ਹੈਦਰਾਬਾਦ: ਇਲੈਕਟ੍ਰਾਨਿਕਸ ਅਤੇ ਸੂਚਨਾ ਤਕਨਾਲੋਜੀ ਮੰਤਰਾਲੇ ਨੇ 2 ਸਤੰਬਰ ਨੂੰ 118 ਚੀਨੀ ਮੋਬਾਈਲ ਐਪਸ 'ਤੇ ਪਾਬੰਦੀ ਲਗਾਈ ਸੀ, ਜਿਸ ਵਿੱਚ ਪ੍ਰਸਿੱਧ ਗੇਮ ਪਬਜੀ ਵੀ ਸ਼ਾਮਲ ਹੈ। ਇਸ ਐਪ 'ਤੇ ਪਾਬੰਦੀ ਲਗਾਈ ਗਈ ਸੀ ਕਿਉਂਕਿ ਇਹ ਅਜਿਹੀਆਂ ਗਤੀਵਿਧੀਆਂ ਵਿੱਚ ਲੱਗੀ ਹੋਈ ਹੈ ਜੋ ਭਾਰਤ ਦੀ ਪ੍ਰਭੂਸੱਤਾ ਅਤੇ ਅਖੰਡਤਾ, ਭਾਰਤ ਦੀ ਰੱਖਿਆ, ਰਾਜ ਦੀ ਸੁਰੱਖਿਆ ਤੇ ਜਨਤਕ ਵਿਵਸਥਾ ਨੂੰ ਨੁਕਸਾਨ ਪਹੁੰਚਾਉਂਦੀਆਂ ਹਨ।
ਇਲੈਕਟ੍ਰਾਨਿਕਸ ਅਤੇ ਸੂਚਨਾ ਤਕਨਾਲੋਜੀ ਮੰਤਰਾਲੇ ਨੇ ਕਿਹਾ ਕਿ ਇਹ ਕਦਮ ਕਰੋੜਾਂ ਭਾਰਤੀ ਮੋਬਾਈਲ ਅਤੇ ਇੰਟਰਨੈਟ ਉਪਭੋਗਤਾਵਾਂ ਦੇ ਹਿੱਤਾਂ ਦੀ ਰੱਖਿਆ ਕਰੇਗਾ। ਇਹ ਫੈਸਲਾ ਭਾਰਤੀ ਸਾਈਬਰ ਸਪੇਸ ਦੀ ਸੁਰੱਖਿਆ ਅਤੇ ਪ੍ਰਭੂਸੱਤਾ ਨੂੰ ਯਕੀਨੀ ਬਣਾਉਣ ਲਈ ਇੱਕ ਵੱਡਾ ਕਦਮ ਹੈ।
ਇੰਡੀਆ ਸੈਲਫ ਮੀਟਰ ਰੀਡਿੰਗ ਐਪ ਦੇ ਸਹਿ-ਸੰਸਥਾਪਕ ਸਿਕੰਦਰ ਰੈਡੀ ਥਾਂਦਰਾ ਨੇ ਕਿਹਾ ਕਿ, ਭਾਰਤ ਦੇ ਤਕਨੀਕੀ ਉੱਦਮੀਆਂ ਲਈ ਇਹ ਇਕ ਵਿਸ਼ੇਸ਼ ਤੌਰ 'ਤੇ ਚੰਗਾ ਮੌਕਾ ਹੈ ਜੋ ਐਪ ਵਿਕਾਸ ਦੇ ਖੇਤਰ 'ਚ ਕੰਮ ਕਰਦੇ ਹਨ। ਆਪਣੇ-ਆਪਣੇ ਖੇਤਰਾਂ 'ਚ, ਉਹ ਐਪ ਬੈਨ ਦਾ ਫਾਇਦਾ ਲੈ ਸਕਦੇ ਹਨ। ਨਾਲ ਹੀ ਕੁਝ ਹੋਰ ਸੰਭਾਵਿਤ ਐਪਸ ਉਨ੍ਹਾਂ ਦੇ ਉਤਪਾਦ ਸ਼੍ਰੇਣੀ ਵਿੱਚ ਸ਼ਾਮਿਲ ਕੀਤੇ ਜਾ ਸਕਦੇ ਹਨ।
