ਗਾਲੇ— ਆਸਟ੍ਰੇਲੀਆ ਦੇ ਟੈਸਟ ਕਪਤਾਨ ਪੈਟ ਕਮਿੰਸ ਦਾ ਮੰਨਣਾ ਹੈ ਕਿ ਗਾਲੇ 'ਚ ਦੂਜੇ ਟੈਸਟ 'ਚ ਸ਼੍ਰੀਲੰਕਾ ਖਿਲਾਫ ਉਨ੍ਹਾਂ ਦੀ ਟੀਮ ਦੀ ਪਾਰੀ ਅਤੇ 39 ਦੌੜਾਂ ਦੀ ਹਾਰ ਨੇ ਬਹੁਤ ਵੱਡਾ ਸਬਕ ਸਿਖਾਇਆ ਹੈ, ਇਸ ਨਾਲ ਅਗਲੇ ਸਾਲ ਭਾਰਤ ਖਿਲਾਫ਼ ਟੀਮ ਨੂੰ ਮਦਦ ਮਿਲੇਗੀ। ਆਸਟਰੇਲੀਆ 2023 ਵਿੱਚ ਭਾਰਤ ਦਾ ਦੌਰਾ ਕਰੇਗਾ, ਜਿੱਥੇ ਉਹ ਫਰਵਰੀ-ਮਾਰਚ ਵਿੱਚ ਬਾਰਡਰ-ਗਾਵਸਕਰ ਟਰਾਫੀ ਦੇ ਹਿੱਸੇ ਵਜੋਂ ਚਾਰ ਟੈਸਟ ਮੈਚ ਖੇਡੇਗਾ।
ਗਾਲੇ 'ਚ ਪਹਿਲੇ ਟੈਸਟ 'ਚ ਸ਼੍ਰੀਲੰਕਾ ਨੂੰ 10 ਵਿਕਟਾਂ ਨਾਲ ਹਰਾਉਣ ਤੋਂ ਬਾਅਦ ਕਮਿੰਸ ਦੀ ਟੀਮ ਨੂੰ ਦੂਜੇ ਟੈਸਟ 'ਚ ਕਰਾਰੀ ਹਾਰ ਦਾ ਸਾਹਮਣਾ ਕਰਨਾ ਪਿਆ, ਜਿਸ ਨਾਲ ਸੀਰੀਜ਼ 1-1 ਨਾਲ ਡਰਾਅ ਹੋ ਗਈ। ਕਮਿੰਸ ਦੀ 10 ਮੈਚਾਂ ਦੀ ਟੈਸਟ ਕਪਤਾਨੀ ਦੌਰਾਨ ਇਹ ਪਹਿਲੀ ਹਾਰ ਸੀ। ਸਿਡਨੀ ਮਾਰਨਿੰਗ ਹੇਰਾਲਡ ਵਿੱਚ ਕਮਿੰਸ ਦੇ ਹਵਾਲੇ ਨਾਲ ਕਿਹਾ ਗਿਆ ਹੈ, “ਅਸੀਂ ਸਿੱਖਿਆ ਹੈ ਕਿ ਇੱਥੇ (ਸ਼੍ਰੀਲੰਕਾ ਵਿੱਚ) ਸੀਰੀਜ਼ ਅਤੇ ਮੈਚ ਜਿੱਤਣਾ ਮੁਸ਼ਕਲ ਹੈ।
ਇਹ ਵੀ ਪੜ੍ਹੋ:- Commonwealth Games 2022: ਹਰਮਨਪ੍ਰੀਤ ਕੌਰ ਕਰੇਗੀ ਭਾਰਤੀ ਟੀਮ ਦੀ ਅਗਵਾਈ
ਉਸ ਨੇ ਕਿਹਾ, ਵੱਖ-ਵੱਖ ਹਾਲਾਤਾਂ 'ਚ ਘਰ ਤੋਂ ਬਾਹਰ ਖੇਡਣਾ ਮੁਸ਼ਕਲ ਹੈ, ਜਿਸ 'ਚ ਅਸੀਂ ਖੇਡ ਕੇ ਵੱਡੇ ਹੋਏ ਹਾਂ। ਇਹ ਜਿੱਤ ਤੋਂ ਬਾਅਦ ਸਿੱਖਣ ਲਈ ਜ਼ਿਆਦਾ ਹੈ। ਮੈਨੂੰ ਲੱਗਦਾ ਹੈ ਕਿ ਸਾਡੀ ਅੱਧੀ ਟੀਮ ਨੇ ਉਪ ਮਹਾਂਦੀਪ ਵਿੱਚ ਬਹੁਤੇ ਮੈਚ ਨਹੀਂ ਖੇਡੇ ਹਨ।
ਇਹ ਵੀ ਪੜ੍ਹੋ:- England vs India 1st ODI: ਹੁਣ ਭਾਰਤ ਅਤੇ ਇੰਗਲੈਂਡ ਵਿਚਾਲੇ ਵਨਡੇ ਦੀ ਵਾਰੀ, ਅੱਜ ਪਹਿਲਾ ਮੈਚ
ਕਮਿੰਸ ਨੇ ਅੱਗੇ ਕਿਹਾ, "ਇਨ੍ਹਾਂ 2 ਵੱਖ-ਵੱਖ ਵਿਕਟਾਂ ਦਾ ਤਜਰਬਾ ਮੈਨੂੰ ਲੱਗਦਾ ਹੈ ਕਿ ਅਗਲੇ ਸਾਲ ਭਾਰਤ ਵਿੱਚ ਬਿਹਤਰ ਪ੍ਰਦਰਸ਼ਨ ਕਰਨ ਵਿੱਚ ਸਾਡੀ ਮਦਦ ਕਰੇਗਾ।" ਕਮਿੰਸ ਨੇ ਕਿਹਾ ਕਿ ਸ਼੍ਰੀਲੰਕਾ ਸੀਰੀਜ਼ ਦੇ ਤਜ਼ਰਬਿਆਂ ਨੂੰ ਆਉਣ ਵਾਲੇ ਟੀ-20 ਵਿਸ਼ਵ ਕੱਪ, ਵੈਸਟਇੰਡੀਜ਼ ਅਤੇ ਦੱਖਣੀ ਅਫਰੀਕਾ ਖਿਲਾਫ ਘਰੇਲੂ ਟੈਸਟ ਸੀਰੀਜ਼ 'ਚ ਵੀ ਵਰਤਿਆ ਜਾਵੇਗਾ।
