ਮੁੰਬਈ: ਸ਼ਾਹਰੁਖ ਖਾਨ ਦੇ ਪ੍ਰਸ਼ੰਸਕ ਉਨ੍ਹਾਂ ਦੀ ਬੇਟੀ ਸੁਹਾਨਾ ਖਾਨ ਦੀ ਡੈਬਿਊ ਫਿਲਮ 'ਦਿ ਆਰਚੀਜ਼' ਦੇ ਰਿਲੀਜ਼ ਹੋਣ ਦਾ ਇੰਤਜ਼ਾਰ ਕਰ ਰਹੇ ਹਨ। ਹੁਣ 'ਕਿੰਗ ਖਾਨ' ਅਤੇ ਉਸ ਦੀ ਪਿਆਰੀ ਸੁਹਾਨਾ ਦੇ ਪ੍ਰਸ਼ੰਸਕਾਂ ਨੂੰ ਜ਼ਿਆਦਾ ਇੰਤਜ਼ਾਰ ਨਹੀਂ ਕਰਨਾ ਪਵੇਗਾ, ਕਿਉਂਕਿ ਫਿਲਮ ਦੀ ਨਿਰਦੇਸ਼ਕ ਜ਼ੋਇਆ ਅਖਤਰ ਨੇ ਦੱਸਿਆ ਹੈ ਕਿ ਉਹ ਬਹੁਤ ਜਲਦ 'ਦਿ ਆਰਚੀਜ਼' ਲੈ ਕੇ ਆ ਰਹੀ ਹੈ।
ਜ਼ੋਇਆ ਨੇ ਦੱਸਿਆ ਕਿ 'ਦਿ ਆਰਚੀਜ਼' ਥੀਏਟਰ 'ਤੇ ਨਹੀਂ ਸਗੋਂ OTT ਪਲੇਟਫਾਰਮ Netflix 'ਤੇ ਬਹੁਤ ਜਲਦ ਰਿਲੀਜ਼ ਹੋਣ ਜਾ ਰਹੀ ਹੈ। 'ਦਿ ਆਰਚੀਜ਼' 'ਚ ਸੁਹਾਨਾ ਖਾਨ ਦੇ ਨਾਲ-ਨਾਲ ਅਮਿਤਾਭ ਬੱਚਨ ਦਾ ਦੋਹਤਾ ਅਗਸਤਿਆ ਨੰਦਾ ਅਤੇ ਖੁਸ਼ੀ ਕਪੂਰ ਵੀ ਫਿਲਮੀ ਦੁਨੀਆ 'ਚ ਕਦਮ ਰੱਖਣ ਜਾ ਰਹੇ ਹਨ। ਇਸ ਫਿਲਮ ਦੀ ਇਕ ਪੋਸਟ ਸਾਹਮਣੇ ਆਈ ਹੈ, ਜਿਸ 'ਚ ਇਸ ਸੀਰੀਜ਼ ਦੇ ਸਾਰੇ ਸਿਤਾਰੇ ਨਜ਼ਰ ਆ ਰਹੇ ਹਨ।
- Zara Hatke Zara Bachke Box Office Day 10: 'ਜ਼ਰਾ ਹਟਕੇ ਜ਼ਾਰਾ ਬਚਕੇ' ਨੇ ਬਾਕਸ ਆਫਿਸ 'ਤੇ ਪਾਈਆਂ ਧਮਾਲਾਂ, ਪਾਰ ਕੀਤਾ 50 ਕਰੋੜ ਦਾ ਅੰਕੜਾ
- Mangal Dhillon Passes Away: ਸਮਰਾਲਾ ਦੇ ਪਿੰਡ ਨੀਲੋਂ ਵਿਖੇ ਕੀਤਾ ਗਿਆ ਮੰਗਲ ਢਿੱਲੋਂ ਦਾ ਅੰਤਿਮ ਸਸਕਾਰ
- Stefflon Don: ਸਿੱਧੂ ਮੂਸੇਵਾਲਾ ਦੇ ਪਿੰਡ ਪਹੁੰਚੀ ਬ੍ਰਿਟਿਸ਼ ਰੈਪ ਕਲਾਕਾਰ ਸਟੀਫਲੋਨ ਡੌਨ, ਦਿੱਤੀ ਸ਼ਰਧਾਂਜਲੀ