ਇਲੈਕਟ੍ਰਾਨਿਕਸ ਅਤੇ ਸੂਚਨਾ ਤਕਨਾਲੋਜੀ ਮੰਤਰਾਲੇ ਦੇ ਬਿਆਨ 'ਚ ਕਿਹਾ ਗਿਆ ਹੈ ਕਿ ਇਸ ਨੂੰ ਵੱਖ-ਵੱਖ ਸਰੋਤਾਂ ਤੋਂ ਕਈ ਸ਼ਿਕਾਇਤਾਂ ਮਿਲੀਆਂ ਹਨ, ਜਿਨ੍ਹਾਂ ਵਿੱਚ ਐਂਡਰਾਇਡ ਅਤੇ ਆਈਓਐਸ ਪਲੇਟਫਾਰਮ 'ਤੇ ਉਪਲੱਬਧ ਕੁਝ ਮੋਬਾਈਲ ਐਪਸ ਦੀ ਦੁਰਵਰਤੋਂ ਬਾਰੇ ਰਿਪੋਰਟਾਂ ਵੀ ਸ਼ਾਮਲ ਹਨ। ਇਹ ਮੋਬਾਈਲ ਐਪ ਲਗਾਤਾਰ ਚੋਰੀ ਕਰਕੇ ਅਤੇ ਅਣਅਧਿਕਾਰਤ ਤਰੀਕੇ ਨਾਲ ਉਪਭੋਗਤਾਵਾਂ ਦਾ ਡਾਟਾ ਭਾਰਤ ਤੋਂ ਬਾਹਰ ਸਥਿਤ ਸਰਵਰਾਂ ਨੂੰ ਦਿੰਦੀਆਂ ਹਨ।
“ਉਪਭੋਗਤਾ ਦੇ ਸਾਹਮਣੇ ਪੀਯੂਬੀਜੀ ਵਰਗੇ ਆਨਲਾਈਨ ਗੇਮਿੰਗ ਐਪਲੀਕੇਸ਼ਨਜ਼ ਦੇ ਲਈ ਪੇਸ਼ ਕੀਤੇ ਗਏ ਹਨ, ਜਿਸ ਨੇ ਭਾਰਤੀ ਆਬਾਦੀ ਵਿੱਚ ਇੱਕ ਮੰਗ ਪੈਦਾ ਕੀਤੀ ਹੈ। ਸੀਐਮਆਈਆਈ ਐਸੋਸੀਏਸ਼ਨ ਆਫ਼ ਇੰਡੀਆ ਦੇ ਡਾਇਰੈਕਟਰ ਆਯੁਸ਼ ਵਰਮਾ ਨੇ ਕਿਹਾ ਕਿ ਇਨ੍ਹਾਂ ਐਪਲੀਕੇਸ਼ਨਾਂ ਦੀ ਵਰਤੋਂ ਨਾਲ ਭਾਰਤ ਦੇ ਨੌਜਵਾਨਾਂ ਜਾਂ ਇੰਜੀਨੀਅਰਿੰਗ ਦੇ ਵਿਦਿਆਰਥੀਆਂ ਨੂੰ ਨਵੀਨਤਾ ਲਿਆਉਣ ਅਤੇ ਇਸੇ ਤਰ੍ਹਾਂ ਦੀਆਂ ਖੇਡਾਂ ਬਣਾਉਣ ਲਈ ਉਤਸ਼ਾਹਿਤ ਕੀਤਾ ਗਿਆ ਹੈ।
ਇਲੈਕਟ੍ਰਾਨਿਕਸ ਅਤੇ ਸੂਚਨਾ ਤਕਨਾਲੋਜੀ ਮੰਤਰਾਲੇ ਦੇ ਇੱਕ ਬਿਆਨ 'ਚ ਕਿਹਾ ਗਿਆ ਹੈ ਕਿ, ਇਨ੍ਹਾਂ ਅੰਕੜਿਆਂ ਦਾ ਸੰਗ੍ਰਿਹ ਭਾਰਤ ਦੀ ਰਾਸ਼ਟਰੀ ਸੁਰੱਖਿਆ ਅਤੇ ਰੱਖਿਆ ਲਈ ਦੁਸ਼ਮਣ ਤੱਤਾਂ ਦੁਆਰਾ ਖਣਨ ਤੇ ਪਰੋਫਾਈਲ ਕਰਨਾ ਹੈ, ਜੋ ਆਖਰਕਾਰ ਭਾਰਤ ਦੀ ਪ੍ਰਭੂਸੱਤਾ ਅਤੇ ਅਖੰਡਤਾ 'ਤੇ ਥੋੜ੍ਹੀ ਜਿਹੀ ਡੂੰਘੀ ਅਤੇ ਤੁਰੰਤ ਚਿੰਤਾ ਦਾ ਵਿਸ਼ਾ ਹੈ ਜਿਸ ਦੇ ਲਈ ਐਮਰਜੈਂਸੀ ਉਪਾਵਾਂ ਦੀ ਜ਼ਰੂਰਤ ਹੈ।
