ਵਾਸ਼ਿੰਗਟਨ : ਅਮਰੀਕਾ ਦੇ ਰਾਸ਼ਟਰਪਤੀ ਜੋ ਬਾਈਡਨ ਨੇ ਆਪਣੇ ਪ੍ਰਸ਼ਾਸਨ ਦੇ ਦੋ ਅਹਿਮ ਅਹੁਦਿਆਂ ਲਈ ਭਾਰਤੀ ਮੂਲ ਅਮਰੀਕੀ ਡਾਕਟਰਾਂ ਨੂੰ ਨਾਮਜ਼ਦ ਕੀਤਾ ਹੈ। ਸਾਬਕਾ ਪੱਛਮੀ ਵਰਜੀਨੀਆ ਸਿਹਤ ਕਮਿਸ਼ਨਰ ਡਾ. ਰਾਹੁਲ ਗੁਪਤਾ ਨੂੰ ਮੰਗਲਵਾਰ ਨੂੰ ਨੈਸ਼ਨਲ ਡਰੱਗ ਕੰਟਰੋਲ ਪਾਲਿਸੀ ਦੇ ਦਫਤਰ ਦੇ ਡਾਇਰੈਕਟਰ ਅਹੁਦੇ ਲਈ ਨਾਮਜ਼ਦ ਕੀਤਾ ਗਿਆ ਹੈ। ਭਾਰਤੀ-ਅਮਰੀਕੀ ਸਰਜਨ ਅਤੇ ਮਸ਼ਹੂਰ ਲੇਖਕ ਅਤੁਲ ਗਾਵੰਡੇ ਨੂੰ ਯੂਐਸ ਏਜੰਸੀ ਫਾਰ ਇੰਟਰਨੈਸ਼ਨਲ ਡਵੈਲਪਮੈਂਟ (ਯੂਐਸਏਆਈਡੀ) ਵਿੱਚ ਇੱਕ ਸੀਨੀਅਰ ਅਹੁਦੇ ਲਈ ਨਾਮਜ਼ਦ ਕੀਤਾ ਗਿਆ ਹੈ।
ਰਾਹੁਲ ਗੁਪਤਾ , ਜਿਨ੍ਹਾਂ ਨੇ 25 ਸਾਲਾਂ ਤੋਂ ਮੁੱਢਲੀ ਕੇਅਰ ਫਿਜ਼ੀਸ਼ੀਅਨ ਵਜੋਂ ਸੇਵਾ ਨਿਭਾਈ ਹੈ, ਉਨ੍ਹਾਂ ਨੇ ਦੋ ਰਾਜਪਾਲਾਂ ਅਧੀਨ ਪੱਛਮੀ ਵਰਜੀਨੀਆ ਦੇ ਸਿਹਤ ਕਮਿਸ਼ਨਰ ਵਜੋਂ ਸੇਵਾ ਨਿਭਾਈ ਹੈ। ਸੂਬੇ ਦੇ ਮੁੱਖ ਸਿਹਤ ਅਧਿਕਾਰੀ ਹੋਣ ਦੇ ਨਾਤੇ, ਉਨ੍ਹਾਂ ਨੇ 'ਓਪੀਓਡੀ' ਸੰਕਟ ਪ੍ਰਤੀਕ੍ਰਿਆ ਦੀਆਂ ਕੋਸ਼ਿਸ਼ਾਂ ਦੀ ਅਗਵਾਈ ਕੀਤੀ ਅਤੇ ਜਨਤਕ ਸਿਹਤ ਦੀਆਂ ਕਈ ਪਹਿਲਕਦਮੀਆਂ ਸ਼ੁਰੂ ਕੀਤੀਆਂ ਹਨ।
ਗਾਵੰਡੇ ਨੇ ਮੁਸ਼ਕਲਾਂ, ਬੇਹਤਰ ਚੈੱਕਲਿਸਟ ਮੈਨੀਫੈਸਟੋ ਅਤੇ ਮੌਤ ਹੋਣ ਬਾਰੇ ਕਿਤਾਬਾਂ ਲਿਖੀਆਂ ਹਨ। ਜੋ ਨਿਊਯਾਰਕ 'ਚ ਵੱਡੀ ਤਦਾਦ ਵਿੱਚ ਵਿਕਿਆਂ ਅਤੇ ਪ੍ਰਸਿੱਧ ਵੀ ਹੋਇਆ ਹਨ।ਗਾਵੰਡੇ ਨੇ ਟਵੀਟ ਕੀਤਾ, “ਕੋਵੀਡ -19 ਸਣੇ ਗਲੋਬਲ ਹੈਲਥ ਬਿਊਰੋ ਦੀ ਅਗਵਾਈ ਕਰਨ ਲਈ ਚੁਣੇ ਜਾਣ ਨੂੰ ਲੈ ਕੇ ਮਾਣ ਮਹਿਸੂਸ ਕਰ ਰਿਹਾ ਹਾਂ। ਵਿਸ਼ਵਵਿਆਪੀ ਤੌਰ 'ਤੇ, 2020 ਦੇ ਮੁਕਾਬਲੇ 2021 ਦੇ ਪਹਿਲੇ ਛੇ ਮਹੀਨਿਆਂ 'ਚ ਕੋਵਿਡ -19 ਕਾਰਨ ਜ਼ਿਆਦਾ ਲੋਕ ਮਰੇ। ਮੈਂ ਸ਼ੁਕਰਗੁਜ਼ਾਰ ਹਾਂ ਕਿ ਮੈਨੂੰ ਇਸ ਸੰਕਟ ਨੂੰ ਖਤਮ ਕਰਨ ਅਤੇ ਵਿਸ਼ਵਵਿਆਪੀ ਜਨਤਕ ਸਿਹਤ ਪ੍ਰਣਾਲੀ ਨੂੰ ਮਜ਼ਬੂਤ ਕਰਨ ਦਾ ਮੌਕਾ ਮਿਲਿਆ ਹੈ। "
ਇਹ ਵੀ ਪੜ੍ਹੋ : ਵੇਖੋ ਵੀਡੀਓ : ਦਿਲ ਦੀ ਸਰਜਰੀ ਮਗਰੋਂ ਛੋਟੇ ਬੱਚੇ ਨੇ ਚੁੱਕਿਆ ਪਹਿਲਾ ਕਦਮ, ਟਵਿੱਟਰ ਨੇ ਕੀਤੀ ਸ਼ਲਾਘਾ
