣੇ ਇਸ ਪ੍ਰੋਜੈਕਟ ਨੂੰ ਲੈ ਕੇ ਉਹ ਕਾਫ਼ੀ ਜ਼ਿਆਦਾ ਉਤਸ਼ਾਹਤ ਹਨ। ਕਿਉਂਕਿ ਜਿਸ ਤਰੀਕੇ ਨਾਲ ਪਾਲੀਵੁੱਡ ਅਤੇ ਬਾਲੀਵੁੱਡ ਦੀਆਂ ਨਜ਼ਦੀਕੀਆਂ ਵੱਧ ਰਹੀਆਂ ਹਨ, ਉਹ ਕਾਫ਼ੀ ਮਾਣ ਵਾਲੀ ਗੱਲ ਹੈ।
