ਨਵੀਂ ਦਿੱਲੀ: ਮਹਿਲਾ ਪ੍ਰੀਮੀਅਰ ਲੀਗ 2023 ਦਾ ਸੀਜ਼ਨ-1 ਸ਼ਨੀਵਾਰ 4 ਮਾਰਚ ਤੋਂ ਸ਼ੁਰੂ ਹੋਣ ਜਾ ਰਿਹਾ ਹੈ। ਇਸ ਟੂਰਨਾਮੈਂਟ ਦਾ ਪਹਿਲਾ ਮੈਚ ਗੁਜਰਾਤ ਟਾਈਟਨਸ ਅਤੇ ਮੁੰਬਈ ਇੰਡੀਅਨਜ਼ ਦੀ ਮਹਿਲਾ ਟੀਮ ਵਿਚਾਲੇ ਹੋਵੇਗਾ। WPL ਦਾ ਪਹਿਲਾ ਮੈਚ ਮੁੰਬਈ ਦੇ ਡੀਵਾਈ ਪਾਟਿਲ ਕ੍ਰਿਕਟ ਸਟੇਡੀਅਮ 'ਚ ਹੋਵੇਗਾ। ਇਸ ਨੂੰ ਲੈ ਕੇ ਲੋਕ ਕਾਫੀ ਉਤਸ਼ਾਹਿਤ ਹਨ। WPL ਮਹਿਲਾ ਖਿਡਾਰੀਆਂ ਲਈ ਇੱਕ ਵੱਡਾ ਪਲੇਟਫਾਰਮ ਹੈ।
ਇਸ ਕਾਰਨ ਲੋਕ ਹੁਣ ਇਸ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਅਸੀਂ ਤੁਹਾਨੂੰ ਦੱਸਾਂਗੇ ਕਿ WPL ਮੈਚਾਂ ਲਈ ਟਿਕਟਾਂ ਆਨਲਾਈਨ ਕਿਵੇਂ ਬੁੱਕ ਕੀਤੀਆਂ ਜਾਂਦੀਆਂ ਹਨ ਅਤੇ ਇਨ੍ਹਾਂ ਟਿਕਟਾਂ ਦੀ ਕੀਮਤ ਕੀ ਹੋਵੇਗੀ। ਇਹ ਜਾਣਨ ਲਈ ਪੂਰੀ ਖ਼ਬਰ ਪੜ੍ਹੋ ਕਿ ਤੁਸੀਂ WPL ਮੈਚਾਂ ਲਈ ਆਨਲਾਈਨ ਟਿਕਟਾਂ ਕਿਵੇਂ ਅਤੇ ਕਿੰਨੇ ਪੈਸੇ ਨਾਲ ਖਰੀਦ ਸਕਦੇ ਹੋ।
ਬੁੱਕ ਮਾਈ ਸ਼ੋਅ ਐਪ ਰਾਹੀਂ ਆਨਲਾਈਨ ਕਰ ਸਕਦੇ ਹੋ ਟਿਕਟਾਂ ਬੁੱਕ : ਬੀਸੀਸੀਆਈ ਨੇ WPL 2023 ਦੇ ਪਹਿਲੇ ਸੀਜ਼ਨ ਲਈ ਸ਼ੈਡਿਊਲ ਦਾ ਪਹਿਲਾਂ ਹੀ ਐਲਾਨ ਕਰ ਦਿੱਤਾ ਸੀ। ਹੁਣ ਬੋਰਡ ਨੇ WPL ਮੈਚਾਂ ਦੀਆਂ ਟਿਕਟਾਂ ਦੀ ਵਿਕਰੀ ਨੂੰ ਲੈ ਕੇ ਇੱਕ ਅਪਡੇਟ ਦਿੱਤੀ ਹੈ। ਇਸ ਸੀਜ਼ਨ ਲਈ ਆਫਲਾਈਨ ਟਿਕਟਾਂ ਬਾਰੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ। ਪਰ ਇਸ ਟੂਰਨਾਮੈਂਟ ਲਈ ਆਨਲਾਈਨ ਟਿਕਟਾਂ ਦੀ ਵਿਕਰੀ ਸ਼ੁਰੂ ਕਰ ਦਿੱਤੀ ਗਈ ਹੈ। ਬੋਰਡ ਵੱਲੋਂ ਦੱਸਿਆ ਗਿਆ ਹੈ ਕਿ ਇਸ ਦੇ ਲਈ ਤੁਸੀਂ ਬੁੱਕ ਮਾਈ ਸ਼ੋਅ ਐਪ ਰਾਹੀਂ ਆਨਲਾਈਨ ਟਿਕਟਾਂ ਬੁੱਕ ਕਰ ਸਕਦੇ ਹੋ। ਇਸ ਐਪ ਨੂੰ WPL ਦੇ ਪਹਿਲੇ ਸੀਜ਼ਨ ਲਈ ਟਿਕਟਿੰਗ ਪਾਰਟਨਰ ਬਣਾਇਆ ਗਿਆ ਹੈ। ਇਸ ਲਈ ਤੁਸੀਂ ਇਸ ਐਪ ਦੀ ਵੈੱਬਸਾਈਟ 'ਤੇ ਜਾ ਕੇ ਜਾਣਕਾਰੀ ਪ੍ਰਾਪਤ ਕਰ ਸਕਦੇ ਹੋ।
ਇਹ ਵੀ ਪੜ੍ਹੋ : ICC Test Bowler Ranking: ਆਰ ਅਸ਼ਵਿਨ ਬਣੇ ਟੈਸਟ 'ਚ ਨੰਬਰ ਇੱਕ ਗੇਂਦਬਾਜ਼, ਇੰਗਲੈਂਡ ਦੇ ਐਂਡਰਸਨ ਨੂੰ ਪਛਾੜਿਆ
ਟਿਕਟਾਂ ਦੀ ਕੀਮਤ ਕਿੰਨੀ ਹੋਵੇਗੀ : ਡਬਲਯੂ.ਪੀ.ਐੱਲ ਮੈਚ ਦੇਖਣ ਦੀ ਟਿਕਟ ਫੀਸ ਪੁਰਸ਼ ਦਰਸ਼ਕਾਂ ਲਈ ਲਗਭਗ 100 ਜਾਂ 400 ਰੁਪਏ ਹੋ ਸਕਦੀ ਹੈ। ਪਰ ਔਰਤਾਂ ਲਈ ਇਸ ਦੇ ਬਿਲਕੁਲ ਉਲਟ ਹੈ। ਇਹ WPL ਦਾ ਪਹਿਲਾ ਸੀਜ਼ਨ ਹੈ। ਇਸ ਕਾਰਨ BCCI ਨੇ ਮਹਿਲਾ ਦਰਸ਼ਕਾਂ ਲਈ ਵੱਡਾ ਫੈਸਲਾ ਲਿਆ ਹੈ। WPL ਮੈਚਾਂ ਦੀਆਂ ਟਿਕਟਾਂ ਮੁੰਬਈ ਦੇ ਕਿਸੇ ਵੀ ਸਟੇਡੀਅਮ ਵਿੱਚ ਔਰਤਾਂ ਲਈ ਮੁਫ਼ਤ ਹੋਣਗੀਆਂ। ਇਸ ਦਾ ਮਤਲਬ ਹੈ ਕਿ ਸਟੇਡੀਅਮ 'ਚ ਡਬਲਯੂ.ਪੀ.ਐੱਲ ਮੈਚ ਦੇਖਣ ਲਈ ਔਰਤਾਂ ਦੀ ਐਂਟਰੀ ਮੁਫਤ ਹੋਵੇਗੀ।
ਇਹ ਵੀ ਪੜ੍ਹੋ : Matthew Hayden On Holkar Pitch: ਹੇਡਨ ਨੇ ਇੰਦੌਰ ਦੀ ਪਿੱਚ 'ਤੇ ਚੁੱਕੇ ਸਵਾਲ, ਕਿਹਾ- ਕ੍ਰਿਕਟ ਲਈ ਨਹੀਂ ਹੈ ਠੀਕ
ਜ਼ਿਕਰਯੋਗ ਹੈ ਕਿ ਬੀਸੀਸੀਆਈ ਨੇ WPL 2023 ਦੇ ਪਹਿਲੇ ਸੀਜ਼ਨ ਲਈ ਸ਼ੈਡਿਊਲ ਦਾ ਪਹਿਲਾਂ ਹੀ ਐਲਾਨ ਕਰ ਦਿੱਤਾ ਸੀ। ਹੁਣ ਬੋਰਡ ਨੇ WPL ਮੈਚਾਂ ਦੀਆਂ ਟਿਕਟਾਂ ਦੀ ਵਿਕਰੀ ਨੂੰ ਲੈ ਕੇ ਇੱਕ ਅਪਡੇਟ ਦਿੱਤੀ ਹੈ। ਇਸ ਸੀਜ਼ਨ ਲਈ ਆਫਲਾਈਨ ਟਿਕਟਾਂ ਬਾਰੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ।
