ਹੈਦਰਾਬਾਦ:- ਭਾਰਤ ਦੀ ਮਸ਼ਹੂਰ OTT ਪਲੇਟਫਾਰਮ ਨੈੱਟਫਲਿਕਸ ਦੀ ਵੈੱਬ ਸੀਰੀਜ਼ ਦਿੱਲੀ ਕ੍ਰਾਈਮ ਸੀਜ਼ਨ 2 ਲੰਬੇ ਸਮੇਂ ਤੋਂ ਸੁਰਖੀਆਂ 'ਚ ਹੈ, ਇਸ ਸੀਰੀਜ਼ ਦੇ ਪ੍ਰਸ਼ੰਸਕ ਵੀ ਇਸ ਦੇ ਆਉਣ ਵਾਲੇ ਨਵੇਂ ਸੀਜ਼ਨ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ।
ਇਸੇ ਦੌਰਾਨ ਹੀ ਦਿੱਲੀ ਕ੍ਰਾਈਮ 2 ਨੂੰ ਲੈ ਕੇ ਵੱਡੀ ਖ਼ਬਰ ਇਹ ਵੀ ਸਾਹਮਣੇ ਆਈ ਹੈ ਕਿ ਨੈੱਟਫਲਿਕਸ ਨੂੰ ਦਿੱਲੀ ਕ੍ਰਾਈਮ 2 ਦੇ ਕੁਝ ਸੀਨਜ਼ ਬਾਰੇ ਯਕੀਨ ਨਹੀਂ ਸੀ, ਜਿਸ ਕਾਰਨ ਇਸ ਵੈੱਬ ਸੀਰੀਜ਼ ਦੇ ਉਨ੍ਹਾਂ ਸੀਨਾਂ ਨੂੰ ਦੁਬਾਰਾ ਸ਼ੂਟ ਕੀਤਾ ਜਾ ਰਿਹਾ ਹੈ।
ਮੀਡੀਆ ਰਿਪੋਰਟ ਦੇ ਅਨੁਸਾਰ ਦਿੱਲੀ ਕ੍ਰਾਈਮ 2 ਦੇ ਦੇਰੀ ਦਾ ਕਾਰਨ ਕੋਵਿਡ-19 ਕਾਰਨ ਲੌਕਡਾਊਨ ਸੀ ਤੇ ਨੈੱਟਫਲਿਕਸ ਨੇ ਦਿੱਲੀ ਕ੍ਰਾਈਮ ਸੀਜ਼ਨ 2 ਦੇ ਕੁਝ ਸੀਨਜ਼ ਨੂੰ ਦੁਬਾਰਾ ਸ਼ੂਟ ਕਰਨ ਦੇ ਆਰਡਰ ਵੀ ਦਿੱਤੇ ਹਨ। ਇਸ ਤੋਂ ਇਲਾਵਾ ਦਿੱਲੀ ਕ੍ਰਾਈਮ ਵੈੱਬ ਸੀਰੀਜ਼ ਦੇ ਅਭਿਨੇਤਾ ਰਾਜੇਸ਼ ਤੈਲੰਗ ਨੇ ਵੀ ਆਪਣੇ ਸੋਸ਼ਲ ਮੀਡੀਆ ਦੇ ਪਲੇਟਫਾਰਮ ਰਾਹੀਂ ਦਿੱਲੀ 'ਚ ਘੁੰਮਦੇ ਹੋਏ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਇਸ ਕਾਰਨ ਦਿੱਲੀ ਕ੍ਰਾਈਮ ਸੀਜ਼ਨ 2 ਜਲਦ ਹੀ ਆਨ ਏਅਰ ਹੋਣ ਦੀ ਚਰਚਾ ਵੀ ਪ੍ਰਸ਼ੰਸਕਾਂ 'ਚ ਤੇਜ਼ ਹੋ ਗਈ ਹੈ।
ਮੀਡੀਆ ਰਿਪੋਰਟ ਦੇ ਅਨੁਸਾਰ ਦੱਸ ਦਈਏ ਕਿ ਨੈੱਟਫਲਿਕਸ ਦਿੱਲੀ ਕ੍ਰਾਈਮ ਸੀਜ਼ਨ 2 ਲਈ ਪ੍ਰਾਪਤ ਹੋਏ ਆਉਟਪੁੱਟ ਤੋਂ ਨਾਖੁਸ਼ ਸੀ ਅਤੇ ਵਾਰ-ਵਾਰ ਲੜੀ ਦੇ ਕੁਝ ਵੱਡੇ ਹਿੱਸਿਆਂ ਨੂੰ ਦੁਬਾਰਾ ਸ਼ੂਟ ਕਰਨ ਲਈ ਕਹਿ ਰਿਹਾ ਸੀ। ਇਸ ਕਾਰਨ ਇਸ ਵੈੱਬ ਸੀਰੀਜ਼ ਦੀ ਰਿਲੀਜ਼ 'ਚ ਦੇਰੀ ਹੋ ਰਹੀ ਹੈ। ਇਸ ਤੋਂ ਪਹਿਲਾਂ, ਦਿੱਲੀ ਕ੍ਰਾਈਮ 2 ਦੇ ਦੇਰੀ ਦਾ ਕਾਰਨ ਕੋਵਿਡ -19 ਮਹਾਂਮਾਰੀ ਦੇ ਕਾਰਨ ਦੇਸ਼ ਵਿੱਚ ਲਾਗੂ ਕੀਤਾ ਗਿਆ ਲੌਕਡਾਊਨ ਸੀ।
