ਜਲੰਧਰ: ਜਪਾਨ 'ਚ ਹੋ ਰਹੀਆਂ ਟੋਕਿਓ ਓਲੰਪਿਕ ਖੇਡਾਂ 'ਚ ਭਾਰਤੀ ਹਾਕੀ ਟੀਮ ਨੇ ਆਪਣਾ ਪਹਿਲੇ ਮੈਚ 'ਚ ਜਿੱਤ ਹਾਸਲ ਕਰਕੇ ਜੇਤੂ ਰੱਥ ਤੌਰ ਲਿਆ ਹੈ। ਓਲੰਪਿਕ ਖੇਡਣ ਗਈ ਭਾਰਤੀ ਹਾਕੀ ਟੀਮ ਦੇ ਅਠਾਰਾਂ ਖਿਡਾਰੀਆਂ ਵਿੱਚੋਂ ਜੋ ਅੱਧੇ ਖਿਡਾਰੀ ਪੰਜਾਬ ਨਾਲ ਸਬੰਧ ਰੱਖਦੇ ਹਨ। ਇੰਨ੍ਹਾਂ ਖਿਡਾਰੀਆਂ 'ਚ ਜਲੰਧਰ ਜ਼ਿਲ੍ਹੇ ਤੋਂ ਚਾਰ ਖਿਡਾਰੀ ਭਾਰਤੀ ਹਾਕੀ ਟੀਮ 'ਚ ਆਪਣਾ ਹੁਨਰ ਦਿਖਾ ਰਹੇ ਹਨ।
ਗਰੀਬੀ 'ਚੋਂ ਨਿਕਲ ਬਣਿਆ ਓਲੰਪੀਅਨ
ਹਾਕੀ ਖਿਡਾਰੀਆਂ 'ਚ ਇੱਕ ਨਾਮ ਵਰੁਣ ਕੁਮਾਰ ਦਾ ਵੀ ਸ਼ਾਮਲ ਹੈ। ਵਰੁਣ ਕੁਮਾਰ ਜਲੰਧਰ ਦੇ ਮਿੱਠਾਪੁਰ ਦਾ ਰਹਿਣ ਵਾਲਾ ਹੈ ਅਤੇ ਟੀਮ 'ਚ ਡਰੈਗ ਫਲਿਕਰ ਵਜੋਂ ਆਪਣੀ ਭੂਮਿਕਾ ਅਦਾ ਕਰਦਾ ਹੈ। ਵਰੁਣ ਕੁਮਾਰ ਵਲੋਂ ਆਪਣੀ ਖੇਡ ਹਾਕੀ ਦੀ ਸ਼ੁਰੂਆਤ ਬੇਹੱਦ ਗਰੀਬੀ ਵਿਚੋਂ ਕੀਤੀ ਗਈ ਸੀ ਅਤੇ ਆਪਣੀ ਮਿਹਨਤ ਤੇ ਜਜ਼ਬੇ ਕਾਰਨ ਉਹ ਅੱਜ ਓਲੰਪੀਅਨ ਖੇਡਾਂ 'ਚ ਭਾਗ ਲੈ ਰਿਹਾ ਹੈ।
ਪਰਿਵਾਰ ਦੀ ਆਮਦਨ ਸੀ ਘੱਟ
ਵਰੁਣ ਦੇ ਪਿਤਾ ਬ੍ਰਹਮਾਨੰਦ ਦਾ ਕਹਿਣਾ ਕਿ ਉਨ੍ਹਾਂ ਦੇ ਪੁੱਤਰ ਵਰੁਣ ਦਾ ਜਨਮ 27 ਜੁਲਾਈ 1995 ਨੂੰ ਜਲੰਦਰ ਦੇ ਮਿੱਠਾਪੁਰ ਹੋਇਆ ਸੀ। ਉਨ੍ਹਾਂ ਦੱਸਿਆ ਕਿ ਉਹ ਪ੍ਰਾਈਵੇਟ ਨੌਕਰੀ ਕਰਦੇ ਸੀ, ਜਿਸ ਕਾਰਨ ਉਨ੍ਹਾਂ ਦੀ ਆਰਥਿਕ ਹਾਲਤ ਠੀਕ ਨਹੀਂ ਸੀ। ਉਨ੍ਹਾਂ ਦੱਸਿਆ ਕਿ ਆਮਦਨ ਘੱਟ ਹੋਣ ਕਾਰਨ ਉਨ੍ਹਾਂ 'ਚ ਹਿੰਮਤ ਨਹੀਂ ਸੀ ਕਿ ਉਹ ਆਪਣੇ ਪੁੱਤਰਾਂ ਦਾ ਹਾਕੀ ਖੇਡਣ 'ਚ ਖਰਚ ਚੁੱਕ ਸਕਣ।
