ਲਖਨਊ: 28 ਸਾਲ ਬਾਅਦ ਇਕ ਵਾਰ ਫਿਰ ਤੋਂ ਲਖਨਊ ਦੇ ਮੈਦਾਨ 'ਤੇ ਮਾਸਟਰ ਬਲਾਸਟਰ ਬੱਲੇਬਾਜ਼ ਸਚਿਨ ਤੇਂਦੁਲਕਰ ਦੀ ਬੱਲੇਬਾਜ਼ੀ ਦੇਖਣ ਨੂੰ ਮਿਲੇਗੀ। ਲਖਨਊ 'ਚ ਸਚਿਨ ਨੇ 1994 'ਚ ਸ਼੍ਰੀਲੰਕਾ ਖਿਲਾਫ ਆਪਣੇ ਕਰੀਅਰ ਦਾ ਆਖਰੀ ਟੈਸਟ ਮੈਚ ਖੇਡਿਆ ਸੀ। ਇਸ ਵਿੱਚ ਸਚਿਨ ਤੇਂਦੁਲਕਰ ਅਤੇ ਨਵਜੋਤ ਸਿੰਘ ਸਿੱਧੂ ਨੇ ਸੈਂਕੜੇ ਜੜੇ। ਇਸ ਵਾਰ ਸਚਿਨ ਰੋਡ ਸੇਫਟੀ ਵਰਲਡ ਸੀਰੀਜ਼ ਮੁਕਾਬਲੇ 'ਚ ਸੇਵਾਮੁਕਤ ਭਾਰਤੀ ਖਿਡਾਰੀਆਂ ਦੇ ਕਪਤਾਨ ਦੇ ਰੂਪ 'ਚ ਖੇਡਣ ਲਈ ਲਖਨਊ ਆ ਰਹੇ ਹਨ।
ਇਸ ਮੁਕਾਬਲੇ ਦੇ ਪਲੇਆਫ ਫਾਈਨਲ ਅਤੇ ਲੀਗ ਦੇ ਕੁਝ ਮੈਚ ਲਖਨਊ ਦੇ ਅਟਲ ਬਿਹਾਰੀ ਵਾਜਪਾਈ ਸਟੇਡੀਅਮ ਵਿੱਚ ਖੇਡੇ ਜਾਣਗੇ। ਇਹ ਮੁਕਾਬਲਾ ਜੂਨ ਵਿੱਚ ਹੋਵੇਗਾ। ਇਸ ਦੀਆਂ ਤਿਆਰੀਆਂ ਸ਼ੁਰੂ ਕਰ ਦਿੱਤੀਆਂ ਗਈਆਂ ਹਨ। ਸਚਿਨ ਤੇਂਦੁਲਕਰ, ਵਰਿੰਦਰ ਸਹਿਵਾਗ, ਯੁਵਰਾਜ ਸਿੰਘ, ਦਿਨੇਸ਼ ਕਾਰਤਿਕ, ਬ੍ਰਾਇਨ ਲਾਰਾ ਅਤੇ ਮੈਥਿਊ ਹੇਡਨ ਤੋਂ ਇਲਾਵਾ ਦੁਨੀਆ ਦੇ ਕਈ ਦੇਸ਼ਾਂ ਦੇ ਦਿੱਗਜ ਸਾਬਕਾ ਕ੍ਰਿਕਟਰਾਂ ਨੇ ਸ਼ਿਰਕਤ ਕੀਤੀ।
ਇਹ ਸਾਰੇ ਕ੍ਰਿਕਟਰ ਇਕ ਵਾਰ ਫਿਰ ਤੋਂ ਆਪਣਾ ਜਲਵਾ ਦਿਖਾਉਣ ਲਈ ਸ਼ਹਿਰ ਆ ਰਹੇ ਹਨ। ਰੋਡ ਸੇਫਟੀ ਵਰਲਡ ਟੀ-20 ਸੀਰੀਜ਼ ਦੇ ਮੈਚ 4 ਜੂਨ ਤੋਂ ਲਖਨਊ 'ਚ ਖੇਡੇ ਜਾਣਗੇ। ਏਕਾਨਾ ਸਟੇਡੀਅਮ ਵਿੱਚ ਕੁੱਲ ਸੱਤ ਮੈਚ ਖੇਡੇ ਜਾਣਗੇ। ਫਾਈਨਲ 3 ਜੁਲਾਈ ਨੂੰ ਹੋਵੇਗਾ।
