'ਪਲ ਪਲ ਦਿਲ ਕੇ ਪਾਸ' ਦਾ ਟੀਜ਼ਰ ਰਿਲੀਜ਼

ਸਨੀ ਦਿਓਲ ਦੇ ਮੁੰਡੇ ਕਰਨ ਦਿਓਲ ਦੀ ਫ਼ਿਲਮ ਦਾ ਟੀਜ਼ਰ ਰਿਲੀਜ਼ ਹੋ ਗਿਆ ਹੈ। ਫ਼ਿਲਮ ਦਾ ਨਾਮ 'ਪਲ ਪਲ ਦਿਲ ਕੇ ਪਾਸ ' ਹੈ. ਇਹ ਫ਼ਿਲਮ 20 ਸਤੰਬਰ ਨੂੰ ਰਿਲੀਜ਼ ਹੋਵੇਗੀ। ਇਹ ਫ਼ਿਲਮ ਇੱਕ ਰੋਮਾਂਟਿਕ ਡਰਾਮਾ ਹੋਵੇਗੀ ਜੋ ਟੀਜ਼ਰ ਵਿੱਚ ਸਾਫ਼ ਸਾਫ਼ ਦੇਖਿਆ ਜਾ ਸਕਦਾ ਹੈ।

ਮੁਬੰਈ: ਬਾਲੀਵੁੱਡ ਅਦਾਕਾਰ ਸੰਨੀ ਦਿਉਲ ਆਪਣੇ ਮੁੰਡੇ ਕਰਨ ਦਿਉਲ ਨੂੰ ਲਾਂਚ ਕਰਨ ਜਾ ਰਹੇ ਹਨ। ਕਰਨ ਦਿਉਲ ਖ਼ੁਦ ਆਪਣੇ ਪਿਤਾ ਦੀ ਦੇਖਭਾਲ ਲਈ ਬਾਲੀਵੁੱਡ ਵਿੱਚ ਕਦਮ ਰੱਖ ਰਹੇ ਹਨ। ਕਰਨ ਦਿਉਲ 'ਪਲ ਪਲ ਦਿਲ ਕੇ ਪਾਸ' ਤੋਂ ਫ਼ਿਲਮਾਂ ਦੀ ਸ਼ੁਰੂਆਤ ਕਰਨ ਜਾ ਰਹੇ ਹਨ। ਇਸ ਫ਼ਿਲਮ ਦੀ ਚਰਚਾ ਕਾਫ਼ੀ ਸਮੇਂ ਤੋਂ ਹੋ ਰਹੀ ਹੈ। ਫਿਲਮ ਦੀ ਸ਼ੂਟਿੰਗ ਖ਼ਤਮ ਹੋ ਗਈ ਹੈ ਅਤੇ ਟੀਜ਼ਰ ਹੁਣ ਰਿਲੀਜ਼ ਹੋ ਗਿਆ ਹੈ।
ਖ਼ਾਸ ਗੱਲ ਇਹ ਹੈ ਕਿ ਸੰਨੀ ਦਿਓਲ ਇਸ ਫ਼ਿਲਮ ਨਾਲ ਆਪਣੇ ਬੇਟੇ ਨੂੰ ਇੰਡਸਟਰੀ 'ਚ ਲਿਆ ਰਹੇ ਹਨ। ਫ਼ਿਲਮ ਨੂੰ ਸੰਨੀ ਦਿਓਲ ਨੇ ਹੀ ਡਾਇਰੈਕਟ ਕੀਤਾ ਹੈ। ਹਾਲ ਹੀ ਵਿੱਚ ਫ਼ਿਲਮ ਦਾ ਟੀਜ਼ਰ ਜਾਰੀ ਕੀਤਾ ਗਿਆ ਹੈ। ਫ਼ਿਲਮ ਦਾ ਟੀਜ਼ਰ ਦੇਖਣ ਨੂੰ ਸ਼ਾਨਦਾਰ ਲੱਗ ਰਿਹਾ ਹੈ। ਇਸ ਫ਼ਿਲਮ ਦਾ ਟ੍ਰੇਲਰ ਵੀ ਖੂਬਸੂਰਤ ਹੋਵੇਗਾ।