ਮਿਹਨਤ ਅਤੇ ਦੋਸਤਾਂ ਦੀ ਮਦਦ ਲਿਆਈ ਰੰਗ
ਵਰੁਣ ਦੇ ਪਿਤਾ ਨੇ ਦੱਸਿਆ ਕਿ ਉਨ੍ਹਾਂ ਦੇ ਦੋਵੇਂ ਪੁੱਤਰ ਮਿੱਠਾਪੁਰ ਖੇਡ ਗਰਾਊਂਡ 'ਚ ਹਾਕੀ ਖੇਡਦੇ ਸੀ। ਉਨ੍ਹਾਂ ਦੱਸਿਆ ਕਿ ਵਰੁਣ ਦੀ ਮਿਹਨਤ ਸਦਕਾ ਉਸ ਨੇ ਇਹ ਮੁਕਾਮ ਹਾਸਲ ਕੀਤਾ ਹੈ। ਉਨ੍ਹਾਂ ਦੱਸਿਆ ਕਿ ਵਰੁਣ ਦੇ ਦੋਸਤਾਂ ਵਲੋਂ ਵੀ ਸਮੇਂ-ਸਮੇਂ 'ਤੇ ਉਸਦੀ ਬਹੁਤ ਮਦਦ ਕੀਤੀ ਗਈ।
ਦੋਵੇਂ ਭਰਾਵਾਂ ਨੇ ਖੇਡ ਰੱਖੀ ਜਾਰੀ
ਇਸ ਸਬੰਧੀ ਵਰੁਣ ਦੇ ਪਿਤਾ ਨੇ ਦੱਸਿਆ ਕਿ ਉਨ੍ਹਾਂ ਦੇ ਦੋਵੇਂ ਪੁੱਤਰਾਂ ਨੇ ਆਪਣੀ ਖੇਡ ਜਾਰੀ ਰੱਖੀ। ਉਨ੍ਹਾਂ ਦੱਸਿਆ ਕਿ ਵੱਡਾ ਪੁੱਤਰ ਤਰੁਣ ਹਾਕੀ ਖੇਡਦਾ ਸੀ, ਜਿਸ ਨੂੰ ਫੌਜ 'ਚ ਨੋਕਰੀ ਮਿਲ ਗਈ ਸੀ। ਉਨ੍ਹਾਂ ਦੱਸਿਆ ਕਿ ਵਰੁਣ ਨੇ ਆਪਣੀ ਖੇਡ ਪਿੰਡ 'ਚ ਜਾਰੀ ਰੱਖੀ ਅਤੇ ਜੂਨੀਅਰ ਹਾਕੀ ਖੇਡਦਿਆਂ ਉਹ ਅੱਜ ਭਾਰਤੀ ਹਾਕੀ ਟੀਮ ਦਾ ਖਿਡਾਰੀ ਹੈ ਨੇ ਨਾਲ ਹੀ ਓਲੰਪੀਨ ਖੇਡਾਂ 'ਚ ਦੇਸ਼ ਲਈ ਖੇਡ ਰਿਹਾ ਹੈ। ਉਨ੍ਹਾਂ ਦੱਸਿਆ ਕਿ ਵਰੁਣ ਦੀ ਮਿਹਨਤ ਨੇ ਹੀ ਉਸਦਾ ਫਰਸ਼ਾਂ ਤੋਂ ਅਰਸ਼ਾਂ ਤੱਕ ਦਾ ਸਫ਼ਰ ਤੈਅ ਕੀਤਾ ਹੈ।
ਇਹ ਵੀ ਪੜ੍ਹੋ:Tokyo Olympics, Day 3: ਪੀਵੀ ਸਿੰਧੁ ਨੇ ਜਿੱਤ ਨਾਲ ਕੀਤੀ ਸ਼ੁਰਆਤ
ਭਰਾ ਲਈ ਮਾਣ ਵਾਲੀ ਗੱਲ
