ਨਵੀਂ ਦਿੱਲੀ: ਭਾਰਤ ਮਾਲਦੀਵ ਵਿੱਚ ਮਹੱਤਵਪੂਰਨ ਸੰਪਰਕ ਪ੍ਰਾਜੈਕਟ ਨੂੰ ਲਾਗੂ ਕਰਨ ਲਈ 40 ਕਰੋੜ ਡਾਲਰ ਦੀ ਕਰਜ਼ਾ ਸਹੂਲਤ ਅਤੇ 10 ਕਰੋੜ ਡਾਲਰ ਦੀ ਗ੍ਰਾਂਟ ਦੇਵੇਗਾ। ਵਿਦੇਸ਼ ਮੰਤਰੀ ਐਸ ਜੈਸ਼ੰਕਰ ਨੇ ਵੀਰਵਾਰ ਨੂੰ ਮਾਲਦੀਵ ਦੇ ਆਪਣੇ ਹਮਰੁਤਬਾ ਅਬਦੁੱਲਾ ਸ਼ਾਹਿਦ ਨਾਲ ਕਈ ਵਿਸ਼ਿਆਂ 'ਤੇ ਵਿਆਪਕ ਵਿਚਾਰ ਵਟਾਂਦਰੇ ਤੋਂ ਬਾਅਦ ਇਹ ਗੱਲ ਕਹੀ।
ਅਧਿਕਾਰੀਆਂ ਨੇ ਕਿਹਾ ਕਿ 6.7 ਕਿਲੋਮੀਟਰ ਦਾ ਗ੍ਰੇਟਰ ਮਾਲੇ ਕੁਨੈਕਟੀਵਿਟੀ ਪ੍ਰਾਜੈਕਟ (ਜੀਐਮਸੀਪੀ) ਮਾਲਦੀਵ ਦਾ ਸਭ ਤੋਂ ਵੱਡਾ ਨਾਗਰਿਕ ਬੁਨਿਆਦੀ ਪ੍ਰਾਜੈਕਟ ਹੋਵੇਗਾ ਜੋ ਮਾਲੇ ਨੂੰ ਤਿੰਨ ਗੁਆਂਢੀ ਟਾਪੂਆਂ- ਵਿਲਿੰਗਲੀ, ਗੁਲਹੀਫਾਹੂ ਅਤੇ ਥਿਲਫੂਸੀ ਨਾਲ ਜੋੜਦਾ ਹੈ।
ਜੀਐਮਸੀਪੀ ਦੀ ਜਾਣਕਾਰੀ ਰੱਖਣ ਵਾਲੇ ਲੋਕ ਕਹਿੰਦੇ ਹਨ ਕਿ ਇਹ ਸੱਤਾਧਾਰੀ ਐਮਡੀਪੀ ਪਾਰਟੀ ਦਾ ਵੱਡਾ ਚੋਣ ਵਾਅਦਾ ਸੀ ਜਿਸ ਲਈ ਮਾਲਦੀਵ ਦੇ ਰਾਸ਼ਟਰਪਤੀ ਇਬਰਾਹਿਮ ਮੁਹੰਮਦ ਸੋਲੀਹ ਨੇ ਪਿਛਲੇ ਸਾਲ ਸਤੰਬਰ ਵਿੱਚ ਜੈਸ਼ੰਕਰ ਨਾਲ ਇੱਕ ਮੁਲਾਕਾਤ ਦੌਰਾਨ ਭਾਰਤ ਦੀ ਮਦਦ ਦੀ ਮੰਗ ਕੀਤੀ ਸੀ।
ਜੈਸ਼ੰਕਰ ਨੇ ਟਵੀਟ ਕੀਤਾ, 'ਭਾਰਤ ਗ੍ਰੇਟਰ ਮਾਲੇ ਕੁਨੈਕਟੀਵਿਟੀ ਪ੍ਰਾਜੈਕਟ ਨੂੰ ਲਾਗੂ ਕਰਨ ਲਈ 40 ਕਰੋੜ ਡਾਲਰ ਦੀ ਕਰਜ਼ਾ ਸਹੂਲਤ ਅਤੇ 10 ਕਰੋੜ ਡਾਲਰ ਦੀ ਗ੍ਰਾਂਟ ਰਾਹੀਂ ਫੰਡ ਕਰੇਗਾ। ਇਹ 6.7 ਕਿਲੋਮੀਟਰ ਦਾ ਇੱਕ ਬ੍ਰਿਜ ਪ੍ਰਾਜੈਕਟ ਹੈ ਜੋ ਮਾਲੇ ਨੂੰ ਗੁਲੀਫਾਹੂ ਪੋਰਟ ਅਤੇ ਥਿਲਾਫੂਸੀ ਉਦਯੋਗਿਕ ਖੇਤਰ ਨਾਲ ਜੋੜਦਾ ਹੈ। ਇਸਦੇ ਨਾਲ, ਮਾਲਦੀਵ ਦੇ ਅਰਥਚਾਰੇ ਨੂੰ ਨਵੀਂ ਉਰਜਾ ਮਿਲੇਗੀ ਅਤੇ ਤਬਦੀਲੀ ਆਵੇਗੀ।
-
India will fund the implementation of Greater Male Connectivity Project through a $400 mn LOC & $100 mn grant. This 6.7 km bridge project connecting Male with Gulhifalhu Port & Thilafushi industrial zone will help revitalise and transform Maldivian economy. pic.twitter.com/OFClBpVY7l