ਬਿਆਨ 'ਚ ਇਹ ਵੀ ਕਿਹਾ ਗਿਆ ਹੈ ਕਿ ਗ੍ਰਹਿ ਮੰਤਰਾਲੇ ਅਧੀਨ ਆਉਂਦੇ ਭਾਰਤੀ ਸਾਈਬਰ ਕ੍ਰਾਈਮ ਕੋਆਰਡੀਨੇਸ਼ਨ ਸੈਂਟਰ ਨੇ ਵੀ ਇਨ੍ਹਾਂ ਖ਼ਤਰਨਾਕ ਐਪਸ ਨੂੰ ਰੋਕਣ ਲਈ ਪੂਰੀ ਸਿਫ਼ਾਰਿਸ਼ ਭੇਜੀ ਹੈ। ਇਸੇ ਤਰ੍ਹਾਂ ਵੱਖ ਵੱਖ ਜਨਤਕ ਪ੍ਰਤੀਨਿਧੀਆਂ ਨੇ ਭਾਰਤ ਦੀ ਸੰਸਦ ਦੇ ਬਾਹਰ ਅਤੇ ਅੰਦਰ ਵੀ ਇਸੇ ਤਰ੍ਹਾਂ ਦੀਆਂ ਚਿੰਤਾਵਾਂ ਉਠਾਈਆਂ ਹਨ। ਇਸ ਤੋਂ ਇਲਾਵਾ, ਜਨਤਕ ਥਾਂ 'ਤੇ ਉਨ੍ਹਾਂ ਐਪਸ ਵਿਰੁੱਧ ਸਖ਼ਤ ਕਾਰਵਾਈ ਕਰਨ ਲਈ ਜ਼ੋਰਦਾਰ ਸਮਰਥਨ ਦਿੱਤਾ ਗਿਆ ਹੈ ਜੋ ਭਾਰਤ ਦੀ ਪ੍ਰਭੂਸੱਤਾ ਦੇ ਨਾਲ ਨਾਲ ਸਾਡੇ ਨਾਗਰਿਕਾਂ ਦੀ ਨਿੱਜਤਾ ਨੂੰ ਨੁਕਸਾਨ ਪਹੁੰਚਾਉਂਦੇ ਹਨ।
ਟੀਈਐਮਏ ਦੇ ਪ੍ਰੋਫੈਸਰ ਐਨ ਕੇ ਗੋਇਲ ਨੇ ਕਿਹਾ ਕਿ, ਟੀਈਐਮਏ ਨੇ ਪਬਜੀ ਅਤੇ 117 ਚੀਨੀ ਐਪਸ ’ਤੇ ਪਾਬੰਦੀ ਲਗਾਉਣ ਨੂੰ ਲੈ ਕੇ ਪ੍ਰਧਾਨ ਮੰਤਰੀ ਦਾ ਧੰਨਵਾਦ ਕੀਤਾ। ਅਸੀਂ ਇਹ ਕਦਮ ਨਾ ਸਿਰਫ ਸਰਹੱਦ ਦੀ ਗੜਬੜੀ ਕਾਰਨ ਦੇਖ ਕੇ ਬਹੁਤ ਖੁਸ਼ ਹਾਂ, ਬਲਕਿ ਇਹ ਐਪਸ ਸਮਾਜਿਕ ਸਭਿਆਚਾਰ ਅਤੇ ਭਾਰਤੀ ਗਿਆਨ ਨੂੰ ਵੀ ਵਿਗਾੜ ਰਹੇ ਹਨ।
ਇਲੈਕਟ੍ਰਾਨਿਕਸ ਅਤੇ ਸੂਚਨਾ ਤਕਨਾਲੋਜੀ ਮੰਤਰਾਲੇ ਨੇ ਕਿਹਾ ਹੈ ਕਿ, ਹਾਲ ਹੀ ਵਿੱਚ ਭਰੋਸੇਯੋਗ ਇਨਪੁਟਸ ਤੋਂ ਮਿਲੀ ਜਾਣਕਾਰੀ ਦੇ ਅਧਾਰ 'ਤੇ, ਇਹ ਪਤਾ ਲੱਗਿਆ ਹੈ ਕਿ ਇਹ ਐਪਸ ਡਾਟਾ ਇਕੱਤਰ ਕਰਦੇ ਹਨ ਅਤੇ ਉਪਭੋਗਤਾਵਾਂ ਦੇ ਨਿੱਜੀ ਡੇਟਾ ਤੇ ਜਾਣਕਾਰੀ ਨੂੰ ਸਾਂਝਾ ਕਰਦੇ ਹਨ। ਜਿਸ ਕਾਰਨ ਉਪਰੋਕਤ ਜ਼ਿਕਰ ਕੀਤੀਆਂ ਐਪਲੀਕੇਸ਼ਨਾਂ ਦੀ ਡਾਟਾ ਵੇਚਣ ਦਾ ਕੰਮ ਗੰਭੀਰ ਚਿੰਤਾਵਾਂ ਪੈਦਾ ਕਰਦਾ ਹੈ।
