ਨਵੀਂ ਦਿੱਲੀ : ਸਨਰਾਈਜ਼ਰਜ਼ ਹੈਦਰਾਬਾਦ ਨੇ ਦਿੱਲੀ ਕੈਪੀਟਲਜ਼ ਨੂੰ 5 ਵਿਕਟਾਂ ਨਾਲ ਹਰਾ ਕੇ ਟੂਰਨਾਮੈਂਟ ਨੂੰ ਆਪਣੀ ਤੀਸਰੀ ਜਿੱਤ ਦਰਜ਼ ਕੀਤੀ ਹੈ। ਇਸ ਜਿੱਤ ਦੇ ਨਾਲ ਹੈਦਰਾਬਾਦ ਹੁਣ ਤੱਕ ਸੂਚੀ ਵਿੱਚ 6 ਅੰਕਾਂ ਨਾਲ ਚੋਟੀ 'ਤੇ ਆ ਗਈ ਹੈ। ਦਿੱਲੀ ਨੇ ਪਹਿਲਾਂ ਬੈਟਿੰਗ ਕਰਦਿਆਂ ਹੈਦਰਾਬਾਦ ਨੂੰ 130 ਦੌੜਾਂ ਦਾ ਟੀਚਾ ਦਿੱਤਾ।
ਹੈਦਰਾਬਾਦ ਦੇ ਸਟਾਰ ਓਪਨਰ ਜਾੱਨੀ ਬੇਅਰਸਟੋ ਨੇ ਹਮਲਾਵਰ ਅੰਦਾਜ਼ ਵਿੱਚ ਸ਼ੁਰੂਆਤ ਕੀਤੀ ਅਤੇ ਡੇਵਿਡ ਵਾਰਨਰ ਦੇ ਨਾਲ 64 ਦੌੜਾਂ ਦੀ ਸਾਂਝ ਨਾਲ ਟੀਮ ਨੂੰ ਜਿੱਤ ਦੇ ਰਾਹ 'ਤੇ ਪਹੁੰਚਾਇਆ। ਬੇਅਰਸਿਟੋ ਨੇ 28 ਗੇਂਦਾਂ ਵਿੱਚ 48 ਦੌੜਾਂ ਬਣਾਈਆਂ ਅਤੇ ਆਪਣੀ ਪਾਰੀ ਵਿੱਚ 9 ਚੌਕੇ ਅਤੇ 1 ਛੱਕਾ ਲਾਇਆ। ਬੇਅਰਸਿਟੋ ਨੂੰ ਇਸ ਮੈਚ ਵਿੱਚ ਵਧੀਆ ਖੇਡਣ ਲਈ 'ਮੈਨ ਆਫ਼ ਦਾ ਮੈਚ' ਚੁਣਿਆ ਗਿਆ।
