ਅੰਮ੍ਰਿਤਸਰ:ਫ਼ੇਸਬੁੱਕ ਅਤੇ ਯੂਟਿਊਬ 'ਤੇ ਨਾਜ਼ਦੀਪ ਨਾਂਅ ਦੀ ਕੁੜੀ ਦੀਆਂ ਵੀਡੀਓਜ਼ ਵਾਇਰਲ ਹੋ ਰਹੀਆਂ ਹਨ। ਨਾਜ਼ਦੀਪ ਦੀ ਅਵਾਜ਼ 'ਚ ਗਾਇਕ ਸਿੰਘਾ ਦਾ ਗੀਤ 'ਫ਼ੋਟੋ' ਬਹੁਤ ਹੀ ਪਿਆਰਾ ਹੈ। ਪੱਤਰਕਾਰਾਂ ਦੇ ਨਾਲ ਗੱਲਬਾਤ ਕਰਦੇ ਨਾਜ਼ਦੀਪ ਨੇ ਦੱਸਿਆ ਕਿ ਉਸ ਨੂੰ ਬਚਪਨ ਤੋਂ ਹੀ ਗਾਇਕੀ ਦਾ ਸ਼ੌਕ ਸੀ। ਉਸ ਦੇ ਸਕੂਲ ਅਧਿਆਪਕਾਂ ਨੂੰ ਜਦੋਂ ਨਾਜ਼ਦੀਪ ਦੇ ਟੇਲੇਂਟ ਬਾਰੇ ਪਤਾ ਲੱਗਿਆ ਤਾਂ ਉਨ੍ਹਾਂ ਉਸ ਦੇ ਮਾਂ-ਬਾਪ ਨੂੰ ਦੱਸਿਆ।
ਹੋਰ ਪੜ੍ਹੋ:ਅਮਿਤ ਸ਼ਾਹ ਦੇ ਬਿਆਨ 'ਤੇ ਬੋਲੇ ਮਸ਼ਹੂਰ ਅਦਾਕਾਰ ਰਜਨੀਕਾਂਤ
ਮੀਡੀਆ ਦੇ ਨਾਲ ਗੱਲਬਾਤ ਕਰਦਿਆਂ ਨਾਜ਼ਦੀਪ ਦੇ ਪਿਤਾ ਨੇ ਦੱਸਿਆ ਕਿ ਉਹ ਵੈਲਡਿੰਗ ਦਾ ਕੰਮ ਕਰਦੇ ਹਨ। ਉਨ੍ਹਾਂ ਕਿਹਾ ਕਿ ਬੇਸ਼ਕ ਪੈਸਿਆਂ ਦੀ ਤੰਗੀ ਰਹਿੰਦੀ ਹੈ ਪਰ ਉਨ੍ਹਾਂ ਆਪਣੀ ਬੇਟੀ ਦੇ ਸੁਪਨੇ ਪੂਰੇ ਕਰਨ 'ਚ ਕੋਈ ਕਸਰ ਨਹੀਂ ਛੱਡੀ। ਨਾਜ਼ਦੀਪ ਦੀ ਮਾਂ ਬਬਲੀ ਨੇ ਕਿਹਾ ਕਿ ਉਹ ਸ਼ੁਕਰਗੁਜ਼ਾਰ ਹਨ ਉਸ ਵਿਅਕਤੀ ਦੇ ਜਿਨ੍ਹਾਂ ਨੇ ਨਾਜ਼ਦੀਪ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਅੱਪਲੋਡ ਕਰ ਦਿੱਤੀ।
ਹੋਰ ਪੜ੍ਹੋ: IIFA Awards 2019: ਕਿਸ ਨੂੰ ਮਿਲਿਆ ਕਿਹੜਾ ਅਵਾਰਡ ਵੇਖੋ ਪੂਰੀ ਸੂਚੀ
ਕਾਬਿਲ-ਏ-ਗੌਰ ਹੈ ਕਿ 26 ਅਗਸਤ ਨੂੰ ਖੰਡਵਾਲਾ ਸਥਿਤ ਬਾਬਾ ਬੇਰ ਸ਼ਾਹ ਜੀ ਦੇ ਮੇਲੇ 'ਤੇ ਨਾਜ਼ਦੀਪ ਗੀਤ ਗਾ ਰਹੀ ਸੀ ਤਾਂ ਉਸਦੀ ਆਵਾਜ ਨੂੰ ਸੁਣ ਕੇ ਕਿਸੇ ਨੇ ਉਸਦੀ ਵੀਡੀਓ ਪਾ ਦਿੱਤੀ। ਇਸ ਵੀਡੀਓ ਕਾਰਨ ਹੀ ਨਾਜ਼ਦੀਪ ਸੋਸ਼ਲ ਮੀਡੀਆ ਸਟਾਰ ਬਣ ਗਈ।
ਜ਼ਿਕਰਯੋਗ ਹੈ ਕਿ ਨਾਜ਼ਦੀਪ ਦੇ ਟੇਲੇਂਟ ਬਾਰੇ ਹੁਣ ਪੰਜਾਬੀ ਇੰਡਸਟਰੀ ਦੇ ਗਾਇਕਾਂ ਨੂੰ ਵੀ ਪਤਾ ਲੱਗ ਰਿਹਾ ਹੈ ਇਸ ਦੇ ਸਦਕਾ ਮਸ਼ਹੂਰ ਪੰਜਾਬੀ ਗਾਇਕ ਖ਼ਾਨ ਸਾਹਬ ਨੇ ਉਸ ਨੂੰ ਆਪਣੇ ਨਾਲ ਗਾਉਣ ਦਾ ਮੌਕਾ ਦਿੱਤਾ ਹੈ। ਇਹ ਗੀਤ ਛੇਤੀ ਹੀ ਦਰਸ਼ਕਾਂ ਦੇ ਰੂ-ਬ-ਰੂ ਕੀਤਾ ਜਾਵੇਗਾ।
