ਹੈਦਰਾਬਾਦ: ਇੰਸਟਾਗ੍ਰਾਮ ਦੇ ਮੁਖੀ ਐਡਮ ਮੋਸੇਰੀ ਨੇ ਕਿਹਾ ਕਿ ਆਉਣ ਵਾਲੇ ਮਹੀਨਿਆਂ ਵਿੱਚ ਇੰਸਟਾਗ੍ਰਾਮ ਉੱਤੇ ਕੁਝ ਵੱਡੀਆਂ ਤਬਦੀਲੀਆਂ ਹੋਣਗੀਆਂ, ਜਿਵੇਂ ਕਿ ਰੀਲਸ ਅਤੇ ਖ਼ਰੀਦਦਾਰੀ ਦੇ ਲਈ ਟੈਬਾਂ ਅਤੇ ਕੁੱਝ ਮੈਸੇਜਿੰਗ ਦੇ ਵੱਡੇ ਸੁਧਾਰ ਆਦਿ।
ਲੋਕਾਂ ਨੇ ਇੰਸਟਾਗ੍ਰਾਮ ਦੀ ਵਰਤੋਂ ਕਰਦਿਆਂ ਆਪਣੇ ਆਲੇ-ਦੁਆਲੇ ਦੀ ਦੁਨੀਆਂ ਨੂੰ ਰੂਪ ਦਿੱਤਾ ਹੈ। ਵਿਸ਼ਵ ਭਰ ਵਿੱਚ ਇੰਸਟਾਗ੍ਰਾਮ ਦੀ ਵਰਤੋਂ ਕਰਦੇ ਹੋਏ ਲੋਕ ਸਮਰਥਨ ਅਤੇ ਕਨੈਕਸ਼ਨ ਲਈ ਇੱਕ ਦੂਜੇ ਨਾਲ ਜੁੜ ਸਕਦੇ ਹਨ। ਇੱਥੋਂ ਤੱਕ ਕਿ ਪੁਲਾੜ ਯਾਤਰੀ ਸਟੀਵਨ ਆਰ. ਸਵੈਨਸਨ ਨੇ 2014 ਵਿੱਚ ਇੰਸਟਾਗ੍ਰਾਮ 'ਤੇ ਪੁਲਾੜ ਤੋਂ ਅਪਲੋਡ ਕੀਤੀ ਗਈ ਪਹਿਲੀ ਸੈਲਫੀ ਵੀ ਸਾਂਝੀ ਕੀਤੀ।
ਐਡਮ ਨੇ ਅੱਗੇ ਕਿਹਾ ਕਿ ਅਸੀਂ ਕ੍ਰਿਏਟਰਾਂ ਦੇ ਲਈ ਅਤੇ ਉਨ੍ਹਾਂ ਦੇ ਉਤਪਾਦਾਂ ਨੂੰ ਵੇਚਣ ਦੇ ਲਈ ਛੋਟੇ ਕਾਰੋਬਾਰਾਂ ਦੇ ਤਰੀਕਿਆਂ ਵਿੱਚ ਤੇਜ਼ੀ ਲਿਆਂਦੀ ਜਾਵੇਗੀ। ਇਨ੍ਹਾਂ ਸਾਰੀਆਂ ਤਬਦੀਲੀਆਂ ਰਾਹੀਂ ਇੰਸਟਾਗ੍ਰਾਮ 'ਤੇ ਸਾਡੀ ਕਮਿਊਨਿਟੀ ਇੰਸਟਾਗ੍ਰਾਮ ਉੱਤੇ ਬਣੀ ਰਹੇਗੀ। ਅਸੀਂ ਲੋਕਾਂ ਨੂੰ ਸੁਰੱਖਿਅਤ ਰੱਖਣ ਅਤੇ ਧੱਕੇਸ਼ਾਹੀ ਨਾਲ ਲੜਨ, ਬਰਾਬਰੀ ਵਧਾਉਣ, ਨਿਰਪੱਖਤਾ ਲੱਭਣ ਅਤੇ ਲੋਕਾਂ ਦੀ ਮਦਦ ਕਰਨ ਵਰਗੀਆਂ ਨਵੀਆਂ ਸਹੂਲਤਾਂ ਦੇ ਨਿਰਮਾਣ 'ਤੇ ਧਿਆਨ ਕੇਂਦਰਿਤ ਕਰਾਂਗੇ।
ਐਡਮ ਮੋਸੇਰੀ ਨੇ ਬਲਾਗ ਪੋਸਟ ਵਿੱਚ ਕਲਾਸਿਕ ਇੰਸਟਾਗ੍ਰਾਮ ਲੋਕਾਂ ਦਾ ਜ਼ਿਕਰ ਵੀ ਕੀਤਾ, ਜਿਨ੍ਹਾਂ ਨੂੰ ਕੰਪਨੀ ਨੇ ਟਵੀਟ ਵੀ ਕੀਤਾ ਹੈ।
ਐਡਮ ਇਹ ਵੀ ਕਹਿੰਦਾ ਹੈ ਕਿ ਸਭਿਆਚਾਰ ਉਨ੍ਹਾਂ ਕਹਾਣੀਆਂ ਦਾ ਸੰਗ੍ਰਹਿ ਹੈ ਜੋ ਅਸੀਂ ਦੱਸਦੇ ਹਾਂ ਅਤੇ ਅਸੀਂ ਵਿਸ਼ਵਾਸ ਕਰਦੇ ਹਾਂ ਕਿ ਹਰ ਕਿਸੇ ਕੋਲ ਕੁਝ ਦੱਸਣ ਯੋਗ ਹੁੰਦਾ ਹੈ, ਪਰ ਇਹ ਅਕਸਰ ਨੌਜਵਾਨ ਅਤੇ ਸਿਰਜਣਹਾਰ ਹੁੰਦੇ ਹਨ ਜੋ ਇਨ੍ਹਾਂ ਗੱਲਬਾਤ ਦੀ ਅਗਵਾਈ ਕਰਦੇ ਹਨ ਅਤੇ ਰੁਝਾਨ ਨਿਰਧਾਰਤ ਕਰਦੇ ਹਨ। ਉਹ ਇਹ ਵੀ ਦਰਸਾਉਂਦੇ ਹਨ ਕਿ ਅੱਗੇ ਕੀ ਹੋਵੇਗਾ।
