ਬਠਿੰਡਾ : ਬਠਿੰਡਾ ਦੇ ਪਰਸ ਰਾਮ ਨਗਰ ਵਿਖੇ ਸਾਬਕਾ ਐਮ.ਸੀ ਵਿਜੇ ਸ਼ਰਮਾ ਵੱਲੋਂ ਦਿੱਲੀ ਦੇ ਮੁੱਖ ਮੰਤਰੀ ਕੇਜਰੀਵਾਲ ਦਾ ਭੇਸ ਧਾਰਨ ਕਰ ਲੋਕਾਂ ਨੂੰ ਲੌਲੀਪੋਪ ਵੰਡੇ ਅਤੇ 300 ਯੂਨਿਟ ਤੱਕ ਬਿਜਲੀ ਮੁਆਫ਼ ਕਰਨ ਪਿੱਛੇ ਕੇਜਰੀਵਾਲ ਦੀ ਸਾਜ਼ਿਸ਼ ਦੱਸੀ। ਵਿਜੇ ਸ਼ਰਮਾ ਵੱਲੋਂ ਦੂਰਬੀਨ ਨਾਲ ਮੀਟਰ ਚੈੱਕ ਕੀਤੇ ਜਾ ਰਹੇ ਸੀ ਅਤੇ ਲੋਕਾਂ ਨੂੰ ਜਾਗਰੂਕ ਕੀਤਾ ਜਾ ਰਿਹਾ ਸੀ ਕਿ 301 ਯੂਨਿਟ ਹੁੰਦਾ ਹੈ ਤਾਂ ਕੇਜਰੀਵਾਲ ਪੂਰੇ ਪੈਸੇ ਵਸੂਲ ਕਰੇਗਾ।
ਵਿਜੇ ਸ਼ਰਮਾ ਨੇ ਕਿਹਾ ਕਿ ਭਗਵੰਤ ਮਾਨ ਪਊਆ ਪੀ ਕੇ ਜੋ ਬੋਲ ਦਿੰਦਾ ਹੈ , ਕੇਜਰੀਵਾਲ ਉਸ ਦੀ ਹੀ ਭਾਸ਼ਾ ਬੋਲਦਾ ਹੈ ਕਿ ਪੰਜਾਬ ਦੇ ਲੋਕ ਇੰਨੇ ਵੀ ਬੇਵਕੂਫ ਨਹੀਂ ਜੇ ਉਸ ਦੀ ਗੱਲ ਮੰਨਣਗੇ ਲੋਕਾਂ ਨੂੰ ਜਾਗਰੂਕ ਕਰਦੇ ਹੋਏ ਆਖਿਆ ਕਿ ਉਹ 5 ਹਜ਼ਾਰ ਵਿੱਚ ਇਕ ਬੰਦਾ ਆਪਣੇ ਮੀਟਰਾਂ ਦੀ ਰਾਖੀ ਲਈ ਬਿਠਾ ਦੇਣ ਤਾਂ ਕਿ 300 ਯੂਨਿਟਾਂ ਤੋਂ ਵੱਧ ਹੁੰਦਾ ਹੈ ਤੇ ਉਹ ਨਾਲ ਦੇ ਨਾਲ ਮੀਟਰ ਦੀ ਤਾਰ ਕੱਟ ਦੇਵੇ ਤਾਂ ਕਿ ਸਾਨੂੰ ਮੀਟਰ ਦੇ ਪੈਸੇ ਨਾ ਭਰਨੇ ਹਨ ਲੇਕਿਨ ਇਸ ਲਈ ਸਾਨੂੰ 5 ਹਜ਼ਾਰ ਰੁਪਏ ਤੇ ਇੱਕ ਮੁਲਾਜ਼ਮ ਰੱਖਣਾ ਪਵੇਗਾ ਤਾਂ ਕਿ ਤਿੱਨ ਸੌ ਇੱਕ ਯੂਨਿਟ ਨਾ ਹੋਵੇ ਨਹੀਂ ਤਾਂ ਕੇਜਰੀਵਾਲ ਸਰਕਾਰ ਪੂਰੇ ਪੈਸੇ ਵਸੂਲ ਕਰੇਗੀ
ਇਹ ਵੀ ਪੜ੍ਹੋ:ਵੇਖੋ : ਆਮ ਆਦਮੀ ਪਾਰਟੀ ਦੇ ਪ੍ਰਦਰਸ਼ਨ ਦੀਆਂ ਵੱਖ-ਵੱਖ ਤਸਵੀਰਾਂ
ਪ੍ਰਦਰਸ਼ਨਕਾਰੀ ਵਿਜੇ ਕੁਮਾਰ ਐਮ.ਸੀ ਨੇ ਕਿਹਾ ਕਿ ਪੰਜਾਬ ਦੇ ਲੋਕਾਂ ਨਾਲੋਂ ਵਾਅਦਾ ਕਰਨ ਤੋਂ ਪਹਿਲਾਂ ਅਰਵਿੰਦ ਕੇਜਰੀਵਾਲ ਨੂੰ ਦਿੱਲੀ ਵਿੱਚ ਲੋਕਾਂ ਦੀ ਸਾਰ ਲੈਣੀ ਚਾਹੀਦੀ ਹੈ ਉਨ੍ਹਾਂ ਦੇ 300 ਯੂਨਿਟ ਮਾਫ ਕੀਤੇ ਜਾਣੇ ਚਾਹੀਦੇ ਹਨ।