ਟੀਜ਼ਰ 'ਚ ਦੇਖਿਆ ਜਾ ਸਕਦਾ ਹੈ ਕਿ ਕਿਵੇਂ ਸਨੀ ਦਿਉਲ ਦਾ ਮੁੰਡਾ(ਕਰਨ ਦਿਉਲ) ਆਪਣੀ ਹੀਰੋਇਨ ਨਾਲ ਫਲਰਟ ਕਰਦੇ ਦਿਖਾਈ ਦੇ ਰਿਹਾ ਹੈ। ਟੀਜ਼ਰ ਸੁੰਦਰ ਬਰਫ਼ ਦੀਆਂ ਪਹਾੜੀਆਂ ਨਾਲ ਸ਼ੁਰੂ ਹੁੰਦਾ ਹੈ। ਟੀਜ਼ਰ ਵਿੱਚ ਕੋਈ ਸੰਵਾਦ ਨਹੀਂ ਹਨ, ਪਰ ਹਾਂ, ਕਰਨ ਦਿਉਲ ਅਤੇ ਫ਼ਿਲਮ ਦੀ ਹੀਰੋਇਨ ਸਹਾਰ ਭਾਂਬਾ ਦਾ ਰੋਮਾਂਸ ਜ਼ਰੂਰ ਵੇਖਿਆ ਗਿਆ ਹੈ।
ਨੇੜੇ ਟੀਜ਼ਰ ਦੇ ਅੰਤ ਵਿੱਚ ਇੱਕ ਗਾਣਾ ਸੁਣਨ ਨੂੰ ਮਿਲਦਾ ਹੈ। ਇਹ ਸੰਗੀਤਕ ਰੋਮਾਂਟਿਕ ਹੈ, ਜੋ ਦਰਸ਼ਕਾਂ ਨੂੰ ਪਸੰਦ ਆਵੇਗਾ, ਜਦੋਂ ਇਸ ਸਾਲ ਫਰਵਰੀ ਵਿੱਚ ਫ਼ਿਲਮ ਦੇ ਪੋਸਟਰ ਆਇਆ ਸੀ, ਤਾਂ ਫ਼ਿਲਮ ਦੀ ਰਿਲੀਜ਼ ਦੀ ਤਾਰੀਖ ਦਾ ਖੁਲਾਸਾ ਹੋਇਆ ਸੀ।
ਫ਼ਿਲਮ 19 ਜੁਲਾਈ ਨੂੰ ਰਿਲੀਜ਼ ਕੀਤੀ ਜਾਣੀ ਸੀ, ਪਰ ਅਫ਼ਸੋਸ ਬਾਅਦ ਵਿੱਚ ਫ਼ਿਲਮ ਦੀ ਰਿਲੀਜ਼ ਦੀ ਤਾਰੀਕ ਬਦਲ ਦਿੱਤੀ ਗਈ। ਹਾਲਾਂਕਿ, ਹੁਣ ਇਹ ਫ਼ਿਲਮ 20 ਸਤੰਬਰ ਨੂੰ ਰਿਲੀਜ਼ ਹੋਵੇਗੀ। ਅਜੇ ਦੋ ਦਿਨ ਪਹਿਲਾਂ ਹੀ ਸੰਨੀ ਦਿਉਲ ਨੇ ਇਸ ਬਾਰੇ ਜਾਣਕਾਰੀ ਦਿੱਤੀ ਸੀ। ਇਸ ਫ਼ਿਲਮ ਲਈ ਸੰਨੀ ਦਿਓਲ ਨੇ ਵੀ ਸਖ਼ਤ ਮਿਹਨਤ ਕੀਤੀ ਹੈ। ਲੰਬੇ ਸਮੇਂ ਤੋਂ ਸੰਨੀ ਫ਼ਿਲਮ ਲਈ ਕਿਸੇ ਹੀਰੋਇਨ ਦੀ ਭਾਲ ਕਰ ਰਹੇ ਸੀ ਅਤੇ ਉਸ ਦੀ ਭਾਲ ਸ਼ਿਮਲਾ ਵਿੱਚ ਖਤਮ ਹੋ ਗਈ। ਫਿਲਮ ਦੀ ਸ਼ੂਟਿੰਗ ਮਨਾਲੀ, ਸ਼ਿਮਲਾ ਸਮੇਤ ਕਈ ਹੋਰ ਥਾਵਾਂ 'ਤੇ ਹੋਈ ਹੈ।