ਮੁੰਬਈ: ਪੈਟ ਕਮਿੰਸ ਦੀ ਹਮਲਾਵਰ ਬੱਲੇਬਾਜ਼ੀ ਦਾ ਸ਼ਾਨਦਾਰ ਪ੍ਰਦਰਸ਼ਨ 15 ਗੇਂਦਾਂ 'ਤੇ ਅਜੇਤੂ 56 ਦੌੜਾਂ ਦੀ ਰਿਕਾਰਡ ਪਾਰੀ ਨਾਲ ਕੋਲਕਾਤਾ ਨਾਈਟ ਰਾਈਡਰਜ਼ (ਕੇਕੇਆਰ) ਨੇ ਬੁੱਧਵਾਰ ਨੂੰ ਇੱਥੇ ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐੱਲ) ਵਿੱਚ ਮੁੰਬਈ ਇੰਡੀਅਨਜ਼ ਨੂੰ 24 ਗੇਂਦਾਂ ਰਹਿੰਦਿਆਂ ਪੰਜ ਵਿਕਟਾਂ ਨਾਲ (KOLKATA KNIGHT RIDERS WON BY 5 WKTS) ਹਰਾ ਦਿੱਤਾ। ਚੋਟੀ ਦਾ ਸਥਾਨ ਹਾਸਲ ਕੀਤਾ।
ਕੇਕੇਆਰ ਸਿਖਰਲੇ ਕ੍ਰਮ ਦੇ ਬੱਲੇਬਾਜ਼ਾਂ ਦੇ ਨਿਯਮਤ ਅੰਤਰਾਲਾਂ 'ਤੇ ਆਊਟ ਹੋਣ ਨਾਲ ਸੰਘਰਸ਼ ਕਰ ਰਿਹਾ ਸੀ ਪਰ ਕਮਿੰਸ ਨੇ ਆਉਂਦੇ ਹੀ ਸਾਰੇ ਸਮੀਕਰਨ ਬਦਲ ਦਿੱਤੇ। ਉਸਨੇ ਆਪਣੀ ਪਾਰੀ ਵਿੱਚ ਚਾਰ ਚੌਕੇ ਅਤੇ ਛੇ ਛੱਕੇ ਜੜੇ ਅਤੇ ਸਿਰਫ 14 ਗੇਂਦਾਂ ਵਿੱਚ ਅਰਧ ਸੈਂਕੜਾ ਪੂਰਾ ਕਰਕੇ ਕੇਐਲ ਰਾਹੁਲ ਦੇ ਪਿਛਲੇ ਰਿਕਾਰਡ ਦੀ ਬਰਾਬਰੀ ਕਰ ਲਈ। ਉਸ ਨੇ ਡੇਨੀਅਲ ਸੈਮਸ ਦੇ ਇੱਕ ਓਵਰ ਵਿੱਚ 35 ਦੌੜਾਂ ਬਣਾਈਆਂ, ਜੋ ਕਿ ਆਈਪੀਐਲ ਦਾ ਤੀਜਾ ਸਭ ਤੋਂ ਮਹਿੰਗਾ ਓਵਰ ਹੈ।
ਇਹ ਵੀ ਪੜੋ: IPL Point Table: ਅੰਕ ਸੂਚੀ 'ਚ ਹੈਦਰਾਬਾਦ ਦੀ ਹਾਲਤ ਖ਼ਰਾਬ RR ਟੌਪ 'ਤੇ
