'ਫਤਿਹਵੀਰ' ਦੀ ਮੌਤ ਤੋਂ ਬਾਅਦ ਵੀ ਨਹੀਂ ਜਾਗ ਰਿਹਾ ਪ੍ਰਸ਼ਾਸਨ

ਬਠਿੰਡਾ ਦੀ ਬਚਨ ਕਾਲੋਨੀ ਵਿੱਚ ਮੇਨ ਰੋਡ 'ਤੇ ਇੱਕ ਮਹੀਨੇ ਤੋਂ ਟੁੱਟਿਆ ਹੋਇਆ ਹੈ ਸੀਵਰੇਜ ਦਾ ਢੱਕਣ, ਪ੍ਰਸ਼ਾਸਨ ਨੇ ਨਹੀਂ ਲਈ ਸਾਰ।

ਬਠਿੰਡਾ : ਸ਼ਹਿਰ ਦੇ ਲਾਈਨ ਪਾਰ ਇਲਾਕੇ ਬਚਨ ਕਾਲੋਨੀ ਦੇ ਮੇਨ ਰੋਡ 'ਤੇ ਪਿਛਲੇ ਕੁੱਝ ਦਿਨਾਂ ਤੋਂ ਸੀਵਰੇਜ ਦਾ ਮੇਨ ਢੱਕਣ ਟੁੱਟਿਆ ਹੋਇਆ ਹੈ। ਬਠਿੰਡਾ ਵਿਖੇ ਟੁੱਟੇ ਸੀਵਰੇਜ ਦਾ ਢੱਕਣ ਹਾਦਸਿਆਂ ਨੂੰ ਸੱਦਾ ਦੇ ਰਿਹਾ ਹੈ।
ਬਚਨ ਕਾਲੋਨੀ ਵਾਸੀ ਆਸ਼ਾ ਦੇਵੀ ਨੇ ਦੱਸਿਆ ਕਿ ਪਿਛਲੇ ਇੱਕ ਮਹੀਨੇ ਤੋਂ ਉਹ ਟੁੱਟੇ ਹੋਏ ਢੱਕਣ ਨੂੰ ਵੇਖ ਰਹੇ ਹਨ। ਮੁਹੱਲਾ ਵਾਸੀਆਂ ਨੇ ਕਿਹਾ ਕਿ ਉਨ੍ਹਾਂ ਨੇ ਇਸ ਦੇ ਬਾਰੇ ਸ਼ਿਕਾਇਤ ਵੀ ਕੀਤੀ ਸੀ ਪਰ ਅਜੇ ਤਕ ਕਿਸੇ ਨੇ ਸੁੱਧ ਨਹੀਂ ਲਈ।

ਬੀਤੇ ਦਿਨ ਸੰਗਰੂਰ ਵਿੱਚ ਫ਼ਤਿਹਵੀਰ ਨਾਲ ਹੋਏ ਹਾਦਸੇ ਤੋਂ ਬਾਅਦ ਲੋਕਾਂ ਵਿੱਚ ਸਹਿਮ ਦਾ ਮਾਹੌਲ ਬਣਿਆ ਹੋਇਆ ਹੈ। ਇਸ ਕਰਕੇ ਮੁਹੱਲਾ ਵਾਸੀਆਂ ਦਾ ਕਹਿਣਾ ਹੈ ਕਿ ਜ਼ਿਲ੍ਹਾ ਪ੍ਰਸ਼ਾਸਨ ਜਲਦ ਤੋਂ ਜਲਦ ਮੇਨ ਰੋਡ 'ਤੇ ਟੁੱਟਾ ਹੋਇਆ ਢੱਕਣ ਠੀਕ ਕਰਵਾਏ ਤਾਂ ਕਿ ਹੋਰ ਕੋਈ ਨਵਾਂ ਹਾਦਸਾ ਨਾ ਵਾਪਰ ਸਕੇ।