— Dr. S. Jaishankar (@DrSJaishankar) August 13, 2020 " class="align-text-top noRightClick twitterSection" data="
">India will fund the implementation of Greater Male Connectivity Project through a $400 mn LOC & $100 mn grant. This 6.7 km bridge project connecting Male with Gulhifalhu Port & Thilafushi industrial zone will help revitalise and transform Maldivian economy. pic.twitter.com/OFClBpVY7l
— Dr. S. Jaishankar (@DrSJaishankar) August 13, 2020India will fund the implementation of Greater Male Connectivity Project through a $400 mn LOC & $100 mn grant. This 6.7 km bridge project connecting Male with Gulhifalhu Port & Thilafushi industrial zone will help revitalise and transform Maldivian economy. pic.twitter.com/OFClBpVY7l
— Dr. S. Jaishankar (@DrSJaishankar) August 13, 2020
ਉਨ੍ਹਾਂ ਨੇ ਦੋਵਾਂ ਦੇਸ਼ਾਂ ਦਰਮਿਆਨ ਵਪਾਰ ਨੂੰ ਵਧਾਉਣ ਲਈ ਭਾਰਤ ਅਤੇ ਮਾਲਦੀਵ ਵਿਚਾਲੇ ਨਿਯਮਤ ਕਾਰਗੋ ਸੇਵਾ ਸ਼ੁਰੂ ਕਰਨ ਦਾ ਐਲਾਨ ਵੀ ਕੀਤਾ।
ਵਿਦੇਸ਼ ਮੰਤਰੀ ਨੇ ਕਿਹਾ, ‘ਅਸੀਂ ਮਾਲਦੀਵ ਨਾਲ ਇੱਕ ਹਵਾਈ ਬੱਬਲ (ਹਵਾਈ ਯਾਤਰਾ) ਦੀ ਸ਼ੁਰੂਆਤ ਕਰ ਰਹੇ ਹਾਂ, ਤਾਂ ਜੋ ਦੋਹਾਂ ਦੇਸ਼ਾਂ ਦੇ ਲੋਕਾਂ ਦਰਮਿਆਨ ਸੰਪਰਕ ਨੂੰ ਉਤਸ਼ਾਹਤ ਕੀਤਾ ਜਾ ਸਕੇ।