ਕਮਿੰਸ ਤੋਂ ਇਲਾਵਾ ਸਲਾਮੀ ਬੱਲੇਬਾਜ਼ ਵੈਂਕਟੇਸ਼ ਅਈਅਰ (41 ਗੇਂਦਾਂ ਵਿੱਚ 50, ਛੇ ਚੌਕੇ, ਇੱਕ ਛੱਕਾ) ਦੀ ਅਰਧ ਸੈਂਕੜੇ ਵਾਲੀ ਪਾਰੀ ਸਦਕਾ ਕੇਕੇਆਰ ਨੇ 16 ਓਵਰਾਂ ਵਿੱਚ ਪੰਜ ਵਿਕਟਾਂ ਦੇ ਨੁਕਸਾਨ ’ਤੇ 162 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰ ਲਿਆ। ਕੇਕੇਆਰ ਦੀ ਚਾਰ ਮੈਚਾਂ ਵਿੱਚ ਇਹ ਤੀਜੀ ਜਿੱਤ ਹੈ। ਟਾਸ ਹਾਰ ਕੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਮੁੰਬਈ ਨੇ ਖਰਾਬ ਸ਼ੁਰੂਆਤ ਤੋਂ ਉਭਰਦੇ ਹੋਏ ਚਾਰ ਵਿਕਟਾਂ 'ਤੇ 161 ਦੌੜਾਂ ਦਾ ਚੁਣੌਤੀਪੂਰਨ ਸਕੋਰ ਬਣਾਇਆ। ਉਸ ਨੂੰ ਲਗਾਤਾਰ ਤੀਜੀ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਮੁੰਬਈ ਦਾ ਸਕੋਰ 15 ਓਵਰਾਂ ਤੋਂ ਬਾਅਦ ਤਿੰਨ ਵਿਕਟਾਂ 'ਤੇ 83 ਦੌੜਾਂ ਸੀ। ਸੂਰਿਆਕੁਮਾਰ ਯਾਦਵ (36 ਗੇਂਦਾਂ 'ਤੇ 52, ਪੰਜ ਚੌਕੇ, ਦੋ ਛੱਕੇ) ਅਤੇ ਤਿਲਕ ਵਰਮਾ (27 ਗੇਂਦਾਂ 'ਤੇ ਅਜੇਤੂ 38, ਤਿੰਨ ਚੌਕੇ, ਦੋ ਛੱਕੇ) ਨੇ ਚੌਥੀ ਵਿਕਟ ਲਈ 83 ਦੌੜਾਂ ਦੀ ਸਾਂਝੇਦਾਰੀ ਕੀਤੀ।
ਮੁੰਬਈ ਨੇ ਆਖਰੀ ਪੰਜ ਓਵਰਾਂ ਵਿੱਚ 78 ਦੌੜਾਂ ਜੋੜੀਆਂ, ਜਿਸ ਵਿੱਚ ਕੀਰੋਨ ਪੋਲਾਰਡ ਦੀਆਂ ਪੰਜ ਗੇਂਦਾਂ ਵਿੱਚ ਅਜੇਤੂ 22 ਦੌੜਾਂ ਸ਼ਾਮਲ ਸਨ। ਉਸ ਨੇ ਕੇਕੇਆਰ ਦੇ ਸਭ ਤੋਂ ਸਫਲ ਗੇਂਦਬਾਜ਼ ਕਮਿੰਸ (49 ਦੌੜਾਂ ਦੇ ਕੇ 2 ਵਿਕਟਾਂ) ਦੇ ਆਖਰੀ ਓਵਰ ਵਿੱਚ ਤਿੰਨ ਛੱਕੇ ਜੜੇ। ਕਮਿੰਸ ਨੇ ਬਾਅਦ ਵਿੱਚ ਸੈਮਸ ਦੇ ਨਾਲ ਇਸਦਾ ਬਦਲਾ ਚੁਕਾਇਆ, ਜਿਸ ਦੇ ਇੱਕ ਓਵਰ ਵਿੱਚ ਉਸਨੇ ਦੋ ਚੌਕੇ ਅਤੇ ਚਾਰ ਛੱਕੇ ਲਗਾਏ। ਇਨ੍ਹਾਂ ਵਿੱਚ ਜੇਤੂ ਛੱਕੇ ਵੀ ਸ਼ਾਮਲ ਹਨ।
