ਮੁੰਬਈ: ਬਾਲੀਵੁੱਡ ਦੇ 'ਪਠਾਨ' ਸ਼ਾਹਰੁਖ ਖਾਨ ਦੀ ਲਾਡਲੀ ਬੇਟੀ ਸੁਹਾਨਾ ਖਾਨ ਜਲਦ ਹੀ ਪਰਦੇ 'ਤੇ ਨਜ਼ਰ ਆਉਣ ਵਾਲੀ ਹੈ। ਸੁਹਾਨਾ ਖਾਨ ਫਿਲਮਕਾਰ ਜ਼ੋਇਆ ਅਖਤਰ ਅਤੇ ਰੀਮਾ ਕਾਗਤੀ ਦੀ ਫਿਲਮ 'ਦਿ ਆਰਚੀਜ਼' ਨਾਲ ਬਾਲੀਵੁੱਡ 'ਚ ਡੈਬਿਊ ਕਰ ਰਹੀ ਹੈ। ਖੁਸ਼ੀ ਕਪੂਰ ਅਤੇ ਅਗਸਤਿਆ ਨੰਦਾ ਵੀ ਇਸ ਫਿਲਮ ਨਾਲ ਆਪਣੇ ਬਾਲੀਵੁੱਡ ਕਰੀਅਰ ਦੀ ਸ਼ੁਰੂਆਤ ਕਰਨ ਜਾ ਰਹੇ ਹਨ। ਬੀਤੇ ਦਿਨ ਫਿਲਮ ਦੇ ਨਵੇਂ ਪੋਸਟਰ ਦੇ ਨਾਲ ਇਹ ਐਲਾਨ ਕੀਤਾ ਗਿਆ ਸੀ ਕਿ 'ਦਿ ਆਰਚੀਜ਼' ਨੂੰ ਸਿਨੇਮਾਘਰਾਂ 'ਚ ਨਹੀਂ ਸਗੋਂ OTT ਪਲੇਟਫਾਰਮ Netflix 'ਤੇ ਸਟ੍ਰੀਮ ਕੀਤਾ ਜਾਵੇਗਾ। ਇਹ ਨਹੀਂ ਦੱਸਿਆ ਗਿਆ ਹੈ ਕਿ ਇਹ ਫਿਲਮ ਕਦੋਂ ਰਿਲੀਜ਼ ਹੋਵੇਗੀ। ਪਰ ਫਿਲਮ ਦੀ ਰਿਲੀਜ਼ ਤੋਂ ਪਹਿਲਾਂ ਬ੍ਰਾਜ਼ੀਲ 'ਚ ਟੂਡਮ ਈਵੈਂਟ ਹੋਣ ਜਾ ਰਿਹਾ ਹੈ, ਜਿਸ 'ਚ ਇਸ ਫਿਲਮ ਦੀ ਪੂਰੀ ਸਟਾਰਕਾਸਟ ਨਜ਼ਰ ਆਵੇਗੀ।
ਮੁੰਬਈ ਏਅਰਪੋਰਟ ਉੱਤੇ ਸਪਾਟ ਹੋਈ ਸੁਹਾਨਾ ਖਾਨ: ਤੁਹਾਨੂੰ ਦੱਸ ਦੇਈਏ ਕਿ 13 ਜੂਨ ਦੀ ਸਵੇਰ ਸੁਹਾਨਾ ਖਾਨ ਫਿਲਮ 'ਦ ਆਰਚੀਜ਼' ਦੀ ਪੂਰੀ ਟੀਮ ਦੇ ਨਾਲ ਬਲੈਕ ਟਿਊਨਿੰਗ ਵਿੱਚ ਮੁੰਬਈ ਏਅਰਪੋਰਟ ਉੱਤੇ ਸਪਾਟ ਹੋਈ ਸੀ। ਇਸ 'ਚ ਸੁਹਾਨਾ ਖਾਨ ਦੇ ਨਾਲ ਖੁਸ਼ੀ ਕਪੂਰ ਅਤੇ ਅਗਸਤਿਆ ਨੰਦਾ, ਯੁਵਰਾਜ ਮੈਂਡਾ, ਮਿਹਿਰ ਆਹੂਜਾ ਅਤੇ ਵੇਦਾਂਗ ਰੈਨਾ ਨਜ਼ਰ ਆ ਰਹੇ ਹਨ।
