ਚੰਡੀਗੜ੍ਹ: ਹੁਣ ਇਹ ਕਹਿਣਾ ਗਲਤ ਨਹੀਂ ਹੋਵੇਗਾ ਕਿ ਇਸ ਸਾਲ ਪੰਜਾਬੀ ਦੀਆਂ ਬਹੁਤ ਸਮੇਂ ਤੋਂ ਉਡੀਕੀਆਂ ਜਾ ਰਹੀਆਂ ਕਈ ਫਿਲਮਾਂ ਰਿਲੀਜ਼ ਹੋਣਗੀਆਂ। ਫਿਲਮ ਦੀ ਇਸ ਲਿਸਟ ਵਿੱਚ ਪੰਜਾਬੀ ਅਦਾਕਾਰ ਧੀਰਜ ਕੁਮਾਰ ਦੀਆਂ ਪੰਜ ਫਿਲਮਾਂ ਹਨ, ਜੋ ਇਸ ਸਾਲ ਰਿਲੀਜ਼ ਹੋਣਗੀਆਂ। ਇਸ ਬਾਰੇ ਖੁਦ ਅਦਾਕਾਰ ਨੇ ਜਾਣਕਾਰੀ ਸਾਂਝੀ ਕੀਤੀ।
ਧੀਰਜ ਨੇ ਇੰਸਟਾਗ੍ਰਾਮ ਉਤੇ ਪੋਸਟ ਸਾਂਝੀ ਕੀਤੀ ਅਤੇ ਰਿਲੀਜ਼ ਹੋਣ ਵਾਲੀਆਂ ਫਿਲਮਾਂ ਦੀ ਤਸਵੀਰ ਨਾਲ ਸਾਂਝਾ ਕੀਤਾ ਕਿ ਇਸ ਸਾਲ ਉਸਦੀਆਂ ਪੰਜ ਫਿਲਮਾਂ ਰਿਲੀਜ਼ ਲਈ ਤਿਆਰ ਹਨ। ਪੋਸਟ ਸਾਂਝੀ ਕਰਦੇ ਹੋਏ ਉਸ ਨੇ ਲਿਖਿਆ ' 2023 …ਵਾਹਿਗੁਰੂ ਸਭ ਦੀ ਮਿਹਨਤ ਨੂੰ ਭਾਗ ਲਾਵੇ#warning 2 #fullmoon #rabdi mehhar #paune9।' ਆਓ ਹੁਣ ਅਦਾਕਾਰ ਦੀਆਂ ਇਹਨਾਂ ਫਿਲਮਾਂ ਬਾਰੇ ਜਾਣੀਏ...।
- " class="align-text-top noRightClick twitterSection" data="
">
'ਰੱਬ ਦੀ ਮੇਹਰ': ਅਦਾਕਾਰ ਧੀਰਜ ਕੁਮਾਰ ਦੀ ਫਿਲਮ 'ਰੱਬ ਦੀ ਮੇਹਰ' ਦੀ ਸ਼ੂਟਿੰਗ ਖਤਮ ਹੋ ਗਈ ਹੈ। ਫਿਲਮ ਦੀ ਪਹਿਲੀ ਵਾਰ ਘੋਸ਼ਣਾ ਅਗਸਤ 2021 ਵਿੱਚ ਕੀਤੀ ਗਈ ਸੀ, ਇਸ ਪ੍ਰੋਜੈਕਟ ਨੂੰ ਅਭੈ ਛਾਬੜਾ ਦੁਆਰਾ ਨਿਰਦੇਸ਼ਤ ਕੀਤਾ ਗਿਆ ਹੈ ਅਤੇ ਡਿਗਿਆਨਾ ਫਿਲਮਜ਼ ਪ੍ਰੋਡਕਸ਼ਨ ਲਿਮਟਿਡ ਦੁਆਰਾ ਨਿਰਮਿਤ ਹੈ। ਫਿਲਮ ਵਿੱਚ ਅਦਾਕਾਰ ਧੀਰਜ ਕੁਮਾਰ ਤੋਂ ਇਲਾਵਾ ਕਸ਼ਿਸ਼ ਰਾਏ, ਅਜੇ ਸਰਕਾਰੀਆ, ਹਨੀ ਮੱਟੂ, ਕਪਿਲ ਬੱਤਰਾ, ਹਰੀਸ਼ ਵਰਮਾ ਵੀ ਹਨ। ਇਹ ਫਿਲਮ 2004 ਦੀ ਬਾਲੀਵੁੱਡ ਫਿਲਮ 'ਵੀਰ-ਜ਼ਾਰਾ' ਵਰਗੀ ਇੱਕ ਅੰਤਰ-ਧਰਮ ਪ੍ਰੇਮ ਕਹਾਣੀ ਹੈ।