ਜੀਐਮਸੀਪੀ ਪ੍ਰੋਜੈਕਟ ਵਿੱਚ ਇੱਕ ਪੁਲ ਅਤੇ 6.7 ਕਿਲੋਮੀਟਰ ਲੰਬੀ ਲਿੰਕ ਸੜਕ ਦਾ ਨਿਰਮਾਣ ਸ਼ਾਮਲ ਹੈ।
ਵਿਦੇਸ਼ ਮੰਤਰਾਲੇ ਨੇ ਕਿਹਾ, “ਇੱਕ ਵਾਰ ਇਹ ਪ੍ਰਾਜੈਕਟ ਮੁਕੰਮਲ ਹੋਣ ਤੋਂ ਬਾਅਦ, ਚਾਰ ਟਾਪੂਆਂ ਵਿੱਚ ਸੰਪਰਕ ਸੁਵਿਧਾ ਮਿਲੇਗੀ ਅਤੇ ਇਹ ਆਰਥਿਕ ਗਤੀਵਿਧੀਆਂ ਨੂੰ ਤੇਜ਼ ਕਰੇਗੀ, ਰੁਜ਼ਗਾਰ ਪੈਦਾ ਕਰੇਗੀ ਅਤੇ ਮਾਲੇ ਖੇਤਰ ਵਿਚ ਸਮੁੱਚੇ ਸ਼ਹਿਰੀ ਵਿਕਾਸ ਨੂੰ ਉਤਸ਼ਾਹਤ ਕਰੇਗੀ।
'ਭਾਰਤ ਗੁਲਹੀਫਾਹੂ ਵਿਖੇ ਪੋਰਟ ਦੇ ਨਿਰਮਾਣ ਲਈ ਵਿੱਤੀ ਮਦਦ ਵੀ ਦੇ ਕਰ ਰਿਹਾ ਹੈ।
ਫ਼ੇਰੀ ਸੇਵਾ ਨੂੰ ਦਰਸਾਉਂਦੇ ਹੋਏ, ਜੈਸ਼ੰਕਰ ਨੇ ਦੋ ਪੱਖੀ ਵਪਾਰ ਅਤੇ ਸੰਪਰਕਾਂ ਨੂੰ ਉਤਸ਼ਾਹਤ ਕਰਨ ਅਤੇ ਦੋਵਾਂ ਦੇਸ਼ਾਂ ਦਰਮਿਆਨ ਆਰਥਿਕ ਗੱਠਜੋੜ ਨੂੰ ਮਜਬੂਤ ਕਰਨ ਲਈ ਇਸ ਬਾਰੇ ਗੱਲ ਕੀਤੀ। ਵਿਦੇਸ਼ ਮੰਤਰਾਲੇ ਨੇ ਕਿਹਾ ਕਿ ਕਾਰਗੋ ਫੇਰੀ ਸੇਵਾ ਸਮੁੰਦਰੀ ਸੰਪਰਕ ਨੂੰ ਵਧਾਏਗੀ। ਇਹ ਓਪਰੇਟਿੰਗ ਖਰਚਿਆਂ ਨੂੰ ਘਟਾਏਗਾ ਅਤੇ ਕਾਰੋਬਾਰੀਆਂ ਲਈ ਸਮੇਂ ਦੀ ਬਚਤ ਕਰੇਗਾ।
ਏਅਰ ਬੱਬਲ ਸੇਵਾ ਦੀ ਸਿਰਜਣਾ ਦਾ ਜ਼ਿਕਰ ਕਰਦਿਆਂ ਮੰਤਰਾਲੇ ਨੇ ਕਿਹਾ ਕਿ ਮਾਲਦੀਵ ਅਜਿਹਾ ਪਹਿਲਾ ਗੁਆਂਢੀ ਦੇਸ਼ ਹੋਵੇਗਾ ਜਿਸ ਨਾਲ ਏਅਰ ਬੱਬਲ ਸੇਵਾ ਸ਼ੁਰੂ ਹੋਣ ਜਾ ਰਹੀ ਹੈ।
ਵਿਦੇਸ਼ ਮੰਤਰਾਲੇ ਨੇ ਕਿਹਾ ਕਿ ਹਵਾਈ ਬੱਬਲ ਸੇਵਾ ਮਾਲਦੀਵ ਵਿੱਚ ਸੈਲਾਨੀਆਂ ਦੀ ਆਮਦ ਅਤੇ ਮਾਲੀਆ ਉਤਪਾਦਨ ਲਈ ਭਾਰਤ ਦੇ ਸਮਰਥਨ ਦਾ ਪ੍ਰਤੀਕ ਹੈ। ਇਸ ਵਿੱਚ ਦੋਵਾਂ ਦੇਸ਼ਾਂ ਦੇ ਸਿਹਤ ਦੇ ਮਾਣਕਾਂ ਦੀ ਪੂਰੀ ਤਰ੍ਹਾਂ ਪਾਲਣਾ ਕੀਤੀ ਜਾਵੇਗੀ।
ਗੱਲਬਾਤ ਦੌਰਾਨ ਜੈਸ਼ੰਕਰ ਨੇ ਸਾਲ 2020-21 ਵਿੱਚ ਮਾਲਦੀਵ ਨੂੰ ਜ਼ਰੂਰੀ ਵਸਤਾਂ ਦੀ ਸਪਲਾਈ ਲਈ ਕੋਟੇ ਦੇ ਭਾਰਤ ਦੇ ਫੈਸਲੇ ਬਾਰੇ ਦੱਸਿਆ। ਇਸ ਵਿੱਚ ਆਲੂ ਪਿਆਜ਼, ਕਣਕ, ਚੀਨੀ, ਦਾਲ, ਅੰਡਾ ਆਦਿ ਸ਼ਾਮਲ ਹਨ।
