ਹੈਦਰਾਬਾਦ: ਮਸ਼ਹੂਰ ਤੇਲਗੂ ਅਦਾਕਾਰ ਨਾਗਾਅਰਜੁਨ ਦੇ ਹੈਦਰਾਬਾਦ ਦੇ ਬਾਹਰੀ ਇਲਾਕੇ 'ਚ ਸਥਿੱਤ ਫ਼ਾਰਮ ਹਾਊਸ 'ਚ ਇੱਕ ਅਣਪਛਾਤੇ ਵਿਅਕਤੀ ਦੀ ਲਾਸ਼ ਮਿਲੀ। ਪੁਲਿਸ ਨੇ ਵੀਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਪੁਲਿਸ ਮੁਤਾਬਿਕ, ਬੁੱਧਵਾਰ ਨੂੰ ਦੇਰ ਸ਼ਾਮ ਕੁਝ ਲੋਕਾਂ ਨੇ ਲਾਸ਼ ਨੂੰ ਵੇਖਿਆ। ਉਨ੍ਹਾਂ ਲੋਕਾਂ ਨੂੰ ਨਾਗਾਅਰਜੁਨ ਨੇ ਆਪਣੀ ਜ਼ਮੀਨ ਦੀ ਜਾਂਚ ਕਰਨ ਅਤੇ ਖੇਤੀ ਦੇ ਲਈ ਫ਼ਸਲ ਸੁਝਾਅ ਲਈ ਫ਼ਾਰਮ 'ਤੇ ਭੇਜਿਆ ਸੀ।
ਇਹ ਫ਼ਾਰਮ ਹਾਊਸ ਸ਼ਾਦਨਗਰ ਬਲਾਕ ਦੇ ਪੇਪੀਰੇਗੁਡਾ 'ਚ ਹੈ। ਲਾਸ਼ ਫ਼ਾਰਮ ਹਾਊਸ ਦੇ ਇੱਕ ਕਮਰੇ 'ਚ ਪਿਆ ਮਿਲਿਆ। ਇਸ ਲਾਸ਼ ਨੂੰ ਵੇਖ ਕੇ ਲੋਕਾਂ ਨੇ ਤੁਰੰਤ ਪੁਲਿਸ ਨੂੰ ਸੂਚਨਾ ਦਿੱਤੀ। ਇਸ ਤੋ ਬਾਅਦ ਲਾਸ਼ ਨੂੰ ਜਾਂਚ ਲਈ ਭੇਜ ਦਿੱਤਾ ਗਿਆ। ਕੇਸ਼ਮਪੇਟ ਪੁਲਿਸ ਸਟੇਸ਼ਨ 'ਚ ਇਹ ਮਾਮਲਾ ਦਰਜ ਕੀਤਾ ਗਿਆ ਹੈ। ਪੁਲਿਸ ਵੱਲੋਂ ਲਾਸ਼ ਦੀ ਪਛਾਣ ਕੀਤੀ ਜਾ ਚੁੱਕੀ ਹੈ। ਲਾਸ਼ ਇੱਕ 30 ਸਾਲਾ ਵਿਅਕਤੀ ਦੀ ਹੈ ਤੇ ਮਾਮਲਾ ਖ਼ੁਦਕੁਸ਼ੀ ਦਾ ਦੱਸਿਆ ਜਾ ਰਿਹਾ ਹੈ।
ਨਾਗਾਅਰਜੁਨ ਅਤੇ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰਾਂ ਨੇ ਕਿਹਾ ਹੈ ਕਿ ਉਨ੍ਹਾਂ ਨੇ ਹਾਲ ਦੀ ਦੇ ਵਿੱਚ ਫ਼ਾਰਮ ਹਾਊਸ ਦਾ ਦੌਰਾ ਕੀਤਾ ਸੀ ਅਤੇ ਕੁਝ ਬੂਟੇ ਲਗਾਏ ਸੀ। ਹਾਲਾਂਕਿ ਨਾਗਾਅਰਜੁਨ ਕੁਝ ਆਰਗੇਨਿਕ ਖੇਤੀ ਕਰਨ ਦੇ ਇੱਛੁਕ ਹਨ। ਇਸ ਮਾਮਲੇ 'ਤੇ ਪੁਲਿਸ ਕੀ ਕਾਰਵਾਈ ਕਰਦੀ ਹੈ ਇਹ ਤਾਂ ਵਕਤ ਹੀ ਤੈਅ ਕਰੇਗਾ।