ਹਾਲਾਂਕਿ ਇਸ ਤੋਂ ਪਹਿਲਾਂ ਕੇਕੇਆਰ ਦੇ ਬੱਲੇਬਾਜ਼ਾਂ ਨੇ ਲੰਬੇ ਸ਼ਾਟ ਖੇਡਣ ਦੀ ਕੋਸ਼ਿਸ਼ ਕਰਦੇ ਹੋਏ ਆਪਣੀਆਂ ਵਿਕਟਾਂ ਗੁਆ ਦਿੱਤੀਆਂ। ਕੇਕੇਆਰ ਨੇ ਪਾਵਰਪਲੇ ਦੇ ਅੰਦਰ ਅਜਿੰਕਯ ਰਹਾਣੇ (7) ਅਤੇ ਕਪਤਾਨ ਸ਼੍ਰੇਅਸ ਅਈਅਰ (10) ਦੇ ਵਿਕਟ ਗੁਆ ਦਿੱਤੇ। ਇਨ੍ਹਾਂ ਦੋਵੇਂ ਬੱਲੇਬਾਜ਼ਾਂ ਨੂੰ ਕ੍ਰਮਵਾਰ ਟਾਇਮਲ ਮਿਲਸ (38 ਦੌੜਾਂ ਦੇ ਕੇ 2 ਵਿਕਟਾਂ) ਅਤੇ ਸੈਮਸ (50 ਦੌੜਾਂ ਦੇ ਕੇ 1 ਵਿਕਟ) ਨੇ ਸ਼ਾਰਟ ਪਿੱਚ ਗੇਂਦਾਂ 'ਤੇ ਆਊਟ ਕੀਤਾ।
ਪਹਿਲੇ ਛੇ ਓਵਰਾਂ ਤੋਂ ਬਾਅਦ ਕੇਕੇਆਰ ਦਾ ਸਕੋਰ ਦੋ ਵਿਕਟਾਂ ’ਤੇ 35 ਦੌੜਾਂ ਸੀ।ਜਦੋਂ ਰਨ-ਰੇਟ ਹੌਲੀ ਹੋ ਰਹੀ ਸੀ ਤਾਂ ਬਿਲਿੰਗਜ਼ ਨੇ ਮੁਰੂਗਨ ਅਸ਼ਵਿਨ (25 ਦੌੜਾਂ ’ਤੇ ਦੋ ਵਿਕਟਾਂ) ਨੂੰ ਬਾਸਿਲ ਥੰਪੀ ’ਤੇ ਛੇ ਛੱਕੇ ਮਾਰ ਕੇ ਸਕੋਰ ਬੋਰਡ ਨੂੰ ਗਤੀ ਦਿੱਤੀ। ਹਾਲਾਂਕਿ ਅਸ਼ਵਿਨ ਨੇ ਜਲਦੀ ਹੀ ਉਸ ਦਾ ਬਦਲਾ ਲੈ ਲਿਆ ਪਰ ਇਸ ਤੋਂ ਪਹਿਲਾਂ ਵੈਂਕਟੇਸ਼ ਨੇ ਇਸ ਲੈੱਗ ਸਪਿਨਰ 'ਤੇ ਆਪਣਾ ਪਹਿਲਾ ਛੱਕਾ ਲਗਾਇਆ ਸੀ। ਕੇਕੇਆਰ 10 ਓਵਰਾਂ ਦੇ ਬਾਅਦ ਤਿੰਨ ਵਿਕਟਾਂ 'ਤੇ 67 ਦੌੜਾਂ ਹੀ ਬਣਾ ਸਕੀ।
ਨਿਤੀਸ਼ ਰਾਣਾ (ਅੱਠ) ਨੇ ਮਿਲਜ਼ 'ਤੇ ਥਰਡ ਮੈਨ ਏਰੀਏ 'ਚ ਛੱਕਾ ਲਗਾ ਕੇ ਆਪਣਾ ਖਾਤਾ ਖੋਲ੍ਹਿਆ, ਪਰ ਜਲਦੀ ਹੀ ਅਸ਼ਵਿਨ ਦੀ ਗੇਂਦ 'ਤੇ ਮਿਡਵਿਕਟ 'ਤੇ ਕੈਚ ਹੋ ਗਿਆ।