ਚੰਡੀਗੜ੍ਹ: ਨਿੰਜਾ ਅਤੇ ਮੈਂਡੀ ਤੱਖਰ ਦੀ ਫਿਲਮ 'ਜ਼ਿੰਦਗੀ ਜ਼ਿੰਦਾਬਾਦ' ਅਜਿਹੀ ਹੀ ਇੱਕ ਪੰਜਾਬੀ ਫਿਲਮ ਹੈ, ਜੋ ਕਈ ਸਾਲਾਂ ਤੋਂ ਰਿਲੀਜ਼ ਹੋਣ ਦੀ ਤਾਰੀਕ ਲੱਭ ਰਹੀ ਹੈ ਅਤੇ ਹੁਣ ਇਹ ਇੰਤਜ਼ਾਰ ਖਤਮ ਹੁੰਦਾ ਪ੍ਰਤੀਤ ਹੋ ਰਿਹਾ ਹੈ, ਕਿਉਂਕਿ ਫਿਲਮ ਦੇ ਦਮਦਾਰ ਪੋਸਟਰਾਂ ਅਤੇ ਇੱਕ ਗੀਤ ਤੋਂ ਬਾਅਦ ਫਿਲਮ ਦਾ ਟ੍ਰੇਲਰ ਹੁਣ ਰਿਲੀਜ਼ (Zindagi Zindabaad Trailer release) ਹੋ ਗਿਆ ਹੈ ਅਤੇ ਫਿਲਮ ਇਸ ਅਕਤੂਬਰ ਦੇ ਅੰਤ ਤੱਕ ਸਿਨੇਮਾਘਰਾਂ ਵਿੱਚ ਦਸਤਕ ਦੇਵੇਗੀ।
ਮਿੰਟੂ ਗੁਰੂਸਰੀਆ ਦੁਆਰਾ ਉਨ੍ਹਾਂ ਦੇ ਜੀਵਨ 'ਤੇ ਲਿਖੀ ਗਈ ਇਹ ਫਿਲਮ ਜ਼ਿੰਦਗੀ ਦੀਆਂ ਕਈ ਸੱਚਾਈਆਂ ਉਤੇ ਚਾਨਣਾ ਪਾਉਂਦੀ ਨਜ਼ਰ ਆਵੇਗੀ। ਫਿਲਮ ਦਾ ਟ੍ਰੇਲਰ ਕਾਫੀ ਆਕਰਸ਼ਕ ਹੈ, ਜਿਸ ਵਿੱਚ ਐਕਸ਼ਨ, ਹਿੰਸਾ, ਡਰੱਗਜ਼, ਡਰਾਮਾ ਆਦਿ ਦੇਖਣ ਨੂੰ ਮਿਲਿਆ ਹੈ। ਇਸ ਤੋਂ ਇਲਾਵਾ ਫਿਲਮ ਇੱਕ ਇਨਸਾਨ ਦੇ ਬਣਨ ਅਤੇ ਟੁੱਟਣ ਦੀ ਕਹਾਣੀ ਨੂੰ ਬਿਆਨ ਕਰੇਗੀ, ਜਿਸ ਨੂੰ ਬਾਖੂਬੀ ਨਾਲ ਗਾਇਕ-ਅਦਾਕਾਰ ਨਿੰਜਾ ਨਿਭਾਉਂਦੇ ਨਜ਼ਰ ਆਉਣਗੇ। ਇਸ ਤੋਂ ਇਲਾਵਾ 'ਜ਼ਿੰਦਗੀ ਜ਼ਿੰਦਾਬਾਦ' ਪੰਜਾਬ ਵਿੱਚ ਨਸ਼ਿਆਂ ਦੇ ਸੱਭਿਆਚਾਰ 'ਤੇ ਟਿੱਪਣੀ ਦੇ ਨਾਲ-ਨਾਲ ਐਕਸ਼ਨ-ਕਾਮੇਡੀ-ਡਰਾਮਾ ਵੀ ਪੇਸ਼ ਕਰੇਗੀ।
- " class="align-text-top noRightClick twitterSection" data="">
- Kareena-Priyanka: ਪ੍ਰਿਅੰਕਾ ਚੋਪੜਾ ਨਾਲ ਸਾਲਾਂ ਪੁਰਾਣੀ 'ਕੈਟ ਫਾਈਟ' 'ਤੇ ਕਰੀਨਾ ਨੇ ਤੋੜੀ ਚੁੱਪ, ਕਿਹਾ- ਇਹ ਸਭ ਬਕਵਾਸ...
