ਹੈਦਰਾਬਾਦ: ਬਾਲੀਵੁੱਡ ਦੇ 'ਵਿੱਕੀ ਡੋਨਰ' ਆਯੁਸ਼ਮਾਨ ਖੁਰਾਨਾ ਦੀ ਸਾਲ 2019 'ਚ ਰਿਲੀਜ਼ ਹੋਈ ਫਿਲਮ 'ਡ੍ਰੀਮ ਗਰਲ' ਲੋਕਾਂ ਨੂੰ ਯਾਦ ਹੀ ਰਹੇਗੀ। ਜੀ ਹਾਂ...ਉਹੀ ਫ਼ਿਲਮ ਜਿਸ ਵਿੱਚ ਬੇਰੁਜ਼ਗਾਰ ਆਯੁਸ਼ਮਾਨ ਖੁਰਾਨਾ ਇੱਕ ਕਾਲ ਸੈਂਟਰ ਵਿੱਚ ਕਾਲ ਗਰਲ ਦੀ ਭੂਮਿਕਾ ਵਿੱਚ ਨਜ਼ਰ ਆਏ ਸਨ। ਫਿਲਮ 'ਚ ਆਯੁਸ਼ਮਾਨ ਖੁਰਾਨਾ ਨੇ ਪ੍ਰਸ਼ੰਸਕਾਂ ਨੂੰ ਹਸਾਇਆ। ਹੁਣ ਆਯੁਸ਼ਮਾਨ ਖੁਰਾਨਾ ਦੇ ਪ੍ਰਸ਼ੰਸਕਾਂ ਲਈ ਖੁਸ਼ਖਬਰੀ ਹੈ ਕਿ ਇਸ ਫਿਲਮ ਦਾ ਸੀਕਵਲ 'ਡ੍ਰੀਮ ਗਰਲ-2' ਆ ਰਿਹਾ ਹੈ। ਪਰ ਇਸ ਵਾਰ ਆਯੁਸ਼ਮਾਨ ਖੁਰਾਨਾ ਅਦਾਕਾਰਾ ਨੁਸਰਤ ਭਰੂਚਾ ਨਾਲ ਨਹੀਂ ਬਲਕਿ ਸਾਰਾ ਅਲੀ ਖਾਨ ਨਾਲ ਲੜਦੇ ਨਜ਼ਰ ਆਉਣਗੇ।
ਸਾਰਾ ਨਾਲ ਸੰਪਰਕ ਕੀਤਾ ਗਿਆ ਸੀ?: ਮੀਡੀਆ ਰਿਪੋਰਟਾਂ ਮੁਤਾਬਕ ਸਾਰਾ ਅਲੀ ਖਾਨ ਨੂੰ ਆਯੁਸ਼ਮਾਨ ਦੀ ਕਾਮੇਡੀ-ਡਰਾਮਾ ਫਿਲਮ 'ਡ੍ਰੀਮ ਗਰਲ' ਦੇ ਸੀਕਵਲ ਲਈ ਅਪ੍ਰੋਚ ਕੀਤਾ ਗਿਆ ਹੈ। ਨਿਰਮਾਤਾ ਫਿਲਮ ਦੀ ਸਕ੍ਰਿਪਟ ਦੇ ਹਿਸਾਬ ਨਾਲ ਨੌਜਵਾਨ ਅਦਾਕਾਰਾ ਨੂੰ ਲੈਣਾ ਚਾਹੁੰਦੇ ਹਨ। ਇਸ ਦੇ ਲਈ ਮੇਕਰਸ ਸਕ੍ਰਿਪਟ ਦੇ ਹਿਸਾਬ ਨਾਲ ਸਾਰਾ ਅਲੀ ਖਾਨ ਫਿੱਟ ਨਜ਼ਰ ਆ ਰਹੀ ਹੈ। ਮੇਕਰਸ ਸਾਰਾ ਦੀ ਹਾਂ ਦਾ ਇੰਤਜ਼ਾਰ ਕਰ ਰਹੇ ਹਨ।