ਹੁਣ ਕ੍ਰੀਜ਼ 'ਤੇ ਆਂਦਰੇ ਰਸਲ (11) ਸਨ ਜਿਨ੍ਹਾਂ ਨੇ ਅਸ਼ਵਿਨ ਦੀ ਗੁਗਲੀ ਨੂੰ ਛੇ ਦੌੜਾਂ 'ਤੇ ਭੇਜ ਦਿੱਤਾ, ਪਰ ਮਿਲਜ਼ ਨੇ ਜਲਦੀ ਹੀ ਉਨ੍ਹਾਂ ਦੇ ਤੂਫਾਨ ਨੂੰ ਕਾਬੂ ਕੀਤਾ। ਕਮਿੰਸ ਨੇ ਮਿਲਸ, ਜਸਪ੍ਰੀਤ ਬੁਮਰਾਹ ਅਤੇ ਸੈਮਸ ਨੂੰ ਛੱਕੇ ਜੜੇ, ਜਿਸ ਨਾਲ ਕੇਕੇਆਰ ਦੇ ਪ੍ਰਸ਼ੰਸਕ ਰਸਲ ਦੇ ਆਊਟ ਹੋਣ ਬਾਰੇ ਭੁੱਲ ਗਏ। ਇਸ ਦੌਰਾਨ ਦੂਜੇ ਸਿਰੇ 'ਤੇ ਵਿਕਟ ਬਚਾਉਣ ਵਾਲੇ ਵੈਂਕਟੇਸ਼ ਨੇ 41 ਗੇਂਦਾਂ 'ਚ ਆਪਣਾ ਅਰਧ ਸੈਂਕੜਾ ਪੂਰਾ ਕੀਤਾ।
ਇਸ ਤੋਂ ਪਹਿਲਾਂ ਕੇਕੇਆਰ ਨੇ ਉਮੇਸ਼ ਯਾਦਵ (25 ਦੌੜਾਂ 'ਤੇ 1 ਵਿਕਟ) ਦੀ ਅਗਵਾਈ 'ਚ ਸਖਤ ਗੇਂਦਬਾਜ਼ੀ ਕਰਕੇ ਮੁੰਬਈ 'ਤੇ ਸ਼ੁਰੂ ਤੋਂ ਹੀ ਦਬਾਅ ਬਣਾਇਆ। ਮੁੰਬਈ ਨੇ ਪਹਿਲੇ ਤਿੰਨ ਓਵਰਾਂ ਵਿੱਚ ਸਿਰਫ਼ ਸੱਤ ਦੌੜਾਂ ਬਣਾਈਆਂ ਅਤੇ ਇਸ ਦੌਰਾਨ ਕਪਤਾਨ ਰੋਹਿਤ ਸ਼ਰਮਾ ਦਾ ਵਿਕਟ ਗਵਾ ਦਿੱਤਾ ਜੋ 12 ਗੇਂਦਾਂ ਵਿੱਚ ਸਿਰਫ਼ ਤਿੰਨ ਦੌੜਾਂ ਹੀ ਬਣਾ ਸਕੇ। ਉਮੇਸ਼ ਦੀ ਸ਼ਾਰਟ ਪਿੱਚ ਗੇਂਦ ਉਸ ਦੇ ਬੱਲੇ ਦੇ ਉਪਰਲੇ ਕਿਨਾਰੇ ਨਾਲ ਹਵਾ ਵਿੱਚ ਲਹਿਰਾ ਰਹੀ ਸੀ।
ਦੱਖਣੀ ਅਫਰੀਕਾ ਦੇ ਡੇਵਾਲਡ ਬ੍ਰੇਵਿਸ (19 ਗੇਂਦਾਂ ਵਿੱਚ 29 ਦੌੜਾਂ) ਨੇ ਆਈਪੀਐਲ ਵਿੱਚ ਆਪਣੇ ਪਹਿਲੇ ਸ਼ਾਟ ਨਾਲ ਦਿਖਾਇਆ ਕਿ ਉਸਨੂੰ ਜੂਨੀਅਰ 'ਏਬੀ' ਕਿਉਂ ਕਿਹਾ ਜਾਂਦਾ ਹੈ। ਹਾਲਾਂਕਿ, ਉਹ ਆਪਣੀ ਤੂਫਾਨੀ ਸ਼ੁਰੂਆਤ ਨੂੰ ਵੱਡੀ ਪਾਰੀ ਵਿੱਚ ਨਹੀਂ ਬਦਲ ਸਕਿਆ ਅਤੇ ਚੱਕਰਵਰਤੀ ਉੱਤੇ ਸਵੀਪ ਸ਼ਾਟ ਖੇਡਣ ਦੀ ਕੋਸ਼ਿਸ਼ ਵਿੱਚ ਸਟੰਪ ਹੋ ਗਿਆ।