ਓਲੰਪੀਅਨ ਵਰੁਣ ਦੇ ਭਰਾ ਤਰੁਣ ਕੁਮਾਰ ਦਾ ਕਹਿਣਾ ਕਿ ਉਸ ਲਈ ਮਾਣ ਵਾਲੀ ਗੱਲ ਹੈ ਕਿ ਉਦਾ ਛੋਟਾ ਭਰਾ ਜੋ ਕਦੇ ਉਸਦੇ ਨਾਲ ਹਾਕੀ ਖੇਡਦਾ ਸੀ ਅੱਜ ਦੇਸ਼ ਲਈ ਖੇਡ ਰਿਹਾ ਹੈ। ਉੁਨ੍ਹਾਂ ਦੱਸਿਆ ਕਿ ਦੋਵਾਂ ਨੇ ਇਕੱਠੇ ਹੀ ਮਿੱਠਾਪੁਰ ਖੇਡ ਗਰਾਊਂਡ ਤੋਂ ਹੀ ਹਾਕੀ ਦਾ ਸਫ਼ਰ ਸ਼ੁਰੂ ਕੀਤਾ ਸੀ।
ਹਾਕੀ ਕਪਤਾਨ ਮਨਪ੍ਰੀਤ ਨੇ ਕੀਤਾ ਪ੍ਰੇਰਿਤ
ਇਸ ਸਬੰਧੀ ਤਰੁਣ ਕੁਮਾਰ ਨੇ ਦੱਸਿਆ ਕਿ ਜਦੋਂ ਉਹ ਦੋਵੇਂ ਭਰਾ ਹਾਕੀ ਖੇਡਣ ਜਾਂਦੇ ਸੀ ਤਾਂ ਉਥੇ ਮੌਜੂਦਾ ਹਾਕੀ ਕਪਤਾਨ ਮਨਪ੍ਰੀਤ ਸਿੰਘ ਨਾਲ ਉਨ੍ਹਾਂ ਦੀ ਮੁਲਾਕਾਤ ਹੋਈ। ਉਨ੍ਹਾਂ ਦੱਸਿਆ ਕਿ ਮਨਪ੍ਰੀਤ ਸਿੰਘ ਵਲੋਂ ਹੀ ਉਨ੍ਹਾਂ ਨੂੰ ਹਾਕੀ ਖੇਡਣ ਲਈ ਪ੍ਰੇਰਿਤ ਕੀਤਾ ਗਿਆ ਸੀ। ਉਨ੍ਹਾਂ ਕਿਹਾ ਕਿ ਮਨਪ੍ਰੀਤ ਸਿੰਘ ਦੀ ਪ੍ਰੇਰਣਾ ਸਦਕਾ ਹੀ ਅੱਜ ਉਹ ਇਸ ਮੁਕਾਮ 'ਤੇ ਪਹੁੰਚੇ ਹਨ।
ਇਹ ਵੀ ਪੜ੍ਹੋ:ਵਿਸ਼ਵ ਕੁਸ਼ਤੀ ਚੈਂਪੀਅਨਸ਼ਿਪ: ਭਾਰਤ ਦੀ ਪ੍ਰਿਆ ਮਲਿਕ ਨੇ ਜਿੱਤਿਆ ਗੋਲਡ ਮੈਡਲ
ਮਿੱਠਾਪੁਰ ਗਰਾਊਂਡ ਦੇ ਤਿੰਨ ਖਿਡਾਰੀ
ਓਲੰਪੀਅਨ ਵਰੁਣ ਦੇ ਭਰਾ ਤਰੁਣ ਕੁਮਾਰ ਨੇ ਦੱਸਿਆ ਕਿ ਬੜੀ ਮਾਣ ਵਾਲੀ ਗੱਲ ਹੈ ਕਿ ਜਿਸ ਗਰਾਊਂਡ 'ਚ ਉਹ ਤਿਆਰੀ ਕਰਦੇ ਸਨ, ਉਸ ਗਰਾਊਂਡ 'ਚ ਹੋਰ ਵੀ ਨੌਜਵਾਨ ਤਿਆਰੀ ਕਰਦੇ ਸੀ। ਉਨ੍ਹਾਂ ਦੱਸਿਆ ਕਿ ਇਸ ਖੇਡ ਗਰਾਊਂਡ ਦੇ ਤਿੰਨ ਖਿਡਾਰੀ ਭਾਰਤੀ ਟੀਮ 'ਚ ਓਲੰਪੀਅਨ ਖੇਡ ਰਹੇ ਹਨ, ਜੋ ਉਨ੍ਹਾਂ ਲਈ ਬਹੁਤ ਵੱਡੇ ਮਾਣ ਦੀ ਗੱਲ ਹੈ।
ਇਹ ਵੀ ਪੜ੍ਹੋ:Tokyo Olympics: ਤਗਮਾ ਜੇਤੂ ਮੀਰਾਬਾਈ ਅਤੇ ਉਸਦੇ ਪੰਜਾਬੀ ਕੋਚ ਨੂੰ ਕੈਪਟਨ ਵਲੋਂ ਵਧਾਈ