- Hema Malini Turns 75: 'ਡ੍ਰੀਮ ਗਰਲ' ਤੋਂ ਲੈ ਕੇ 'ਬਸੰਤੀ' ਤੱਕ, ਇਹ ਨੇ ਹੇਮਾ ਮਾਲਿਨੀ ਦੇ ਆਈਕੋਨਿਕ ਰੋਲ
- Kuch Kuch Hota Hai Marks 25 Years: 'ਕੁਛ ਕੁਛ ਹੋਤਾ ਹੈ' ਨੇ ਪੂਰੇ ਕੀਤੇ 25 ਸਾਲ, ਸ਼ਾਹਰੁਖ ਖਾਨ-ਰਾਣੀ ਮੁਖਰਜੀ ਦੀ ਕੈਮਿਸਟਰੀ ਦੇਖ ਲੋਕ ਹੋਏ ਦੀਵਾਨੇ
'ਜ਼ਿੰਦਗੀ ਜ਼ਿੰਦਾਬਾਦ' (Zindagi Zindabaad Trailer release) ਪ੍ਰੇਮ ਸਿੰਘ ਸਿੱਧੂ ਦੇ ਨਿਰਦੇਸ਼ਨ ਵਿੱਚ ਤਿਆਰ ਕੀਤੀ ਗਈ ਹੈ, ਜੋ ਪੰਜਾਬੀ ਫਿਲਮ ਇੰਡਸਟਰੀ ਵਿੱਚ ਫਿਲਮ 'ਪਲੀਜ਼ ਕਿੱਲ ਮੀ' ਅਤੇ ਵੈੱਬ ਸੀਰੀਜ਼ 'ਸ਼ਾਹੀ ਮਾਜਰਾ' ਲਈ ਮਸ਼ਹੂਰ ਹਨ। ਪ੍ਰੇਮ ਸਿੰਘ ਸਿੱਧੂ ਦੀ ਇਹ ਫਿਲਮ 27 ਅਕਤੂਬਰ ਨੂੰ ਰਿਲੀਜ਼ ਹੋਵੇਗੀ।
'ਜ਼ਿੰਦਗੀ ਜ਼ਿੰਦਾਬਾਦ' ਦੀ ਸਟਾਰ ਕਾਸਟ ਦੀ ਗੱਲ ਕਰੀਏ ਫਿਲਮ ਮੈਂਡੀ ਤੱਖਰ ਅਤੇ ਨਿੰਜਾ ਤੋਂ ਇਲਾਵਾ ਸੁਖਦੀਪ ਸੁੱਖ, ਰਾਜੀਵ ਠਾਕੁਰ, ਸਰਦਾਰ ਸੋਹੀ, ਵਿਭਾ ਭਗਤ, ਯਾਦ ਗਰੇਵਾਲ, ਅ੍ਰੰਮਿਤ ਅੰਬੀ, ਵੱਡਾ ਗਰੇਵਾਲ, ਅਨੀਤਾ ਮੀਤ, ਸੈਮੂਅਲ ਜੌਹਨ, ਰੂਪ ਸੰਧੂ, ਜਗਦੀਪ ਰੰਧਾਵਾ ਵਰਗੇ ਕਈ ਮੰਝੇ ਹੋਏ ਕਲਾਕਾਰ ਨਜ਼ਰ ਆਉਣਗੇ।