ਜਾਣਕਾਰੀ ਅਨੁਸਾਰ ਦੱਸ ਦਈਏ ਕਿ ਦਿੱਲੀ ਕ੍ਰਾਈਮ 2 ਨੈੱਟਫਲਿਕਸ ਦੀ ਬਹੁਤ ਹੀ ਖਾਸ ਵੈੱਬ ਸੀਰੀਜ਼ ਵਿੱਚੋਂ ਇੱਕ ਹੈ। ਇਸ ਕਾਰਨ OTT ਪਲੇਟਫਾਰਮ ਕਿਸੇ ਵੀ ਤਰ੍ਹਾਂ ਦਾ ਰਿਸਕ ਨਹੀਂ ਲੈਣਾ ਚਾਹੁੰਦਾ। ਇਸ ਦੇ ਨਿਰਮਾਤਾਵਾਂ ਨੇ ਸਾਵਧਾਨੀ ਵਰਤਦੇ ਹੋਏ ਇਸ ਵੈੱਬ ਸੀਰੀਜ਼ ਦੇ ਸੀਨ ਨੂੰ ਦੁਬਾਰਾ ਸ਼ੂਟ ਕਰਨ ਦੇ ਆਦੇਸ਼ ਦਿੱਤੇ ਹਨ। ਹਾਲਾਂਕਿ, ਨੈੱਟਫਲਿਕਸ ਤੇ ਨਿਰਮਾਤਾਵਾਂ ਦੁਆਰਾ ਕੋਈ ਅਧਿਕਾਰਤ ਘੋਸ਼ਣਾ ਨਹੀਂ ਕੀਤੀ ਗਈ ਹੈ।
ਇਹ ਵੀ ਪੜੋ:- ਫਿਲਮ ਨਿਰਦੇਸ਼ਕ ਰਾਮ ਗੋਪਾਲ ਵਰਮਾ ਖਿਲਾਫ FIR, ਇਹ ਹੈ ਪੂਰਾ ਮਾਮਲਾ
ਤੁਹਾਨੂੰ ਦੱਸ ਦੇਈਏ ਕਿ ਵੈੱਬ ਸੀਰੀਜ਼ ਦਿੱਲੀ ਕ੍ਰਾਈਮ 'ਚ ਰਾਜੇਸ਼ ਤੈਲੰਗ ਦੇ ਨਾਲ ਸ਼ੈਫਾਲੀ ਸ਼ਾਹ, ਰਸਿਕਾ ਦੁੱਗਲ, ਆਦਿਲ ਹੁਸੈਨ ਵਰਗੇ ਕਈ ਵੱਡੇ ਅਤੇ ਮਸ਼ਹੂਰ ਕਲਾਕਾਰ ਮੁੱਖ ਭੂਮਿਕਾਵਾਂ 'ਚ ਸਨ, ਵੈੱਬ ਸੀਰੀਜ਼ ਦਿੱਲੀ ਕ੍ਰਾਈਮ 2012 ਦੀ ਨਿਰਭਯਾ ਕਾਂਡ ਤੋਂ ਪ੍ਰੇਰਿਤ ਸੀ। ਇਸ ਸੀਰੀਜ਼ ਨੇ ਦੁਨੀਆ ਭਰ 'ਚ ਕਾਫੀ ਸੁਰਖੀਆਂ ਬਟੋਰੀਆਂ ਸਨ।
ਵੈੱਬ ਸੀਰੀਜ਼ ਦਿੱਲੀ ਕ੍ਰਾਈਮ ਨੇ ਸਾਲ 2020 ਵਿੱਚ 48ਵਾਂ ਅੰਤਰਰਾਸ਼ਟਰੀ ਐਮੀ ਅਵਾਰਡ ਜਿੱਤਿਆ ਹੈ। ਇਸ ਲੜੀ ਨੂੰ ਸਰਵੋਤਮ ਡਰਾਮਾ ਲੜੀ ਦਾ ਪੁਰਸਕਾਰ ਮਿਲਿਆ, ਦਿੱਲੀ ਕ੍ਰਾਈਮ ਅੰਤਰਰਾਸ਼ਟਰੀ ਐਮੀ ਅਵਾਰਡ ਜਿੱਤਣ ਵਾਲੀ ਭਾਰਤ ਵਿੱਚ ਪਹਿਲੀ ਵੈੱਬ ਸੀਰੀਜ਼ ਹੈ। ਇਸ ਲੜੀ ਨੂੰ ਰਿਚੀ ਮਹਿਤਾ ਦੁਆਰਾ ਨਿਰਦੇਸ਼ਿਤ ਅਤੇ ਲਿਖਿਆ ਗਿਆ ਹੈ।
