ਅੰਮ੍ਰਿਤਸਰ: ਆਈਐਨਏ ਕਾਲੋਨੀ ਦੇ ਇੱਕ ਢਾਬੇ 'ਤੇ ਹਾਈ ਵੋਲਟੇਜ ਡਰਾਮਾ ਵੇਖਣ ਨੂੰ ਮਿਲਿਆ। ਇਹ ਡਰਾਮਾ ਉਥੇ ਆਈਆਂ ਔਰਤਾਂ ਵੱਲੋਂ ਕੀਤਾ ਗਿਆ। ਉਨ੍ਹਾਂ ਢਾਬੇ 'ਤੇ ਖਾਣਾ ਖਾਧਾ ਤੇ ਉਸ ਤੋਂ ਬਾਅਦ ਉਨ੍ਹਾਂ ਦੀ ਢਾਬੇ ਦੇ ਕਾਮਿਆਂ ਨਾਲ ਬਹਿਸ ਹੋ ਗਈ।
ਵੀਡੀਓ
ਔਰਤਾਂ ਨੇ ਆਪਣੇ ਨਾਲ ਆਏ ਬੰਦਿਆਂ ਨੂੰ ਉੱਥੇ ਬੁਲਾ ਲਿਆ, ਜਿਨ੍ਹਾਂ ਨੇ ਸ਼ਰਾਬ ਪੀਤੀ ਹੋਈ ਸੀ। ਸ਼ਰਾਬੀ ਵਿਅਕਤੀਆਂ ਨੇ ਢਾਬੇ ਦੀ ਮਾਲਕਨ ਤੇ ਉਸ ਦੇ ਬੇਟੇ ਨਾਲ ਕੁੱਟਮਾਰ ਕੀਤੀ। ਇਹ ਸਾਰੀ ਘਟਨਾ ਉਥੇ ਲੱਗੇ ਸੀਸੀਟੀਵੀ ਕੈਮਰੇ ਵਿੱਚ ਕੈਦ ਹੋ ਗਈ।
ਪੁਲਿਸ ਨੇ ਵੀ ਮੌਕੇ 'ਤੇ ਪਹੁੰਚ ਕੇ ਜਾਂਚ ਸ਼ੁਰੂ ਕਰ ਦਿੱਤੀ। ਢਾਬੇ ਦੇ ਮਾਲਿਕ ਦੇ ਬੇਟੇ ਅਭਿਸ਼ੇਕ ਨੇ ਦੱਸਿਆ, "ਕੁੱਝ ਔਰਤਾਂ ਦੀ ਢਾਬੇ ਦੇ ਕਾਮਿਆਂ ਨਾਲ ਬਹਿਸ ਹੋ ਗਈ ਜਿਸ ਤੋਂ ਬਾਅਦ ਉਨ੍ਹਾਂ ਉਥੇ ਆਪਣੇ ਸਾਥੀ ਵੀ ਸੱਦ ਲਏ। ਉਨ੍ਹਾਂ ਢਾਬੇ 'ਤੇ ਲਗੇ ਮੁਲਾਜਮ ਨਾਲ ਝਗੜਾ ਕਰਨਾ ਸ਼ੁਰੂ ਕਰ ਦਿੱਤਾ। ਜਦੋਂ ਅਸੀਂ ਉਨ੍ਹਾਂ ਰੋਕਣ ਲੱਗੇ ਤੇ ਉਹ ਸਾਡੇ ਨਾਲ ਲੜਨ ਲੱਗ ਪਏ। ਫਿਰ ਪੁਲਿਸ ਨੂੰ ਮੌਕੇ 'ਤੇ ਬੁਲਾਇਆ ਗਿਆ।"
