ਨਵੀਂ ਦਿੱਲੀ: ਰਿੰਕੂ ਸਿੰਘ ਇਨ੍ਹੀਂ ਦਿਨੀਂ ਆਪਣੀ ਤੂਫਾਨੀ ਬੱਲੇਬਾਜ਼ੀ ਨੂੰ ਲੈ ਕੇ ਕਾਫੀ ਸੁਰਖੀਆਂ ਬਟੋਰ ਰਹੇ ਹਨ। ਰਿੰਕੂ ਦੀ ਧਮਾਕੇਦਾਰ ਬੱਲੇਬਾਜ਼ੀ ਦੀ ਹਰ ਪਾਸੇ ਚਰਚਾ ਹੋ ਰਹੀ ਹੈ। ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਖੱਬੇ ਹੱਥ ਦੇ ਬੱਲੇਬਾਜ਼ ਯੁਵਰਾਜ ਸਿੰਘ ਨੇ ਰਿੰਕੂ ਸਿੰਘ ਨੂੰ ਲੈ ਕੇ ਵੱਡਾ ਬਿਆਨ ਦਿੱਤਾ ਹੈ। ਯੁਵਰਾਜ ਨੇ ਰਿੰਕੂ ਸਿੰਘ ਨੂੰ ਭਾਰਤੀ ਟੀਮ ਦਾ ਭਵਿੱਖ ਦਾ ਸਟਾਰ ਕਿਹਾ ਹੈ। ਉਨ੍ਹਾਂ ਨੇ ਇੱਕ ਪ੍ਰੋਗਰਾਮ ਦੌਰਾਨ ਰਿੰਕੂ ਸਿੰਘ ਬਾਰੇ ਗੱਲਬਾਤ ਕੀਤੀ ਹੈ। ਰਿੰਕੂ ਨੇ ਹਾਲ ਹੀ 'ਚ ਟੀਮ ਇੰਡੀਆ ਲਈ ਖੇਡਣਾ ਸ਼ੁਰੂ ਕੀਤਾ ਹੈ। ਜਦੋਂ ਤੋਂ ਉਹ ਟੀਮ ਵਿਚ ਸ਼ਾਮਲ ਹੋਇਆ ਹੈ, ਉਸ ਨੇ 5 ਅਤੇ 6 ਨੰਬਰ 'ਤੇ ਫਿਨਸ਼ਰ ਦਾ ਪਾੜਾ ਭਰਿਆ ਹੈ। ਉਹ ਟੀਮ ਲਈ ਆਉਂਦੇ ਹੀ ਵੱਡੇ ਸ਼ਾਟ ਖੇਡਣ ਦੀ ਸਮਰੱਥਾ ਰੱਖਦਾ ਹੈ।
ਯੁਵਰਾਜ ਨੇ ਕੀਤੀ ਰਿੰਕੂ ਸਿੰਘ ਦੀ ਤਾਰੀਫ: ਰਿੰਕੂ ਬਾਰੇ ਗੱਲ ਕਰਦੇ ਹੋਏ ਯੁਵਰਾਜ ਸਿੰਘ ਨੇ ਕਿਹਾ, 'ਉਹ ਸ਼ਾਇਦ ਮੌਜੂਦਾ ਸਮੇਂ ਵਿੱਚ ਟੀਮ ਇੰਡੀਆ ਵਿੱਚ ਸਭ ਤੋਂ ਵਧੀਆ ਖੱਬੇ ਹੱਥ ਦਾ ਬੱਲੇਬਾਜ਼ ਹੈ। ਇੱਕ ਖਿਡਾਰੀ ਹੋਣ ਦੇ ਨਾਤੇ, ਉਹ ਜਾਣਦਾ ਹੈ ਕਿ ਕਦੋਂ ਕੀ ਕਰਨਾ ਹੈ। ਰਿੰਕੂ ਮੈਨੂੰ ਯਾਦ ਕਰਾਉਂਦਾ ਹੈ। ਉਹ ਜਾਣਦਾ ਹੈ ਕਿ ਕਦੋਂ ਗੇਂਦਬਾਜ਼ਾਂ 'ਤੇ ਹਮਲਾ ਕਰਨਾ ਹੈ ਅਤੇ ਕਦੋਂ ਸਟ੍ਰਾਈਕ ਰੋਟੇਟ ਕਰਨਾ ਹੈ। ਉਹ ਦਬਾਅ ਵਿੱਚ ਬਹੁਤ ਆਤਮਵਿਸ਼ਵਾਸ ਅਤੇ ਚਤੁਰਾਈ ਨਾਲ ਬੱਲੇਬਾਜ਼ੀ ਕਰਦਾ ਹੈ।
