'ਮੈਂਟਲ ਹੈ ਕਿਆ' ਨਹੀਂ ਹੋਵੇਗੀ 29 ਮਾਰਚ ਨੂੰ ਰਿਲੀਜ਼

ਰਾਜਕੁਮਾਰ ਰਾਵ ਤੇ ਕੰਗਨਾ ਰਣੌਤ ਦੀ ਫਿਲਮ 'ਮੈਂਟਲ ਹੈ ਕਿਆ' ਇਸ ਸਾਲ 29 ਮਾਰਚ ਨੂੰ ਰਿਲੀਜ਼ ਕੀਤੀ ਜਾਣੀ ਸੀ , ਪਰ ਹੁਣ ਇਸ ਫ਼ਿਲਮ ਰਿਲੀਜ਼ ਦੀ ਤਾਰਿਖ ਅੱਗੇ ਕਰ ਦਿੱਤੀ ਗਈ ਹੈ ।

ਹੈਦਰਾਬਾਦ :ਪਿੱਛਲੇ ਸਾਲ ਮਾਰਚ 'ਚ ਰਾਜਕੁਮਾਰ ਰਾਵ ਤੇ ਕੰਗਨਾ ਰਣੌਤ ਦੀ ਫਿਲਮ 'ਮੈਂਟਲ ਹੈ ਕਿਆ' ਦੀ ਪਹਿਲੀ ਦਿੱਖ ਜਾਰੀ ਕੀਤੀ ਗਈ ਸੀ । ਇਸ ਪਹਿਲੀ ਦਿੱਖ ਤੋਂ ਬਾਅਦ ਦਰਸ਼ਕਾਂ 'ਚ ਇਸ ਫ਼ਿਲਮ ਨੂੰ ਦੇਖਣ ਦੀ ਉਤਸੁਕਤਾ ਵੱਧ ਗਈ ਸੀ । ਇਸ ਫ਼ਿਲਮ ਨੂੰ ਰਿਲੀਜ਼ ਕਰਨ ਦੀ ਤਾਰੀਕ ਇਸ ਸਾਲ 29 ਮਾਰਚ ਤੈਅ ਕੀਤੀ ਗਈ ਸੀ।ਪਰ ਹੁਣ ਖ਼ਬਰ ਇਹ ਆ ਰਹੀ ਹੈ ਕਿ ਇਹ ਫ਼ਿਲਮ 29 ਮਾਰਚ ਨੂੰ ਨਹੀਂ ਬਲਕਿ ਮਈ ਦੇ ਵਿੱਚ ਰਿਲੀਜ਼ ਹੋਵੇਗੀ ।
ਇਸ ਦਾ ਕਾਰਨ ਇਹ ਦੱਸਿਆ ਜਾ ਰਿਹਾ ਹੈ ਕਿ ਕੰਗਨਾ ਰਣੌਤ ਚਾਹੁੰਦੀ ਹੈ ਕਿ ਉਸ ਦੀ ਫ਼ਿਲਮ ਥੋੜ੍ਹੀ ਦੇਰ ਨਾਲ ਰਿਲੀਜ਼ ਕੀਤੀ ਜਾਵੇ ਕਿਉਂਕਿ ਕੰਗਨਾ ਦੀ ਫਿਲਮ 'ਮਣੀਕਰਣਿਕਾ' ਹਾਲੇ ਵੀ ਥੀਏਟਰ 'ਚ ਚੱਲ ਰਹੀ ਹੈ।
ਦੱਸ ਦਈਏ ਕਿ ਪ੍ਰਕਾਸ਼ ਕੋਵਲਾਮੁਦੀ ਦੀ ਇਹ ਫਿਲਮ 'ਮੈਂਟਲ ਹੈ ਕਿਆ' ਇਕ ਆਫਬੀਟ ਫਿਲਮ ਹੈ, ਜਿਸ 'ਚ ਮਾਨਸਿਕ ਬਿਮਾਰੀ ਨੂੰ ਫੋਕਸ ਕੀਤਾ ਗਿਆ ਹੈ।