ਆਲੀਆ ਭੱਟ ਆਪਣੀ ਪਹਿਲੀ ਹਾਲੀਵੁੱਡ ਫਿਲਮ ਦਾ ਪ੍ਰਮੋਸ਼ਨ ਕਰਨ ਪਹੁੰਚੇਗੀ ਇਸ ਇਵੈਂਟ ਵਿੱਚ: ਟੂਡਮ ਈਵੈਂਟ ਲਈ ਆਰਚੀਜ਼ ਟੀਮ ਬ੍ਰਾਜ਼ੀਲ ਲਈ ਰਵਾਨਾ ਹੋ ਗਈ ਹੈ। ਇਸ ਦੇ ਨਾਲ ਹੀ ਆਲੀਆ ਭੱਟ ਵੀ ਇਸ ਇਵੈਂਟ 'ਚ ਹਾਜ਼ਰ ਹੋ ਕੇ ਆਪਣੇ ਪ੍ਰਸ਼ੰਸਕਾਂ ਨੂੰ ਹੈਰਾਨ ਕਰੇਗੀ। ਆਲੀਆ ਇੱਥੇ ਆਪਣੀ ਪਹਿਲੀ ਹਾਲੀਵੁੱਡ ਫਿਲਮ 'ਹਾਰਟ ਆਫ ਸਟੋਨ' ਦਾ ਪ੍ਰਮੋਸ਼ਨ ਕਰੇਗੀ। ਆਲੀਆ ਦੇ ਨਾਲ ਗੈਲ ਗਡੋਟ ਅਤੇ ਕ੍ਰਿਸ ਹੇਮਸਵਰਥ ਵੀ ਇੱਥੇ ਆਉਣਗੇ। ਕ੍ਰਿਸ ਆਪਣੀ ਫਿਲਮ ਐਕਸਟਰੈਕਸ਼ਨ-2 ਦਾ ਪ੍ਰਚਾਰ ਕਰਨਗੇ।
- Hbd Disha Patani: ਟਾਈਗਰ ਸ਼ਰਾਫ ਨੇ ਪਹਿਲੀ ਪ੍ਰੇਮਿਕਾ ਦਿਸ਼ਾ ਪਟਾਨੀ 'ਤੇ ਲੁਟਾਇਆ ਪਿਆਰ, ਅਦਾਕਾਰ ਨੇ ਇਸ ਤਰ੍ਹਾਂ ਦਿੱਤੀ ਜਨਮਦਿਨ ਦੀ ਵਧਾਈ
- Stefflon Don: ਸਿੱਧੂ ਮੂਸੇਵਾਲਾ ਦੇ ਪਿੰਡ ਪਹੁੰਚੀ ਬ੍ਰਿਟਿਸ਼ ਰੈਪ ਕਲਾਕਾਰ ਸਟੀਫਲੋਨ ਡੌਨ, ਦਿੱਤੀ ਸ਼ਰਧਾਂਜਲੀ
- ਪ੍ਰਭਾਸ-ਕ੍ਰਿਤੀ ਸੈਨਨ ਦੀ ਫਿਲਮ ਨੇ ਆਪਣੀ ਰਿਲੀਜ਼ ਤੋਂ ਪਹਿਲਾਂ ਵੇਚੀਆਂ 36 ਹਜ਼ਾਰ ਤੋਂ ਵੱਧ ਦੀਆਂ ਟਿਕਟਾਂ, ਕੀਤੀ ਮੋਟੀ ਕਮਾਈ
ਕੀ ਹੈ ਟੂਡਮ ਈਵੈਂਟ?: ਤੁਹਾਨੂੰ ਦੱਸ ਦੇਈਏ ਕਿ ਟੂਡਮ ਇੱਕ ਅਜਿਹਾ ਈਵੈਂਟ ਹੈ ਜੋ ਹਰ ਸਾਲ ਆਯੋਜਿਤ ਕੀਤਾ ਜਾਂਦਾ ਹੈ ਅਤੇ ਇੱਥੇ ਦੇਸ਼-ਵਿਦੇਸ਼ ਦੇ ਫਿਲਮ ਨਿਰਮਾਤਾ ਆਪਣੀ ਫਿਲਮ ਤੋਂ ਪਰਦਾ ਹਟਾਉਂਦੇ ਹਨ ਅਤੇ ਆਪਣੀ ਫਿਲਮ ਦਾ ਐਲਾਨ ਕਰਕੇ ਇਸ ਦਾ ਪ੍ਰਚਾਰ ਕਰਦੇ ਹਨ।
ਫਿਲਮ 'ਦ ਆਰਚੀਜ਼' ਬਾਰੇ: ਇਸ ਫਿਲਮ ਨੂੰ ਜ਼ੋਇਆ ਅਖਤਰ ਅਤੇ ਰੀਮਾ ਕਾਗਤੀ ਨੇ ਪ੍ਰੋਡਿਊਸ ਕੀਤਾ ਹੈ। ਇਹ ਫਿਲਮ ਇੱਕ ਸੰਗੀਤਕ ਥੀਮ 'ਤੇ ਆਧਾਰਿਤ ਹੈ, ਜੋ ਕਿ 1960 ਦੇ ਦਹਾਕੇ ਦੀ ਤਰਜ਼ 'ਤੇ ਹੈ ਅਤੇ ਰਿਵਰਡੇਲ ਦੇ ਨੌਜਵਾਨਾਂ 'ਤੇ ਵੀ ਆਧਾਰਿਤ ਹੈ।