ਇਹ ਜੋੜੀ ਪਹਿਲੀ ਵਾਰ ਨਜ਼ਰ ਆਵੇਗੀ: ਜੇਕਰ ਸਾਰਾ ਅਲੀ ਖਾਨ ਫਿਲਮ ਲਈ ਸਹਿਮਤ ਹੋ ਜਾਂਦੀ ਹੈ, ਤਾਂ ਇਹ ਪਹਿਲੀ ਵਾਰ ਹੋਵੇਗਾ ਜਦੋਂ ਆਯੁਸ਼ਮਾਨ ਖੁਰਾਨਾ ਅਤੇ ਸਾਰਾ ਸਕ੍ਰੀਨ 'ਤੇ ਰੋਮਾਂਸ ਕਰਦੇ ਨਜ਼ਰ ਆਉਣਗੇ। ਮੀਡੀਆ ਮੁਤਾਬਕ ਫਿਲਮ ਇਸ ਸਾਲ ਦੇ ਅੰਤ ਤੱਕ ਫਲੋਰ 'ਤੇ ਚਲੇ ਜਾਵੇਗੀ। ਇਸ ਵਾਰ ਵੀ ਰਾਜ ਸ਼ਾਂਡਿਲਿਆ ਫਿਲਮ ਦਾ ਨਿਰਦੇਸ਼ਨ ਕਰਨ ਜਾ ਰਹੇ ਹਨ।
ਸਾਰਾ ਦਾ ਵਰਕਫਰੰਟ: ਦੱਸ ਦੇਈਏ ਕਿ ਸਾਰਾ ਨੂੰ ਆਖਰੀ ਵਾਰ ਫਿਲਮ 'ਅਤਰੰਗੀ ਰੇ' 'ਚ ਦੇਖਿਆ ਗਿਆ ਸੀ। ਇਹ ਫਿਲਮ ਪਿਛਲੇ ਸਾਲ ਰਿਲੀਜ਼ ਹੋਈ ਸੀ। ਇਸ ਦੇ ਨਾਲ ਹੀ ਸਾਰਾ ਅਲੀ ਖਾਨ ਵਿੱਕੀ ਕੌਸ਼ਲ ਨਾਲ ਲਕਸ਼ਮਣ ਉਟੇਕਰ ਦੀ ਫਿਲਮ 'ਗੈਸਲਾਈਟ' 'ਚ ਨਜ਼ਰ ਆਵੇਗੀ।
ਆਯੁਸ਼ਮਾਨ ਖੁਰਾਨਾ ਦਾ ਵਰਕਫਰੰਟ: ਆਯੁਸ਼ਮਾਨ ਦੀ ਪਿਛਲੀ ਫਿਲਮ 'ਅਨੇਕ' ਰਿਲੀਜ਼ ਹੋਈ ਸੀ, ਜੋ ਬਾਕਸ ਆਫਿਸ 'ਤੇ ਫਲਾਪ ਸਾਬਤ ਹੋਈ ਸੀ। 'ਡ੍ਰੀਮ ਗਰਲ 2' ਤੋਂ ਇਲਾਵਾ ਆਯੁਸ਼ਮਾਨ ਫਿਲਮ 'ਡਾਕਟਰ ਜੀ' 'ਚ ਰਕੁਲ ਪ੍ਰੀਤ ਸਿੰਘ ਅਤੇ ਸ਼ੈਫਾਲੀ ਸ਼ਾਹ ਨਾਲ ਕੰਮ ਕਰਦੇ ਨਜ਼ਰ ਆਉਣਗੇ।
ਇਹ ਵੀ ਪੜ੍ਹੋ:ਰਸ਼ਮੀ ਦੇਸਾਈ ਦੀ ਸਾਧਾਰਨ ਦਿਖ ਦੇ ਦੀਵਾਨੇ ਹੋਏ ਪ੍ਰਸ਼ੰਸਕ...
