ਹੈਦਰਾਬਾਦ: ਫ਼ਿਲਮ ਨਿਰਦੇਸ਼ਕ ਨਿਸ਼ੀਕਾਂਤ ਕਾਮਤ ਜਿਗਰ ਸਿਰੋਸਿਸ ਦੇ ਪੀੜਤ ਹਨ। ਇਸ ਬਿਮਾਰੀ ਕਾਰਨ ਉਹ ਪਿਛਲੇ 10 ਦਿਨਾਂ ਤੋਂ ਹੈਦਰਾਬਾਦ ਦੇ ਇੱਕ ਨਿੱਜੀ ਹਸਪਤਾਲ ਵਿੱਚ ਦਾਖ਼ਲ ਹਨ। ਉਨ੍ਹਾਂ ਦੀ ਹਾਲਤ ਬਹੁਤ ਗੰਭੀਰ ਦੱਸੀ ਜਾ ਰਹੀ ਹੈ।
ਦੱਸਿਆ ਜਾ ਰਿਹਾ ਹੈ ਕਿ ਉਨ੍ਹਾਂ ਨੂੰ ਲੰਬੇ ਸਮੇਂ ਤੋਂ ਜਿਗਰ ਦੀ ਸਮੱਸਿਆ ਸੀ, ਜੋ ਇੱਕ ਵਾਰ ਫਿਰ ਤੋਂ ਵੱਧ ਗਈ ਹੈ। ਇਸ ਕਾਰਨ ਨਿਸ਼ੀਕਾਂਤ ਨੂੰ ਹੈਦਰਾਬਾਦ ਦੇ ਇੱਕ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਹੈ, ਜਿਥੇ ਉਹ ਆਈਸੀਯੂ ਵਿੱਚ ਹਨ।
ਨਿਸ਼ੀਕਾਂਤ ਨੇ ਆਪਣੇ ਫ਼ਿਲਮੀ ਕਰੀਅਰ ਦੀ ਸ਼ੁਰੂਆਤ ਬਤੌਰ ਨਿਰਦੇਸ਼ਕ ਮਰਾਠੀ ਫ਼ਿਲਮ 'ਡੋਂਬਿਵਲੀ ਫਾਸਟ' ਨਾਲ ਕੀਤੀ ਸੀ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਰਿਤੇਸ਼ ਦੇਸ਼ਮੁਖ ਅਤੇ ਰਾਧਿਕਾ ਆਪਟੇ ਵਰਗੀਆਂ ਹਿੱਟ ਫਿਲਮਾਂ 'ਲਯ ਭਾਰੀ' ਅਤੇ 'ਫੁੱਗੇ' ਵਰਗੀਆਂ ਫਿਲਮਾਂ ਦਾ ਨਿਰਦੇਸ਼ਨ ਕੀਤਾ ਸੀ। ਮਰਾਠੀ ਫ਼ਿਲਮ ' ਸਾਤਾਚਯਾ ਆਤ ਘਰਾਤ' ਲਿਖਣ ਤੋਂ ਇਲਾਵਾ, ਉਨ੍ਹਾਂ ਨੇ ਇਸ ਫ਼ਿਲਮ ਵਿੱਚ ਅਦਾਕਾਰੀ ਵੀ ਕੀਤੀ ਹੈ।
2006 ਵਿੱਚ, ਉਨ੍ਹਾਂ ਨੇ ਬਾਲੀਵੁੱਡ ਵਿੱਚ ਐਂਟਰੀ ਕੀਤੀ ਅਤੇ 2008 ਵਿੱਚ ਮੁੰਬਈ ਬੰਬ ਧਮਾਕੇ ‘ਤੇ ਅਧਾਰਤ ਫ਼ਿਲਮ‘ ਮੁੰਬਈ ਮੇਰੀ ਜਾਨ ’ਬਣਾਈ।
ਫਿਰ ਉਨ੍ਹਾਂ ਨੇ ਅਜੈ ਦੇਵਗਨ ਸਟਾਰਰ ਫ਼ਿਲਮ 'ਦ੍ਰਿਸ਼ਯਮ', ਇਰਫਾਨ ਖ਼ਾਨ ਦੀ 'ਮਦਾਰੀ' ਅਤੇ ਜੌਨ ਅਬ੍ਰਾਹਮ 'ਫੋਰਸ' ਅਤੇ 'ਰੌਕੀ ਹੈਂਡਸਮ' ਵਰਗੀਆਂ ਫਿਲਮਾਂ ਦਾ ਨਿਰਦੇਸ਼ਨ ਕੀਤਾ।
ਨਿਰਦੇਸ਼ਨ ਤੋਂ ਇਲਾਵਾ ਨਿਸ਼ੀਕਾਂਤ ਕਾਮਤ ਨੇ ਕੁਝ ਹਿੰਦੀ ਫਿਲਮਾਂ ਵਿੱਚ ਵੀ ਕੰਮ ਕੀਤਾ ਹੈ। ਉਨ੍ਹਾਂ ਨੇ ਫ਼ਿਲਮ 'ਭਾਵੇਸ਼ ਜੋਸ਼ੀ' ਵਿੱਚ ਕੰਮ ਕੀਤਾ ਸੀ। ਇਸ ਤੋਂ ਇਲਾਵਾ ਉਹ ਜੌਨ ਅਬ੍ਰਾਹਮ ਸਟਾਰਰ ਫ਼ਿਲਮ 'ਰਾਕੀ ਹੈਂਡਸਮ' ਵਿੱਚ ਨਕਾਰਾਤਮਕ ਭੂਮਿਕਾ ਵਿੱਚ ਦਿਖਾਈ ਦਿੱਤੀ ਸੀ।
ਆਉਣ ਵਾਲੇ ਪ੍ਰੋਜੈਕਟਾਂ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਕੋਲ ‘ਦਰਬਦਰ’ ਨਾਂਅ ਦੀ ਇੱਕ ਫ਼ਿਲਮ ਹੈ ਜੋ 2022 ਵਿੱਚ ਰਿਲੀਜ਼ ਹੋਣ ਦੀ ਉਮੀਦ ਹੈ।
ਇਹ ਵੀ ਪੜ੍ਹੋ:ਅਦਾਕਾਰ ਸੰਜੇ ਦੱਤ ਨੂੰ ਫੇਫੜਿਆਂ ਦਾ ਕੈਂਸਰ, ਇਲਾਜ ਲਈ ਜਾਣਗੇ ਅਮਰੀਕਾ