'ਪੌਣੇ 9': 'ਪੌਣੇ 9' ਐਮੀਗੋਸ ਮੋਸ਼ਨ ਪਿਕਚਰ ਦੁਆਰਾ ਇੱਕ ਆਗਾਮੀ ਮਨੋਵਿਗਿਆਨਕ ਸਸਪੈਂਸ ਥ੍ਰਿਲਰ ਹੈ। ਫਿਲਮ ਦਾ ਪਲਾਂਟ ਇੱਕ ਰੁਮਾਂਟਿਕ ਕਹਾਣੀ ਦੁਆਲੇ ਘੁੰਮਦਾ ਹੈ ਜੋ ਜਨੂੰਨ ਅਤੇ ਦਹਿਸ਼ਤ ਦੀ ਕਹਾਣੀ ਵਿੱਚ ਬਦਲ ਜਾਂਦਾ ਹੈ। ਪੋਸਟਰ ਰਿਲੀਜ਼ ਨੇ ਦਰਸ਼ਕਾਂ ਵਿੱਚ ਇੱਕ ਗੂੰਜ ਪੈਦਾ ਕਰ ਦਿੱਤੀ ਹੈ, ਕਿਉਂਕਿ ਉਹ ਫਿਲਮ ਦੇ ਰਿਲੀਜ਼ ਹੋਣ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਫਿਲਮ ਦੀ ਕਾਸਟ ਵਿੱਚ ਧੀਰਜ ਕੁਮਾਰ, ਨੀਟੂ ਪੰਧੀਰ, ਪਾਲੀ ਸੰਧੂ, ਪਰਦੀਪ ਚੀਮਾ, ਗੁਰਜੀਤ ਸਿੰਘ, ਵਿਕਾਸ ਮਹਿਤਾ, ਪਰਵੀਨ ਬਾਨੀ, ਨੇਹਾ ਪਵਾਰ, ਪੂਜਾ ਬਰੰਬਟ, ਜੀਤ ਭੰਗੂ, ਗੁਰਨਵਦੀਪ ਸਿੰਘ, ਜੱਗੀ ਭੰਗੂ, ਰਿੰਪਲ ਢੀਂਡਸਾ, ਮਲਕੀਅਤ ਮਲੰਗਾ, ਵੀਰ ਸਮਰਾ ਆਦਿ ਹਨ। ਫਿਲਮ ਇਸ ਸਾਲ ਅਗਸਤ ਵਿੱਚ ਰਿਲੀਜ਼ ਹੋ ਜਾਵੇਗੀ।
- " class="align-text-top noRightClick twitterSection" data="
">
'ਤਬਾਹ': ਪਰਮੀਸ਼ ਵਰਮਾ ਫਿਲਮ 'ਤਬਾਹ' ਦੇ ਨਾਲ ਇੱਕ ਬਿਲਕੁਲ ਨਵੇਂ ਅਵਤਾਰ ਵਿੱਚ ਨਜ਼ਰ ਆਉਣਗੇ, ਜਿਸਦੀ ਸ਼ੂਟਿੰਗ ਜਨਵਰੀ 2022 ਵਿੱਚ ਸ਼ੁਰੂ ਹੋਈ ਸੀ। ਪਹਿਲਾ ਸ਼ੈਡਿਊਲ ਉਸੇ ਮਹੀਨੇ ਵਿੱਚ ਪੂਰਾ ਹੋਇਆ ਸੀ। ਇਹ ਦੂਜੀ ਵਾਰ ਹੈ ਜਦੋਂ ਪਰਮੀਸ਼ ਅਤੇ ਵਾਮਿਕਾ ਸਕ੍ਰੀਨ ਸਪੇਸ ਸ਼ੇਅਰ ਕਰਨਗੇ। ਦੋਵਾਂ ਨੇ ਪਹਿਲੀ ਵਾਰ ਆਪਣੀ ਪ੍ਰੇਮ-ਗਾਥਾ 'ਦਿਲ ਦੀਆਂ ਗੱਲਾਂ ' ਵਿੱਚ ਜੋੜੀ ਬਣਾਈ ਸੀ ਜੋ 2019 ਵਿੱਚ ਰਿਲੀਜ਼ ਹੋਈ ਸੀ, ਇਸ ਤੋਂ ਇਲਾਵਾ ਫਿਲਮ 'ਚ ਧੀਰਜ ਕੁਮਾਰ ਵੀ ਅਹਿਮ ਭੂਮਿਕਾ 'ਚ ਹਨ।