ਪਬਜੀ ਦੇ ਖਿਡਾਰੀ ਅਨੀਮਸ਼ ਮਿਸ਼ਰਾ ਦਾ ਕਹਿਣਾ ਹੈ ਕਿ, ਜ਼ਿੰਦਗੀ ਬਰਬਾਦ ਹੋ ਗਈ, ਹੁਣ ਟਾਈਮ ਪਾਸ ਲਈ ਮੈਂ ਕੀ ਕਰਾਂਗਾ ਅਤੇ ਪਬਜੀ ਦੇ ਨਮਨ ਮਾਥੁਰ ਉਰਫ ਮੋਰਟਲ ਵਰਗੇ ਖਿਡਾਰੀ ਦਾ ਕੀ ਹੋਵੇਗਾ। ਸਾਨੂੰ ਆਪਣਾ ਸਮਾਂ ਕਿਵੇਂ ਬਿਤਾਉਣਾ ਚਾਹੀਦਾ ਹੈ, ਸਰਕਾਰ ਨੂੰ ਘੱਟੋ ਘੱਟ ਇਕ ਮਹੀਨਾ ਪਹਿਲਾਂ ਸੂਚਿਤ ਕਰਨਾ ਚਾਹੀਦਾ ਹੈ ਜਾਂ ਇਸ ਖੇਡ ਦਾ ਕੋਈ ਬਦਲ ਹੋਣਾ ਚਾਹੀਦਾ ਹੈ।
ਅਨੀਮੇਸ਼ ਮਿਸ਼ਰਾ ਦੇ ਦੋਸਤ ਪ੍ਰੀਤਮ ਕਸ਼ਯਪ ਦਾ ਕਹਿਣਾ ਹੈ ਕਿ, ਹਾਲਾਂਕਿ ਮੈਂ ਇਕ ਪਬਜੀ ਖਿਡਾਰੀ ਨਹੀਂ ਹਾਂ, ਪਰ ਇਹ ਖੇਡ ਭਾਰਤ ਵਿੱਚ ਬਹੁਤ ਮਸ਼ਹੂਰ ਸੀ। ਇਸ ਲਈ, ਭਵਿੱਖ ਵਿੱਚ, ਪਲੇਅ ਸਟੋਰ ਜਾਂ ਕਿਸੇ ਵੀ ਪਲੇਟਫਾਰਮ ਦੁਆਰਾ ਲਾਂਚ ਕੀਤੀ ਗਈ ਕਿਸੇ ਵੀ ਗੇਮ ਦੀ ਸੁਰੱਖਿਆ ਦੇ ਸਾਰੇ ਪਹਿਲੂਆਂ ਦੀ ਪਹਿਲਾਂ ਜਾਂਚ ਕੀਤੀ ਜਾਣੀ ਚਾਹੀਦੀ ਹੈ। ਕਿਉਂਕਿ ਇਹ ਮਾਨਸਿਕ ਅਤੇ ਭਾਵਨਾਤਮਕ ਤੌਰ 'ਤੇ ਉਨ੍ਹਾਂ ਲੋਕਾਂ ਨੂੰ ਪ੍ਰਭਾਵਿਤ ਕਰੇਗਾ ਜੋ ਇਹ ਗੇਮ ਖੇਡ ਰਹੇ ਸਨ।
ਕਸ਼ਯਪ ਨੇ ਅੱਗੇ ਕਿਹਾ ਹੈ ਕਿ, ਚੀਨ ਨੂੰ ਛੱਡ ਕੇ ਪਬਜੀ ਵਿਸ਼ਵ ਪੱਧਰ 'ਤੇ 600 ਮਿਲੀਅਨ ਤੋਂ ਵੱਧ ਡਾਉਨਲੋਡ ਅਤੇ 50 ਮਿਲੀਅਨ ਸਰਗਰਮ ਖਿਡਾਰੀਆਂ ਦੇ ਨਾਲ ਇੱਕ ਬਹੁਤ ਮਸ਼ਹੂਰ ਖੇਡ ਹੈ। ਇਸ ਲਈ ਉਹ ਖਿਡਾਰੀ ਜਿਨ੍ਹਾਂ ਨੇ ਬਰੌਨਜ਼ ਟੀਅਰ ਤੋਂ ਦਿ ਕਾਂਕਰਰ ਟੀਅਰ ਬਰੈਕੇਟ ਹਾਸਿਲ ਕਰਨ ਵਾਲੇ ਖਿਡਾਰੀ ਜ਼ਰੂਰ ਦੁਖੀ ਹੋਣਗੇ।
