ਮੁੰਬਈ: ਮਸ਼ਹੂਰ ਅਦਾਕਾਰ ਆਸ਼ੀਸ਼ ਦਾ ਸਵੇਰੇ 3:45 ਵਜੇ ਮੁੰਬਈ ਦੇ ਵਰਸੋਵਾ ਵਿੱਚ ਪਤਾਲਿਪੁੱਤਰ ਨਾਮੀ ਇੱਕ ਇਮਾਰਤ ਵਿੱਚ ਆਪਣੇ ਹੀ ਫਲੈਟ ਵਿੱਚ ਦੇਹਾਂਤ ਹੋ ਗਿਆ। ਉਹ 55 ਸਾਲਾਂ ਦੇ ਸਨ ਅਤੇ ਪਿਛਲੇ ਕੁਝ ਸਾਲਾਂ ਤੋਂ ਗੁਰਦੇ ਦੀ ਸਮੱਸਿਆ ਨਾਲ ਜੂਝ ਰਹੇ ਸਨ। ਪਿਛਲੇ ਤਿੰਨ ਸਾਲਾਂ ਤੋਂ ਡਾਇਲਿਸਿਸ ਵੀ ਕਰਵਾ ਰਹੇ ਸਨ।
ਕਈ ਹਾਲੀਵੁੱਡ ਫਿਲਮਾਂ ਦੀ ਹਿੰਦੀ ਡੱਬ ਵਿੱਚ ਦਿੱਤੀ ਆਵਾਜ਼
ਆਸ਼ੀਸ਼ ਇੱਕ ਸ਼ਾਨਦਾਰ ਅਦਾਕਾਰ ਹੋਣ ਦੇ ਨਾਲ ਨਾਲ ਇੱਕ ਮਸ਼ਹੂਰ ਵੋਇਸ ਓਵਰ ਆਰਟਿਸਟ ਵੀ ਸਨ ਅਤੇ ਉਨ੍ਹਾਂ ਨੇ ਹਿੰਦੀ ਅਤੇ ਹਾਲੀਵੁੱਡ ਦੀਆਂ ਕਈ ਫਿਲਮਾਂ ਲਈ ਡਬਿੰਗ ਕਰਕੇ ਨਾਮ ਕਮਾਇਆ। ਉਨ੍ਹਾਂ ਨੇ ਹਾਲੀਵੁੱਡ ਫਿਲਮਾਂ ਜਿਵੇਂ ਕਿ 'ਸੁਪਰਮੈਨ ਰਿਟਰਨਜ਼', 'ਦਿ ਡਾਰਕ ਨਾਈਟ', 'ਗਰਜਿਅਨ ਆਫ਼ ਦਿ ਗਲੈਕਸੀ', 'ਦਿ ਲੀਜੈਂਡ ਆਫ਼ ਟਾਰਜਨ' ਅਤੇ 'ਜੋਕਰ' ਵਰਗੀਆਂ ਫ਼ਿਲਮਾਂ ਵਿੱਚ ਪ੍ਰਮੁੱਖ ਕਿਰਦਾਰਾਂ ਨੂੰ ਆਪਣੀ ਆਵਾਜ਼ ਦਿੱਤੀ। ਇਨ੍ਹਾਂ ਤੋਂ ਇਲਾਵਾ ਉਸ ਨੂੰ ਕਈ ਹਾਲੀਵੁੱਡ ਫਿਲਮਾਂ ਦਾ ਅਨੁਵਾਦ ਕਰਨ ਦਾ ਸਿਹਰਾ ਵੀ ਜਾਂਦਾ ਹੈ।
ਇਨ੍ਹਾਂ ਸੀਰੀਅਲਾਂ ਵਿੱਚ ਕੀਤਾ ਕੰਮ
ਆਸ਼ੀਸ਼ ਨੇ 'ਬਯੋਮਕੇਸ਼ ਬਖਸ਼ੀ', 'ਬਨੇਗੀ ਅਪਨੀ ਬਾਤ', 'ਯੇਸ ਸਰ', 'ਬਾ ਬਹੂ ਤੇ ਬੇਬੀ', 'ਸਸੁਰਾਲ ਸਿਮਰ ਕਾ', 'ਇਕ ਰਿਸ਼ਤਾ ਸਾਝੇਦਾਰੀ ਕਾ', 'ਕੁਛ ਰੰਗ ਅਜਿਹੇ ਵੀ' ਵਰਗੇ ਸੀਰੀਅਲਾਂ 'ਚ ਵੀ ਕੰਮ ਕੀਤਾ ਸੀ।
ਆਸ਼ੀਸ਼ ਨੇ ਵਿਆਹ ਨਹੀਂ ਕੀਤਾ ਸੀ ਅਤੇ ਉਹ ਮੁੰਬਈ ਦੇ ਇੱਕ ਫਲੈਟ ਵਿੱਚ ਆਪਣੇ ਕੇਅਰਟੇਕਰ ਨਾਲ ਰਹਿੰਦੇ ਸਨ। ਉਨ੍ਹਾਂ ਦੀ ਭੈਣ ਕਨਿਕਾ ਕੋਲਕਾਤਾ ਵਿੱਚ ਰਹਿੰਦੀ ਹੈ ਅਤੇ ਅੱਜ ਸ਼ਾਮ ਉਡਾਣ ਰਾਹੀਂ ਮੁੰਬਈ ਪਹੁੰਚੇਗੀ ਅਤੇ ਉਸ ਤੋਂ ਬਾਅਦ ਆਸ਼ੀਸ਼ ਦਾ ਅੰਤਿਮ ਸਸਕਾਰ ਕੀਤਾ ਜਾਵੇਗਾ।