'ਵਾਰਨਿੰਗ 2': ਨਵੇਂ ਸਾਲ 'ਚ ਪ੍ਰਵੇਸ਼ ਕਰਨ ਤੋਂ ਠੀਕ ਪਹਿਲਾਂ ਪ੍ਰਿੰਸ ਕੰਵਲਜੀਤ ਸਿੰਘ ਨੇ ਸਭ ਤੋਂ ਵੱਧ ਉਡੀਕੀ ਜਾਣ ਵਾਲੀ ਪੰਜਾਬੀ ਫਿਲਮ 'ਵਾਰਨਿੰਗ 2' ਦੀ ਰਿਲੀਜ਼ ਡੇਟ ਦੇ ਨਾਲ ਪੋਸਟਰ ਵੀ ਜਾਰੀ ਕਰ ਦਿੱਤਾ ਹੈ। ਇਹ ਫਿਲਮ 17 ਨਵੰਬਰ 2023 ਨੂੰ ਸਿਲਵਰ ਸਕ੍ਰੀਨਜ਼ 'ਤੇ ਆਉਣ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। ਫਿਲਮ 'ਚ ਧੀਰਜ ਕੁਮਾਰ, ਜੈਸਮੀਨ ਭਸੀਨ ਅਤੇ ਕਈ ਹੋਰ ਕਲਾਕਾਰ ਵੀ ਹਨ।
'ਫੁੱਲ ਮੂਨ': ਆਪਣੇ ਪ੍ਰੋਡਕਸ਼ਨ ਹਾਊਸ 'ਇੰਪੋਸੀਬਲ ਫਿਲਮ ਸਟੂਡੀਓਜ਼' ਨੂੰ ਸ਼ੁਰੂ ਕਰਨ ਤੋਂ ਕੁਝ ਦਿਨ ਬਾਅਦ ਪੰਜਾਬੀ ਅਦਾਕਾਰ ਧੀਰਜ ਕੁਮਾਰ ਨੇ ਆਪਣੀ ਪਹਿਲੀ ਡੈਬਿਊ ਪ੍ਰੋਡਕਸ਼ਨ ਦਾ ਐਲਾਨ ਕੀਤਾ ਸੀ, ਜਿਸਦਾ ਸਿਰਲੇਖ ਹੈ 'ਫੁੱਲ ਮੂਨ'। ਵਰਿੰਦਰ ਰਾਮਗੜੀਆ ਦੁਆਰਾ ਨਿਰਦੇਸ਼ਿਤ ਇਸ ਫਿਲਮ ਵਿੱਚ ਧੀਰਜ ਕੁਮਾਰ, ਸਿਮਰਨ ਕੌਰ ਸੂਰੀ, ਜਗਜੀਤ ਸੰਧੂ, ਜੀਤ ਭੰਗੂ ਅਤੇ ਫਿਦਾ ਗਿੱਲ ਮੁੱਖ ਭੂਮਿਕਾਵਾਂ ਵਿੱਚ ਨਜ਼ਰ ਆਉਣਗੇ। ਫਿਲਮ ਦੀ ਕਹਾਣੀ ਅਤੇ ਸਕ੍ਰੀਨਪਲੇਅ ਵੀ ਵਰਿੰਦਰ ਰਾਮਗੜ੍ਹੀਆ ਨੇ ਹੀ ਲਿਖਿਆ ਹੈ।
ਇਹ ਵੀ ਪੜ੍ਹੋ: Raveena Tandon Padma Shri: ਰਵੀਨਾ ਟੰਡਨ ਨੇ ਐਸਐਸ ਰਾਜਾਮੌਲੀ ਨਾਲ ਦਿੱਤਾ ਪੋਜ਼, ਦੇਖੋ 'ਕੇਜੀਐੱਫ-2' ਅਦਾਕਾਰਾ ਦੇ ਇਹ ਯਾਦਗਾਰੀ ਪਲ
