ਨਵੀਂ ਦਿੱਲੀ: ਆਸਟਰੇਲੀਆ ਦੇ ਕੋਚ ਜਸਟਿਨ ਲੈਂਗਰ ਨੇ ਕਿਹਾ ਹੈ ਕਿ ਭਾਰਤ ਦੇ ਨਾਲ ਹੋਣ ਵਾਲੀ ਟੈਸਟ ਸੀਰੀਜ਼ ਡੇਵਿਡ ਵਾਰਨਰ ਅਤੇ ਜੋਅ ਬਰਨਸ ਪਾਰੀ ਦੀ ਸ਼ੁਰੂਆਤ ਕਰੇਗਾ। ਲੈਂਗਰ ਨੇ ਇਸ ਅਟਕਲਾਂ ਨੂੰ ਖਤਮ ਕਰ ਦਿੱਤਾ ਜਿਸ ਵਿੱਚ ਕਿਹਾ ਕਿ ਘਰੇਲੂ ਸੀਜ਼ਨ ਵਿੱਚ ਖਰਾਬ ਪ੍ਰਦਰਸ਼ਨ ਕਰਨ ਵਾਲੇ ਬਰਨਸ ਨੂੰ ਭਾਰਤ ਖ਼ਿਲਾਫ਼ ਆਖਰੀ ਗਿਆਰਾਂ ਵਿੱਚ ਜਗ੍ਹਾਂ ਲੱਭਣਾ ਮੁਸ਼ਕਲ ਲੱਗ ਰਿਹਾ ਹੈ।
ਇਸ ਦਾ ਕਾਰਨ ਇਹ ਸੀ ਕਿ ਬੱਲੇਬਾਜ਼ ਵਿਲ ਪੁਕੋਵਸਕੀ ਨੇ ਘਰੇਲੂ ਸੀਜ਼ਨ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਸਖਤ ਦਾਅਵਾ ਕੀਤਾ, ਪਰ ਲੈਂਗਰ ਇਸ ਸਮੇਂ ਤਜ਼ਰਬੇ ਨੂੰ ਤਰਜੀਹ ਦੇਣਾ ਚਾਹੁੰਦੇ ਹਨ।
ਲੈਂਗਰ ਨੇ ਕਿਹਾ, "ਪਿਛਲੀ ਵਾਰ ਜਦੋਂ ਅਸੀਂ ਟੈਸਟ ਖੇਡੇ ਸੀ, ਅਸੀਂ ਵਾਰਨਰ ਅਤੇ ਬਰਨਜ਼ ਦਾ ਸੁਮੇਲ ਪਸੰਦ ਕੀਤਾ ਸੀ। ਦੋਵਾਂ ਵਿਚਾਲੇ ਇੱਕ ਚੰਗਾ ਤਾਲਮੇਲ ਹੈ ਅਤੇ ਇਸ ਲਈ ਮੈਨੂੰ ਯਕੀਨ ਹੈ ਕਿ ਭਾਰਤ ਦੇ ਖਿਲਾਫ ਇਸ ਜੋੜੀ ਨੂੰ ਅਜਮਾਉਣ ਦਾ ਭਰੋਸਾ ਰੱਖਦੇ ਹਾਂ।"
2014 ਵਿੱਚ ਭਾਰਤ ਦੇ ਖ਼ਿਲਾਫ਼ ਹੀ ਆਪਣੇ ਟੈਸਟ ਮੈਚ ਦੀ ਸ਼ੁਰੂਆਤ ਕਰਨ ਵਾਲੇ 31 ਸਾਲਾ ਜੋਅ ਬਰਨਸ ਨੇ ਹੁਣ ਤੱਕ ਆਸਟਰੇਲੀਆ ਦੇ ਲਈ ਕੁੱਲ 21 ਟੈਸਟ ਮੈਚ ਖੇਡ ਚੁੱਕੇ ਹਨ ਅਤੇ 38.31 ਦੀ ਔਸਤ ਨਾਲ 1379 ਦੌੜਾਂ ਬਣਾਉਣ ਵਿੱਚ ਕਾਮਯਾਬ ਰਹੇ ਹਨ। 36 ਪਾਰੀਆਂ ਵਿੱਚ 4 ਸੈਂਕੜੇ ਅਤੇ 6 ਅਰਧ ਸੈਂਕੜੇ ਵੀ ਦਰਜ ਹਨ।
ਭਾਰਤ ਅਤੇ ਆਸਟਰੇਲੀਆ ਨੂੰ ਚਾਰ ਟੈਸਟ ਮੈਚਾਂ ਦੀ ਲੜੀ ਖੇਡਣੀ ਹੈ। ਲੜੀ ਦਾ ਪਹਿਲਾ ਮੈਚ 17 ਦਸੰਬਰ ਤੋਂ ਹੋਵੇਗਾ, ਜੋ ਕਿ ਇੱਕ ਦਿਨ-ਰਾਤ ਦਾ ਟੈਸਟ ਹੋਵੇਗਾ।