ਇਸ ਫਿਲਮ ਦੀ ਕਾਫੀ ਸਮੇਂ ਤੋਂ ਚਰਚਾ ਹੈ ਅਤੇ ਇਸ ਫਿਲਮ ਦੀ ਸ਼ੂਟਿੰਗ ਦੇ ਕਈ ਸੀਨ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਚੁੱਕੇ ਹਨ। ਨਿਰਦੇਸ਼ਕ ਜ਼ੋਇਆ ਅਖਤਰ ਨੇ ਸੋਸ਼ਲ ਮੀਡੀਆ 'ਤੇ ਇਕ ਪੋਸਟ ਰਾਹੀਂ ਇਹ ਜਾਣਕਾਰੀ ਦਿੱਤੀ ਹੈ। ਜ਼ੋਇਆ ਨੇ ਲਿਖਿਆ 'ਰਿਵਰਡੇਲ ਵਿੱਚ ਤੁਹਾਡਾ ਸੁਆਗਤ ਹੈ ਅਤੇ ਅਸੀਂ ਤੁਹਾਡੀ ਸੀਟ ਦੀ ਪੁਸ਼ਟੀ ਕਰ ਦਿੱਤੀ ਹੈ, ਬਹੁਤ ਜਲਦੀ ਆ ਰਹੇ ਹਾਂ'। ਇਸ ਦੇ ਨਾਲ ਹੀ ਇਸ ਸੀਰੀਜ਼ ਨਾਲ ਸੁਹਾਨਾ ਖਾਨ ਅਤੇ ਅਗਸਤਿਆ ਨੰਦਾ ਦੇ ਅਫੇਅਰ ਦੀਆਂ ਖਬਰਾਂ ਵੀ ਕਈ ਵਾਰ ਸਾਹਮਣੇ ਆ ਚੁੱਕੀਆਂ ਹਨ।
ਹਾਲ ਹੀ ਵਿੱਚ ਇਹ ਐਲਾਨ ਕੀਤਾ ਗਿਆ ਸੀ ਕਿ ਫਿਲਮ ਦੀ ਪੂਰੀ ਸਟਾਰਕਾਸਟ ਬ੍ਰਾਜ਼ੀਲ ਵਿੱਚ ਹੋਣ ਵਾਲੇ TUDUM ਦੇ ਇਵੈਂਟ ਵਿੱਚ ਮੌਜੂਦ ਹੋਵੇਗੀ। ਇਸ ਗੱਲ ਦੀ ਜਾਣਕਾਰੀ ਖੁਦ ਸੁਹਾਨਾ ਖਾਨ ਨੇ ਆਪਣੀ ਇਕ ਪੋਸਟ 'ਚ ਦਿੱਤੀ ਹੈ। ਇਹ ਸਮਾਗਮ 18 ਜੂਨ ਨੂੰ ਹੋਣ ਜਾ ਰਿਹਾ ਹੈ।
ਆਰਚੀਜ਼ ਕਾਮੇਡੀ 'ਤੇ ਆਧਾਰਿਤ ਇੱਕ ਸੰਗੀਤਮਈ ਫ਼ਿਲਮ ਹੈ, ਜਿਸ ਵਿੱਚ ਕਿਸ਼ੋਰ ਸਿਤਾਰੇ ਆਰਚੀਜ਼, ਬੈਟੀ, ਡਿਲਟਨ, ਅਰਥਰ, ਜੁਗਹੈੱਡ, ਰੇਗੀ ਅਤੇ ਵਾਇਰੋਸੀਨਾ ਸ਼ਾਮਲ ਹਨ। ਰੀਮਾ ਕਾਗਤੀ ਅਤੇ ਜ਼ੋਇਆ ਅਖਤਰ ਦੀ ਟਾਈਗਰ ਬੇਬੀ ਫਿਲਮ ਨੇ ਇਸ ਫਿਲਮ ਲਈ ਆਰਚੀਜ਼ ਕਾਮਿਕਸ ਅਤੇ ਗ੍ਰਾਫਿਕਸ ਇੰਡੀਆ ਨਾਲ ਮਿਲ ਕੇ ਕੰਮ ਕੀਤਾ ਹੈ। ਫਿਲਮ ਨੂੰ ਜ਼ੋਇਆ ਅਖਤਰ ਨੇ ਰੀਮਾ ਕਾਗਤੀ ਨਾਲ ਮਿਲ ਕੇ ਪ੍ਰੋਡਿਊਸ ਕੀਤਾ ਹੈ।