ਰਿੰਕੂ ਦੀ ਖੇਡ ਦਾ ਵੇਰਵਾ: ਰਿੰਕੂ ਸਿੰਘ ਨੇ ਭਾਰਤ ਲਈ 13 ਟੀ-20 ਮੈਚਾਂ ਦੀਆਂ 9 ਪਾਰੀਆਂ 'ਚ 1 ਅਰਧ ਸੈਂਕੜੇ ਦੀ ਮਦਦ ਨਾਲ 278 ਦੌੜਾਂ ਬਣਾਈਆਂ ਹਨ। ਟੀ-20 'ਚ ਰਿੰਕੂ ਦੇ ਨਾਂ 28 ਚੌਕੇ ਅਤੇ 14 ਛੱਕੇ ਸ਼ਾਮਲ ਹਨ। ਟੀ-20 'ਚ ਉਸ ਦਾ ਸਰਵੋਤਮ ਸਕੋਰ ਨਾਬਾਦ 68 ਦੌੜਾਂ ਹੈ। ਇਸ ਤੋਂ ਇਲਾਵਾ ਰਿੰਕੂ ਨੇ ਭਾਰਤ ਲਈ 2 ਵਨਡੇ ਮੈਚ ਵੀ ਖੇਡੇ ਹਨ, ਜਿਸ 'ਚ ਉਸ ਨੇ 5 ਚੌਕਿਆਂ ਅਤੇ 3 ਛੱਕਿਆਂ ਦੀ ਮਦਦ ਨਾਲ ਕੁੱਲ 55 ਦੌੜਾਂ ਬਣਾਈਆਂ। ਉਸ ਦਾ ਸਰਵੋਤਮ ਵਨਡੇ ਸਕੋਰ 38 ਦੌੜਾਂ ਹੈ।
- ਇੰਦੌਰ 'ਚ ਟੀਮ ਇੰਡੀਆ ਦਾ ਚੱਲਦਾ ਹੈ ਰਾਜ, ਜਾਣੋ ਹੋਲਕਰ ਸਟੇਡੀਅਮ ਦੀ ਪਿੱਚ ਰਿਪੋਰਟ ਅਤੇ ਅੰਕੜੇ
- ਅਫਗਾਨਿਸਤਾਨ ਤੋਂ ਸੀਰੀਜ਼ ਜਿੱਤਣ ਲਈ ਉਤਰੇਗਾ ਭਾਰਤ, ਜਾਣੋ ਪਿਚ ਅਤੇ ਮੌਸਮ ਦੇ ਨਾਲ ਪਲੇਇੰਗ 11 ਦਾ ਹਾਲ
- ਟੀਮ ਇੰਡੀਆ ਨੂੰ ਆਉਣ ਵਾਲੀਆਂ ਚੁਣੌਤੀਆਂ ਲਈ ਤਿਆਰ ਕਰਨ ਲਈ 'ਮੈਂਟਰ' ਬਣਨਾ ਚਾਹੁੰਦੇ ਨੇ ਯੁਵਰਾਜ
ਸਾਬਕਾ ਭਾਰਤੀ ਬੱਲੇਬਾਜ਼ ਯੁਵਰਾਜ ਸਿੰਘ ਨੇ ਅੱਗੇ ਕਿਹਾ, ਕਿ "ਮੈਂ ਉਸ 'ਤੇ ਜ਼ਿਆਦਾ ਦਬਾਅ ਨਹੀਂ ਪਾਉਣਾ ਚਾਹੁੰਦਾ, ਪਰ ਮੇਰਾ ਮੰਨਣਾ ਹੈ ਕਿ ਰਿੰਕੂ ਸਿੰਘ ਕੋਲ ਉਹ ਸਾਰੇ ਹੁਨਰ ਹਨ ਜੋ ਮੇਰੇ ਕੋਲ ਸਨ। ਉਹ ਪੰਜ ਜਾਂ ਛੇਵੇਂ ਨੰਬਰ 'ਤੇ ਫਿਨਿਸ਼ਰ ਦੀ ਭੂਮਿਕਾ ਚੰਗੀ ਤਰ੍ਹਾਂ ਨਿਭਾ ਸਕਦਾ ਹੈ। ਦੱਖਣੀ ਅਫਰੀਕਾ ਦੌਰੇ 'ਤੇ ਰਿੰਕੂ ਦਾ ਪ੍ਰਦਰਸ਼ਨ ਕਾਫੀ ਸ਼ਾਨਦਾਰ ਰਿਹਾ। ਰਿੰਕੂ ਨੇ ਦੋ ਟੀ-20 ਮੈਚਾਂ 'ਚ 167 ਦੀ ਸਟ੍ਰਾਈਕ ਰੇਟ ਨਾਲ 82 ਦੌੜਾਂ ਬਣਾਈਆਂ ਸਨ। ਇਸ ਦੇ ਨਾਲ ਹੀ ਵਨਡੇ ਸੀਰੀਜ਼ 'ਚ ਵੀ ਉਸ ਨੇ ਆਖਰੀ ਓਵਰਾਂ 'ਚ ਸ਼ਾਨਦਾਰ ਬੱਲੇਬਾਜ਼ੀ ਕੀਤੀ।
