ਲਾਸ ਏਂਜਲਸ: ਲਾਈਵ ਐਕਸ਼ਨ ਫ਼ਿਲਮ ਦਾ ਰੀਮੇਕ 'ਮੁਲਾਨ' ਸਿਨੇਮਾ ਘਰਾਂ ਦੀ ਥਾਂ ਓਟੀਟੀ ਪਲੇਟਫਾਰਮ 'ਤੇ ਰਿਲੀਜ਼ ਕੀਤਾ ਜਾ ਰਿਹਾ ਹੈ ਪਰ ਦਰਸ਼ਕਾਂ ਨੂੰ ਇਸ ਨੂੰ ਦੇਖਣ ਲਈ ਵਾਧੂ ਕੀਮਤ ਦੇਣੀ ਪਵੇਗੀ।
ਰਿਪੋਰਟ ਦੇ ਅਨੁਸਾਰ, 'ਮੁਲਾਨ' ਡਿਜ਼ਨੀ ਪਲੱਸ 'ਤੇ ਰਿਲੀਜ਼ ਕੀਤੀ ਜਾਵੇਗੀ, ਜਿਸ ਵਿੱਚ 6.05 ਕਰੋੜ ਤੋਂ ਵੱਧ ਅਦਾਇਗੀ ਗਾਹਕ ਹਨ। ਸਿਨੇਮਾ ਘਰਾਂ ਵਿੱਚ ਮੁਲਾਨ ਦੇ ਰਿਲੀਜ਼ ਕਰਨ ਦੀ ਤਰੀਕ ਵਿੱਚ ਕਈ ਵਾਰ ਦੇਰੀ ਹੋਣ ਤੋਂ ਬਾਅਦ ਡਿਜ਼ਨੀ ਦੇ ਸੀਈਓ ਬੌਬ ਚੈਪਿਕ ਨੇ ਕਿਹਾ ਕਿ 4 ਸਤੰਬਰ ਨੂੰ 'ਮੁਲਾਨ' ਪ੍ਰੀਮੀਅਮ ਐਕਸ ਦੇ ਨਾਲ ਪਲੇਟਫਾਰਮ ਉੱਤੇ ਦੇਖਿਆ ਜਾ ਸਕਦਾ ਹੈ।
ਅਮਰੀਕਾ ਸਮੇਤ ਚੋਣਵੇਂ ਬਾਜ਼ਾਰਾਂ ਵਿੱਚ ਇਸ ਲਈ 29.99 (2,244.67) ਦਾ ਭੁਗਤਾਨ ਕਰਨਾ ਪਵੇਗਾ।
ਭਾਵ, 'ਮੁਲਾਨ' ਨੂੰ ਵੇਖਣ ਲਈ, ਗਾਹਕੀ ਬਣਨ ਤੋਂ ਇਲਾਵਾ, ਇਸ ਦੀ ਵਾਧੂ ਕੀਮਤ ਦਾ ਭੁਗਤਾਨ ਕਰਨਾ ਪਵੇਗਾ।
ਇਹ ਫ਼ਿਲਮ ਬਾਜ਼ਾਰਾਂ ਦੇ ਥੀਏਟਰਾਂ ਵਿੱਚ ਰਿਲੀਜ਼ ਕੀਤੀ ਜਾਵੇਗੀ ਜਿੱਥੇ ਸਟ੍ਰੀਮਿੰਗ ਪਲੇਟਫਾਰਮ ਉਪਲੱਬਧ ਨਹੀਂ ਹੈ।
ਨਿਊਜ਼ੀਲੈਂਡ ਦੀ ਫ਼ਿਲਮ ਨਿਰਮਾਤਾ ਨਿੱਕੀ ਕਾਰੋ ਦੀ ਫ਼ਿਲਮ 'ਮੁਲਾਨ' ਇੱਕ ਨਿਡਰ ਚੀਨੀ ਔਰਤ ਦੇ ਬਾਰੇ ਹੈ। ਜੋ ਆਪਣੇ ਪਿਤਾ ਨੂੰ ਬਚਾਉਣ ਦੇ ਲਈ ਇੱਕ ਪੁਰਸ਼ ਯੋਧਾ ਦਾ ਰੂਪ ਧਾਰਨ ਕਰਦੀ ਹੈ।
ਇਹ ਵੀ ਪੜ੍ਹੋ:ਸੁਸ਼ਾਂਤ ਖੁਦਕੁਸ਼ੀ: ਰਿਆ ਪਹੁੰਚੀ ਈਡੀ ਦਫ਼ਤਰ
