ਹੈਦਰਾਬਾਦ: ਸਾਬਕਾ ਭਾਰਤੀ ਟੀਮ ਦੇ ਆਲਰਾਉਂਡਰ ਇਰਫਾਨ ਪਠਾਨ ਨੇ ਆਈਪੀਐਲ -13 ਦੀ ਆਪਣੀ ਸਰਬੋਤਮ ਇਲੈਵਨ ਦੀ ਚੋਣ ਕੀਤੀ ਹੈ। ਪਠਾਨ ਨੇ ਆਪਣੀ ਟੀਮ ਵਿੱਚ ਡੇਵਿਡ ਵਾਰਨਰ, ਰਾਸ਼ਿਦ ਖਾਨ ਅਤੇ ਵਿਰਾਟ ਕੋਹਲੀ ਵਰਗੇ ਸਟਾਰ ਖਿਡਾਰੀਆਂ ਨੂੰ ਕੋਈ ਥਾਂ ਨਹੀਂ ਦਿੱਤੀ। ਇੰਨਾ ਹੀ ਨਹੀਂ, ਉਸ ਨੇ ਟੀਮ ਦੇ ਕਪਤਾਨ ਵਜੋਂ ਰੋਹਿਤ ਸ਼ਰਮਾ ਦੀ ਥਾਂ ਕੀਰੋਨ ਪੋਲਾਰਡ ਦਾ ਨਾਂਅ ਚੁਣਿਆ।
ਦੱਸ ਦੇਈਏ ਕਿ ਰੋਹਿਤ ਦੀ ਅਗਵਾਈ ਵਿੱਚ ਮੁੰਬਈ ਇੰਡੀਅਨਜ਼ ਨੇ ਆਈਪੀਐਲ -13 ਦੇ ਫਾਈਨਲ ਵਿੱਚ ਦਿੱਲੀ ਕੈਪੀਟਲ ਨੂੰ ਹਰਾ ਕੇ ਅਤੇ ਰਿਕਾਰਡ ਪੰਜਵੀਂ ਵਾਰ ਟੂਰਨਾਮੈਂਟ ਜਿੱਤ ਕੇ ਇਤਿਹਾਸ ਰਚ ਦਿੱਤਾ।
ਅਜੀਤ ਅਗਰਕਰ ਦੀ ਆਈਪੀਐਲ -13 'ਚ ਬੇਸਟ ਇਲੈਵਨ 'ਚ ਰੋਹਿਤ-ਕੋਹਲੀ ਨੂੰ ਥਾਂ ਨਹੀਂ ਮਿਲੀ। ਸਲਾਮੀ ਬੱਲੇਬਾਜਾਂ ਦੇ ਰੂਪ 'ਚ ਇਰਫਾਨ ਨੇ ਕੇਐਲ ਰਾਹੁਲ ਤੇ ਸਿਖਰ ਧਵਨ ਦੀ ਚੋਣ ਕੀਤੀ। ਡੇਵਿਡ ਵਾਰਨਰ ਨੂੰ ਟੀਮ 'ਚ ਥਾਂ ਨਾ ਦੇਣ 'ਤੇ ਉਨ੍ਹਾਂ ਕਿਹਾ ਕਿ ਟੀਮ 'ਚ ਸਿਰਫ਼ 4 ਹੀ ਵਿਦੇਸ਼ੀ ਖਿਡਾਰੀਆਂ ਦੀ ਸ਼ਾਮਲ ਕੀਤੇ ਜਾ ਸਕਦੇ ਹਨ, ਇਸ ਲਈ ਵਾਰਨਰ ਨੂੰ ਟੀਮ 'ਚ ਥਾਂ ਨਹੀਂ ਮਿਲ ਸਕੀ। ਨੰਬਰ 3 'ਤੇ ਮੁੰਬਈ ਦੇ ਸੂਰਿਆਕੁਮਾਰ ਯਾਦਵ, ਨੰਬਰ 4 'ਤੇ ਆਰਸੀਬੀ ਦਾ ਏਬੀ ਡੀਵਿਲੀਅਰਜ਼ ਅਤੇ ਪੰਜ 'ਤੇ ਆਲਰਾਉਂਡਰ ਕੀਰਨ ਪੋਲਾਰਡ ਸ਼ਾਮਲ ਹਨ।
ਆਈਪੀਐਲ ਦੇ ਮੱਧ ਵਿੱਚ ਜਦੋਂ ਰੋਹਿਤ ਜ਼ਖਮੀ ਹੋ ਗਏ ਸਨ, ਉਸ ਵੇਲੇ ਪੋਲਾਰਡ ਨੂੰ ਹੀ ਮੁੰਬਈ ਦੀ ਕਪਤਾਨੀ ਕਰਦੇ ਹੋਏ ਦੇਖਿਆ ਗਿਆ ਸੀ ਤੇ ਟੀਮ ਨੇ ਉਨ੍ਹਾਂ ਦੀ ਕਪਤਾਨੀ 'ਚ 4 ਮੈਚ ਵਿਚੋਂ 3 ਮੈਚ ਜਿੱਤੇ ਸਨ।