ਪਹਿਲੇ 10 ਓਵਰਾਂ ਤੋਂ ਬਾਅਦ ਮੁੰਬਈ ਦਾ ਸਕੋਰ ਦੋ ਵਿਕਟਾਂ 'ਤੇ 54 ਦੌੜਾਂ ਸੀ। ਈਸ਼ਾਨ ਕਿਸ਼ਨ (21 ਗੇਂਦਾਂ 'ਤੇ 14 ਦੌੜਾਂ) ਕ੍ਰੀਜ਼ 'ਤੇ ਸਨ ਪਰ ਦੌੜਾਂ ਬਣਾਉਣ ਲਈ ਸੰਘਰਸ਼ ਕਰ ਰਹੇ ਸਨ ਜਦੋਂ ਕਿ ਸੱਟ ਤੋਂ ਵਾਪਸੀ ਕਰਨ ਵਾਲੇ ਸੂਰਿਆਕੁਮਾਰ ਨੇ ਅਨੁਕੂਲ ਹੋਣ ਲਈ ਸਮਾਂ ਲਿਆ। ਕਿਸ਼ਨ ਨੇ ਕਮਿੰਸ ਦੀ ਗੇਂਦ 'ਤੇ ਆਸਾਨ ਕੈਚ ਦੇ ਦਿੱਤਾ, ਜਿਸ ਕਾਰਨ ਮੁੰਬਈ ਦੀਆਂ ਮੁਸ਼ਕਿਲਾਂ ਵਧ ਗਈਆਂ। ਮੱਧ ਵਿੱਚ ਪੰਜ ਓਵਰਾਂ ਤੱਕ ਗੇਂਦ ਬਾਊਂਡਰੀ ਲਾਈਨ ਤੱਕ ਨਹੀਂ ਪਹੁੰਚ ਸਕੀ।
ਇਹ ਵੀ ਪੜੋ: IPL 2022: ਆਯੁਸ਼ ਤੋਂ ਲੈ ਕੇ ਵੈਭਵ ਤੱਕ, ਇਸ ਸੀਜ਼ਨ 'ਚ ਮਚਾ ਰਹੇ ਧਮਾਲ
ਸੂਰਿਆਕੁਮਾਰ ਨੇ ਉਮੇਸ਼ ਦੀਆਂ ਆਖ਼ਰੀ ਦੋ ਗੇਂਦਾਂ 'ਤੇ ਚੌਕੇ ਅਤੇ ਛੱਕੇ ਲਗਾ ਕੇ ਉਨ੍ਹਾਂ ਦੇ ਗੇਂਦਬਾਜ਼ੀ ਵਿਸ਼ਲੇਸ਼ਣ ਨੂੰ ਵਿਗਾੜ ਦਿੱਤਾ। ਉਸ ਨੇ 34 ਗੇਂਦਾਂ ਵਿੱਚ ਆਪਣਾ ਅਰਧ ਸੈਂਕੜਾ ਪੂਰਾ ਕੀਤਾ।ਰਹਾਣੇ ਨੇ ਜਦੋਂ ਤਿਲਕ ਤਿੰਨ ਦੌੜਾਂ 'ਤੇ ਸਨ ਤਾਂ ਉਸ ਦਾ ਕੈਚ ਛੱਡ ਦਿੱਤਾ, ਜਿਸ ਦਾ ਉਸ ਨੇ ਲੰਬੇ ਸ਼ਾਟ ਖੇਡਣ ਦੇ ਹੁਨਰ ਨੂੰ ਪੇਸ਼ ਕਰਕੇ ਜਸ਼ਨ ਮਨਾਇਆ। ਕਮਿੰਸ ਹੋਵੇ ਜਾਂ ਚੱਕਰਵਰਤੀ, ਉਸ ਦੇ ਛੱਕੇ ਜ਼ਬਰਦਸਤ ਸਨ। ਅੰਤ 'ਚ ਸੂਰਿਆਕੁਮਾਰ ਦੇ ਆਊਟ ਹੋਣ ਤੋਂ ਬਾਅਦ ਕ੍ਰੀਜ਼ 'ਤੇ ਉਤਰੇ ਪੋਲਾਰਡ ਨੇ ਇਸ ਨੂੰ ਪੂਰਾ ਕੀਤਾ।