ਇਹ ਵੀ ਪੜ੍ਹੋ:- ਜੋ ਰੂਟ ਨੇ ਇੰਗਲੈਂਡ ਟੈਸਟ ਦੀ ਛੱਡੀ ਕਪਤਾਨੀ
ਕੁਝ ਮੈਚ ਹੈਦਰਾਬਾਦ ਅਤੇ ਵਿਸ਼ਾਖਾਪਟਨਮ ਵਿੱਚ ਵੀ ਹੋਣਗੇ। ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਅਤੇ ਅੰਤਰਰਾਸ਼ਟਰੀ ਕ੍ਰਿਕਟ ਪਰਿਸ਼ਦ (ICC) ਨੇ ਇਸ ਮੁਕਾਬਲੇ ਦੇ ਆਯੋਜਨ ਲਈ ਹਰੀ ਝੰਡੀ ਦੇ ਦਿੱਤੀ ਹੈ। ਕ੍ਰਿਕਟਰ ਸਚਿਨ ਤੇਂਦੁਲਕਰ ਸੀਰੀਜ਼ ਦੇ ਬ੍ਰਾਂਡ ਅੰਬੈਸਡਰ ਹੋਣਗੇ। ਇਸ ਦਾ ਆਯੋਜਨ ਮੈਜੇਸਟਿਕ ਲੈਜੈਂਡਜ਼ ਸਪੋਰਟਸ ਦੁਆਰਾ ਕੀਤਾ ਗਿਆ ਹੈ।
6 ਟੀਮਾਂ ਭਾਗ ਲੈਣਗੀਆਂ
ਇੰਡੀਆ ਲੀਜੈਂਡਜ਼, ਸ਼੍ਰੀਲੰਕਾ ਲੀਜੈਂਡਜ਼, ਵੈਸਟਇੰਡੀਜ਼ ਲੀਜੈਂਡਜ਼, ਸਾਊਥ ਅਫਰੀਕਾ ਲੀਜੈਂਡਸ, ਇੰਗਲੈਂਡ ਲੈਜੇਂਡਸ ਅਤੇ ਬੰਗਲਾਦੇਸ਼ ਲੈਜੇਂਡਸ ਖਿਤਾਬ ਲਈ ਭਿੜਨਗੇ। ਸਾਰੇ ਮੈਚ ਸ਼ਾਮ 7 ਵਜੇ ਤੋਂ ਰਾਤ 11 ਵਜੇ ਤੱਕ ਖੇਡੇ ਜਾਣਗੇ। ਡੀਐਮ ਅਭਿਸ਼ੇਕ ਪ੍ਰਕਾਸ਼ ਦਾ ਕਹਿਣਾ ਹੈ ਕਿ ਇਸ ਦੇ ਲਈ ਪ੍ਰਬੰਧ ਕੀਤੇ ਜਾ ਰਹੇ ਹਨ।
ਇਹ ਸੱਤ ਮੈਚ ਲਖਨਊ ਵਿੱਚ ਹੋਣਗੇ
- ਇੰਡੀਆ ਲੀਜੈਂਡਜ਼ ਬਨਾਮ ਵੈਸਟ ਇੰਡੀਜ਼ ਲੀਜੈਂਡਜ਼ 4 ਜੂਨ ਨੂੰ ਭਿੜਨਗੇ
- ਦੱਖਣੀ ਅਫਰੀਕਾ ਲੀਜੈਂਡਜ਼ ਬਨਾਮ ਇੰਗਲੈਂਡ ਲੀਜੈਂਡਜ਼ ਮੈਚ 5 ਜੂਨ ਨੂੰ
- 29 ਜੂਨ ਨੂੰ ਆਸਟ੍ਰੇਲੀਆ ਲੀਜੈਂਡਜ਼ ਬਨਾਮ ਸ਼੍ਰੀਲੰਕਾ ਲੀਜੈਂਡਜ਼
- ਪਹਿਲਾ ਸੈਮੀਫਾਈਨਲ 30 ਜੂਨ ਨੂੰ
- ਦੂਜਾ ਸੈਮੀਫਾਈਨਲ 1 ਜੁਲਾਈ ਨੂੰ
- ਤੀਜੇ ਸਥਾਨ ਲਈ 2 ਜੁਲਾਈ ਨੂੰ ਮੈਚ
- ਫਾਈਨਲ ਮੈਚ 3 ਜੁਲਾਈ ਨੂੰ
